Tala i Taaloga

O LE TALAAGA O LE TENISI I LE LALOLAGI

 

O el apeseti (up set) muamua lea i le tenisi o le tausaga lenei e America, i le taaloga mulimuli o lenei tausaga i mea tautenisi, ua uma le Wimbeldon e faia e Peretania, uma le US Open, French Open ma le Ausetralia Open, e taaloga tenisi na e fa (4) e taua o le taaloga faitaulia e tuasaga taitasi poo le 'slam' poo le 'major'.

 

I le talaaga o lenei taaloga ma fai muamua lava e Farani i Matu i le tausaga i le 12 seneturi, ao lei faaaogaina na o pate, sa faaaoga lima ma e lei maua foi le igoa e faaigoa ai, na faaigoa lava i le igoa faa-Farani, 'jeu de paume' poo le 'game of the palm' poo le po i le lima'.

 

Ia na amata foi ona fiafia mai ai le Tupu a Peretania o Henry VII o ia e fiafia foi i le lea taaloga i le 16 seneturi ma ua amata foi ona faaaoga pate e ta ai le polo.

 

Ao le taimi lena e ta agai i puipui e fausia e faia ai lenei taaloga, ona amata lava lea ona lauiloa le taaloga ma ua oo mai i le faaiuga o le 16 seneturi ua maua le igoa e faaigoa ai o 'tenez' a faa-Peretaniaina o le 'hold', 'receive', poo le 'take' le upu e fai mai e le tagata lea o le taina mai le polo i le isi tagata.

 

Ia ona oo mai lea i le 18 ma le 19 seneturi i Peretania ona amata loa lea ona tuu i ai tulafono, ma ua le toe taua o se taaloga a Tupu ma Aiga Tupu ma tagata aloaia, ae ua amata ona gasolo atu i ai e fiafia i lea taaloga.

 

ILOILO IUNI LAKAPI NZ PE FAASALA TANA UMAGA

 

Ua tolu nei vaiaso talu ona amataina le taamilosaga o le ITM a NZ, na suia mai nei le kamupani o le ITM mai i le Air NZ ua tolu ai tausaga talu ai.

 

Ona o le faiga lava lea o kamupani e tuu i ai e NZ e tai lima tausaga ma sui foi i le isi kamupani lea e sosoo mai i le faiga o le faasologa o kamupani nei o loo faatupeina le taamilosaga i lana lima tausaga.

 

O le taaloga i le va a le Counties Manukau lea na faaali ai le malie o le loto o le latou faiaoga o Tana Umaga i faaiuga a le alii laufoli, o Glen Jackson i lana faaiuga lea na fai i le latou No. 8 Fritz Lee e mafua i le latou taaloga ma Aukilani lea na faiaina ai e 22-20, ae sosoo ai ma le latou taaloga i le talita i le vaiaso lea ua tea, ae ua faasala e le Iuni le latou No.8. i le taaloga lena i le lua vaiaso talu ai.

 

Fai mai le laufoli, "E leaga le puega o le No. 8 na a Manukau o le tama taalo a Aukilani 'Blues' o Sean Polwart i lana vaai ma na alu foi fesili i le alii ta fua, o le tali lava na e tasi, ua maualuga laititi lana pue, le mea lena na taofi ai le taaloga ae sei tauvaai e tama ma teine o le EMS le tama o Sean Polwart."

 

Ae fai mai Tana Umaga i le alii tuai o le fesi o Chiefs, lea ua avea nei ma laufoli, o Glen Jackson, "E malamala lelei lava le mea ai ua vaai atu i le tauga o le pue, ae le iloa e le alii laufoli e lei o atu tama lakapi e milimili i totonu nisi tagata, afai o le faiga lena o le lakapi e sili ai ona fai le ituaiga lakapi o le pai ma pe 'touch rugby'."

 

UA MAUTINOA E $41.5 MILIONA E MAUA MAYWEATHER JR.

 

E fai mai ia Richard Schaefer o le CEO a le Golden Boy Promotions, na faamaonia ai le tupe e maua nei Floyd Mayweather Jr. i le la fusuaga ma Canelo Alvarez ia Setema 14 i Lasi Vegas, e $41.5 miliona.

 

O le tagata ua leva tele o i ai le matatia lea o Mike Tyson e $33 miliona i le fusuaga ma Evander Holyfield i le la fusuaga faalua i le fusi o le Heavyweight i le tausaga 1997 ia Iuni 28.

 

Ae o le tutuuga na i ai, e $30 miliona e maua e Tyson i le fusuaga e tasi, ma le $30 miliona i le fusuaga lona lua.

 

O Mayweather Jr. lea na sosoo atu i ai i le fusuaga Miguel Cotto ia Me 5 2012 e $32miliona.

 

TAUANAU E CORYJANE IA SAVEA E NOFO

 

Ua uma lê konekarate a Julian Savea i le Wellington 'Hurricanes' o lea e leo mautinoa nei pe toe saini i le Hurricanes pe e toe sui se 'au e alu i ai i le tausaga fou.

 

O Julian Savea tasi lea uigi ua alu nei i luma lona lelei i le All Blacks ma o ia o se taulealea na fanau i Wellington i NZ, ae o ana matua e o mai i Samoa.

 

O Cory Jane o se tasi foi lea uigi a le Hurricanes ma o ia foi e lavea i tele o taimi i le All Blacks, ma fai a ia, "O le taimi lava e alu atu ai le igoa o Savea ua avanoa mo sana konekarate i 'au uma a le Super 15, e pei o le a le tau fai ofo mai o 'au uma i le latou fia mauaina o Savea."

 

Ua faalogo i tala ua manao ia Savea e alu i le Waikato 'Chiefs' poo le Crusaders, o tala na faasalalau i tala o taaloga a NZ.

 

O Cory Jane ua tolu nei tausaga o taaalo faatasi lava ma Julian Savea i le 'au o Wellington, ua vaai i ai Cory i le alualu i luma o lenei tama Samoa i lana tulaga o le uigi.

 

FAATAU E KOBE BRYANT LANA TAAVALE I LE $100,000.00

 

I le tausaga 2006 toe tolu vaiaso oo i le kirisimasi, na alu ai le toalua o Kobe Bryant i le 'West Coast Customs' pe mafai i le latou kamupani ona fai mai le taavale o le 1963 Chevrolet Impala.

 

Na malilie mai ai le kamupani o le a latou faia mai ina se galuega tele i le tolu vaiaso lenei ma le manoaga a Mrs. Bryant.

 

I le fitu tausaga talu ona fealuai ia Kobe Bryant i lana taavale, na manoa ai nei e faatau atu i le eBay, e amata i le $100,000.00 le tau e amata ai.

 

Fai mai Kobe, e manumanu tele i lana taavale lea, ae o le tele a aso e seasea ona faaaogaina, talu ona leaga lona 'aao i tua o le uaua le mea lea e tau o le 'Archilles tendon' poo le uaua lea e fesootai ai le alofi-vae ma le maso lea e i tua o le vae.

 

Faaliliuina e Toleafoa Haserota Auva’a

 

Comment Here