Ads by Google Ads by Google

Tala i taaloga

AMATA ALOAIA TAAMILOSAGA TAITOA 7 I SIKOTILANI

 

O le po anapo na amata aloaia ai le taamilosaga taitoa 7 i Sikotilani, lea o lo o tausinio ai ‘au e 16 mai atunuu eseese o le lalolagi e aofia ai ma le au a Samoa, afai ae manumalo Niu Sila i le taamilosaga lenei, e tele le avanoa e ono sola ai ma le siamupini o le taamilosaga o le 2012-2013, ma afai ae siamupini Niu Sila, o le faa 11 ai lea ona avea o ia ma siamupini talu ona amata mai le taamilosaga i le 2000.

 

O le Pool A, lea ua taaalo mai ai Samoa, Aferika i Saute, Kenya ma Canada, o le Pool B lea o le taaalo mai ai NZ, Scotland, England ma Portugal, ao le Pool C lea o le taaalo mai ai Australia, Fiti, Argentina ma Spain ia ma le Pool D, o le taaalo mai ai ia France, USA, Wales ma Russia.

 

O NA NEI E ILOA AI LE AURO I TOTONU O LE AFI

 

O nanei lea e faataunuuina ai le fusuaa o Floyd Mayweather Jr. ma Robert Guerrero i le MGM Grand Garden i Las Vegas, na o se fusuaga  foi na maua mai i petipetiga e 7-1 le toatele o tagata petipeti ia Floyd Jr. e malo i lea fusuaga.

 

E tele tusitusiga e faatatau i lenei fusuaga, ona ua valoia e nisi ua amata ona tuai le gaioi a Floyd ae talitonu isi, e foliga mai e tele le avanoa e manumalo ai Floyd i le fusuaga lenei. O Floyd o lo o umia le fusi o le WBC i le aupaga o le middleweight, ma afai ae faiaina ia Robert longa uia o le a se’i lana fusi.

 

O le fusuaga e maua e Floyd Mayweather Jr. le tupe e $40 miliona ae maua e Robert Guerrore le $3 miliona, ma o le matamata ai tagata i le $69.95 i le TV (pay per view) i Amerika.

 

O le fusuaga muamua lea a Floyd Jr. i le tausaga lenei, talu ina maua e Showtime ina ua alu 'ese mai i le HBO.

 

O le tala a Floyd Jr. "E 'ese foi le mea na fai e Guerrore, o le sue mai o tagata i le fusuaga lea e ala lea i le faalalauina o lona toalua e ma'i i le 'leukemia' e o mai ai tagata i sana fusuaga. Ae le iloa ua leva ona malosi le fafine i le falemai ma ua malosi lelei lava."

 

O Floyd Jr. lea ua faatoa atoa le 36 tausaga ae o Robert Guerrore faatoa atoa lana 27 tausaga, o le tutu mai o la tama i le tulimanu o Ruben Guerrore ma Floyd Mayweather Sr. i le po o le la fusuaga.

 

ATOA TAALOGA 100 A BRAD THORN I LE SUPER 15

 

O le taaloga i le va o Otago Highlanders ma le Sharks i le aso ananafi, ua atoa i ai taaloga e 100 a le alii o Brad Thorn i le taamilosaga o le Super 15 talu ona taalo mo  Otago.

 

O le alii lenei na alai ona taalo i le lakapi Iuni i le tausaga e 2001 e oo mai i le tausaga nei ua atoa le 92 taaloga ma taalo ai mo le Crusaders ona alu ai lea taalo mo England ina ua maea le Ipu o le Lalolagi i le 2011.

 

O Brad Thorn a le taaalo faatasi ma le isi alii lea ua maua a latou taaloga ma le isi 'au vaega tuai foi lena o Anton Oliver ua atoa le 127 o ana taaloga, Jimmy Cowan ua 108 ana taaloga ma Tony Brown e 108, ma Chris King e 102 a'i latou uma na o le Highlanders ua maua le selau o taaloga.

 

O le toatele o nisi tagata e fiafia ia Brad Thorn e mafua ona o atu i le taaloga e molimauina ai le atoaga o le 100 taaloga ia, ma o le tele o mea nei e fai, o le fiafia lava tagata ina ua atoa le 100 ana taaloga i le Iuni lakapi. Ia manuia le atoga o lou 100 taaloga Brad Thorn.

 

SAINI LE KONEKARATE O IOANE

 

Ua maea nei ona sainia le konekarate a Digby Ioane e taalo ai mo le au a Falani i le kalapu o le Stade Francais i le totogi e $2.5 miliona i le lua tausaga, ma o lea konekarate e aofia ai ma le avanoa e taalo ai i le ipu o le lalolagi i le 2015.

 

I se faamatalaga mai ia Jim Carmichael le pule o le Iuni lakapi a Ausetalia e faapea, "O Ioane ua uma saini nei lana konekarate i Farani, ma o le mea la, a saini loa le konekarate e le mafai ona taalo mo Ausetalia i le Ipu o le Lalolagi, leaga o le tasi lena itu o le konekarate. Ia e alu Ioane ma lana faamanuiga i soo se mea lava na te faia."

 

Fai mai foi le 'au lakapi a le Reds, "E manaomia lava Ioane pe afai e toe foi mai i Ausetalia e toe taalo ai."

 

Ua fai mai foi le susuga ia Robbie Dean le faiaoga a Ausetalia, "Ua uma ona fai i ai lou faaiuga, o Ioane o le isi ua uma ona ou pikiina mo le 'au a Ausetalia lea o le taalo nei ma le Lions ia Iuni.

 

E le faapea o se tulafono le mea nei, tusa pe a poo le a, e tatau lava ona taalo i le Super 15 ae lei faia le Ipu o le Lalolagi i le vaitaimi lena o le pikiina ai le 'au a Ausetalia.

 

Ia o lea e amataina mai le taamilosaga ia Setema i tausaga uma lava, ia Australia Rugby Union e faamaamulu mai Ioane e alu e taalo mo Farani.

 

FAATOILALO E LE LE BLUES LE STORMERS

 

E 18-0 ‘ai na faatoilalo ai e le Blues le au malosi a le Stormers ao faagasolo ai le taamilosaga o le Super 15 i le taimi nei i le va o au a Niu Sila, Ausetalia ma Aferika i Saute.

 

O ‘ai a le Blues na maua i sala e 6 na kiki e le latou fesi i le pou, i le maea ai o osofaiga malolosi sa faia i le taimi atoa o le taaloga.

 

Ia o le taaloga o le Rebels ma le Chiefs ma manumalo le Chiefs i le 39-33 na malo ai, ma ua me'i a'e nei 'au o le taimi o le taamilosaga o le Brumbies ua 7-1-2, 40 ona 'ai, Chiefs 7-3, 40 ona 'ai, Cheetahs 7-3, 35 'ai, Reds 7-3, 37 'ai, Blues 5-4, 'ai e 36, ma le Bulls 6-3 e 'ai e 32.

 

Faaliliuina e Toleafoa Haserota Auvaa