UA MAUA NEI E NONITO DONAIRE LE TAMA FUSU O LE TAUSAGA

Ua filifilia nei le alii o Nomito Donaire e avea ma tama fusu o le 2012, e pei ona faapipii i ai lona igoa  i le lisi o tama fusu sa latou umia mai lenei tulaga i tausaga ua mavae.

O le alii lea na oti ai le Filipino o Juan Manuel Marquez lea na ona malo mai i le tausaga lenei e tasi 2011 i ana fusuaga lea na fai ai ma oti ai Manny Pacquiao i le faaiuga o le tausaga nei, e le lava lena mo le filifiliga o le tama fusu o le tausaga a le Yahoo.

Ia o le alii fusu foi o Robert Guerro o le isi tagata na fai i ai le filifiliga i ana malo e lua ia Selcuk Audin ma Andre Berto, ua maua ai nei sana avanoa e fusu ai ma Floyd Mayweather Jr, i le tausaga nei i le May 4 ae e le ave'esea ai le tama fusu o le tausaga.

Ia na Andre Ward lea na mauaina i le tausaga lea ua te'a lea foi na manumalo Chad Dawson i le tausaga nei, e le'i avea foi lona malo i le la fusuaga na Dawson ma mea e toe filifilia ai ia e avea ma tama fusu o lenei tausaga.

Ia na faapena foi le alii o Leo Santa Cruz lea na manumalo uma lava i ana fusuaga e tolu i le fusi i le tausaga lenei, lea na malo ia Carl Froch i le Super 6 ma Lucian Bute ma le la fetauiga ma Yusef Mack.

E le'i ave ifo ina ana malo na ma mea o le taumaluelue ai e avea o le Filipino ma tama fusu o le tausaga.

Faapena foi le alii o Danny Garcia lea na malo uma i ana fusuaga i le fusi o loo ia te ia, 3-0 faapena foi le alii Brian Viloria e lua ana fusuaga 2-0 i lenei tausaga, ia ma Adrien Broner le isi tama fusu ua sau i luma lona lelei i lenei tausaga.

I le alii lea o Nonito Donaire ua faafa ona puipuiga o le lona fusi ma e leai lava se tasi e tausasi ai le fusuaga a le alii lea, e fa 4-0 lelei ona fusuaga na puipuia mai ai lona fusi.

2012- Nonito Donaire.

2011- Andre Ward.

2010- Sergio Martinez.

2009- Manny Pacquiao.

2008- Manny Pacquiao.

2007- Miguel Cotto.

SAUNI QUADE COOPER E FUSU

Ua iu lava ina taunuu le miti a le alii o Quade Cooper, e fia avea o ia ma tama fusu, e pei ona faamaonia mai lana fusuaga i le po lea o le a fusu ai le alii o Sonny Bill William ma le alii mai Aferika i Saute o Francois Botha, e ui e le o iloa mai lana paga.

O le alii o Cooper, e 24 tausaga le matua, o se alii e taalo lakapi i totonu o Ausetalia, lea foi e pei ona avea ma sui o le au a le Wallabies a Ausetalia mo le tele o tausaga.

O Cooper, o se alii e lelei le taalo lakapi toe lelei lona malosi e koleni ai, ma ua i ai lona faanaunauga afai e tulaga lelei le avea o ia ma tama fusu, o le a mulimuli i tulagavae o lana uo o SBW.

E oo foi i le fesoasoani isi tama taaalo, e nofo lelei i le faatonuina pe fesoasoani i le (technique) a lena tagata.

O le mea lea na toe taalo ai i le laveaina o lana tulivae, ma taofi e le toe taalo i le tausaga atoa faatasi ai ma le latou 'afa o Will Genia. O alii lenei o Quade Cooper o le lelei ia o ana uiga faatama taalo i le vaai o isi tama taalo i ai.

Ae o le taimi e ona ai, ia e iloa se mea e faia pe oo ina ona le ona, o le mea foi na ua faasa mai ai foi ma Aferika i Saute ma le tausaga ma le afa, ona o lona uiga e faia i luga o le ona.

TOFIA BILL PULVER FAI MA TAITAIFONO IUNI LAKAPI A AUETALIA

O le alii milionea i Ausetalia, Iapani ma Peretania, ua tofia e fai ma taitaifono o le Iuni lakapi a Ausetalia, ona o ia o se tagata e fiafia tele i le taaloga lakapi.

Fai mai a ia, "O a'u ua filifilia e le Iuni Lakapi o Ausetalia e ta'ita'ia le lakapi, na i le 50 o tagata na tusi talosaga i ai, ae lea ua filifilia a'u o lea la o le a ou taumafai e si'i i luga le tulaga o le lakapi i Ausetalia. O le a ou taumafai e toe tuu i luga i le No. 1."

Fai mai le ta'ita'i fono a le Iuni Ausetalia o Bill Puvler, "Ua 53 nei ou tausaga ua ou manatu foi i le lelei ma le alu'alu i luma o le lakapi a Ausetalia, ua leva tele ona ou manao i ai i le tulaga lea. E le o ni tupe, o la e tele tupe na maua i ou pisinisi, ae o lou naunautaiga lava ia maua e Ausetalia le mea e tatau ona i ai i le tele tausaga ua mavae atu."

Ua manatu ua leva ona toe mana'o i se siitaga e tatau ona toe ave i ai Ausetalia, ua tatau ona i ai, o le latou aiga foi lea na faia ai e tagata faatupu faalavelave i le pomu foi lea e fai atu i le kola o se ofu i Mosman i le 2011.

faaliliu: Toleaofa Haserota Auvaa