Ads by Google Ads by Google

Tala i Ta'aloga

UA TOE FAIAINA FO'I LE BLUES I LE TA'ALOGA MA LE STROMERS

O le taimi nei ina ua uma le vaiaso lona lima ua tula'i mai ai le lekoki a le Auckland Blues, i le (1-3).

I le ta'aloga i aso Tofi nei, na manumalo ai le Stormers mai Cape Town i le latou ta'aloga ma le Blues, 27-17.

E ta le afa o le ta'aloga ao i ai le 14 'ai la e va ai ma le 'au a Aferika i Saute, lea la na toe 7 'ai na sili ai le Stormers, ae te'i ona toe fa'asala i luma o le latou itu.

Na ova le sala na a'aina e le fulupeki o Joe Pieterson na toe maua ai le 10 o 'ai na toe 'ese'ese ai.

I le afa muamua na malo ai le Stormers i mea uma o le ta'aloga, o le teritori o le polo maua, e le mauaina e le 'au a le Blues se taimi latou te mauaina ai le polo.

Ona fai lava lea o le tuliga lea se'ia o'o i le toe taimi o le ta'aloga pe 72 minute ae toe silkoa loa le Stormers, ova le kiki maua 'ai i le uma ai le ta'aloga, 27-17.

Na maua e le Blues le sikoa na mauaina e ali'i o Stanley, ma Faumuina. Ma kiki na ova i le a'a o le latou tama o Anscombe e 2 sala, ma le a'a o le sikoa. Ae o le Stormers na mauaina mai le sikoa Habana, De Villiers, na sala na a'aina lea e le latou fulupeki o Pieterson.

UA FIAFIA NEI LE 'AU A LE CHIEFS I LE LATOU MALOLOGA

I le latou malologa lenei ua fiafia ai le susuga le ali'i faia'oga o Dave Rennei ina ua malo uma i latou ta'aloga e tolu lea na faia ma le Auckland Blues, Canterbury Crusaders ma Canberra Brumbies.

Ua malolo i lenei  vaiaso ma le sili i 'au uma a Niu Sila i le latou 'pool', ina ua malo tigaina i le ta'aloga ma le Brumbies, i le 29-22, e fai o le tigaina a'o le finau o lena ta'aloga.

Fai mai le latou faia'oga, "O le tulaga lenei na o'o i ai le latou 'au, ua tele mea sese na latou fai, e mautinoa e malo lava le Brumbies pe ana le tele fo'i a latou mea na sese. O le tele ia o latou mea sese, ae laki le latou 'au ona ua tele mea sese o le Brumbies i le taimi mulimuli lava o le ta'aloga."

O le tulaga la e o'o i ai le ta'aloga ma le 'au lea a le Brumbies, i le lelei tele o lana 'au i le fuafua atu i ai i so'o tulaga lava o le ta'aloga, lelei uma tagata.

O le latou 'au na muamua lava fa'afetaui i 'au malolosi o le ta'amilosaga pei o le Blues, Crusaders, lea la e lagona pea lava le mafatia o latou tama ta'aalo i le taimi lenei, e o'o mai i le latou ta'aloga ma le Brumbies.

I le latou peleni o le ta'aloga,  e mamao ona ave i totonu le polo, e o atu uma ai le 'au a le Brumbies, ae fa'asoa mai le saoasaoa i tua o latou laina  i tua.

E faigofie ai fo'i ona fa'aaoga mai ai le latou puipuiga pea le ave o le polo i totonu, e le mafai ai e le isi 'au ona fuafua mai ai le latou osofa'iga.

O le vaiaso i tua o le a ta'aalo ai ma le Waratah i le latou malae i le aso 31 o Mati.

 FUSUAGA O LE FUSI O LE Featherweight WBO

San Juan, Pueto Rico.

O le tama o Salido Orlando o Mexico na taofia le la fusuaga ma le ali'i Juan Lopez i le ta'amilosaga e 10 ina ua le fa'aauauina le la fusuaga.

O le fa'alua ai lea ona fusu nei ali'i, na fusu muamua ia Aperila i le tausaga ua te'a, ma na malo ai fo'i le ali'i o Salido Orlando, toe fusu fo'i i le aso To'anai toe malo ai fo'i Orlando.

Ua tula'i mai nei la manumalo ma faiaina o le ali'i Orlando i le 38-11-2 ma le 26 tu'i oti, ae tula'i mai le rekoki a Juan Lopez i le 28-2 ma le 28 tu'i oti.

Ma e foliga mai o faia'ina uma nei a lea ali'i o Juan Lopez e faia'ina uma i le ali'i lea o Salid Orlondo i le fusi lea o le WBO Featherweight.

Fa'aliuliuina e Toleafoa Haserota Auva'a