LOKA SE TAMALOA I LE PERETOMEINA O TAMAITI AE LEAI SE LAISENEUa molia nei se tamaloa e 52 tausaga mai i le afioaga o Sataoa, i lona faia o ni tulaga e fa’ao’o ai ni manu’a i ni ali’i talavou e to’a 28, ina ua na peretomeina i latou, ae e na te le umia se fa’ailoga po o se laisene fa’afoma’i.O le vaiaso fou ua fa’amoemoe e tula’i ai lenei ali’i i luma o le fa’amasinoga mo sona iloiloga.Pe a ma le to’a 20 ni ali’i na o’o i se tulaga fa’aletonu ma fa’atopetope atu ai le to’afitu o i latou i le falema’i, ona o nei ta’otoga.FA’ASA A’OGA METOTISI FANAU A’OGA MAI I LE TOE I LE TAULAGAUa faia nei se tulafono fou a le a’oga a le ekalesia Metotisi, o le Kolisi a Leva’ula, e fa’asa ai fanau a’oga mai i le toe o aga’i i Apia pe a tu’ua a’oga, talu ai se fa’alavelave na tula’i mai, lea na osofa’ia ai e ni tamaloloa ia se tamaititi a’oga, ma se aga’ese.I se tusi ua fa’ao’oina atu i matua o fanau a’oga o lo o a’o’oga i Leva’ula, na fa’aalia ai e le pulea’oga, le taulimaina e leoleo o lenei mata’upu, mo sa latou su’esu’ega. Ae ona o le fia puipuia o le saogalemu o fanau a’oga, ua a’e ai se manatu i ta’ita’i o le a’oga, ina ia fa’amalosia lenei tulafono.Na ta’ua e se tasi mai i le a’oga, le fa’amanu’alia o le tamaititi a’oga na osofa’ia, i ni manu’a i lona manava ma lona vae.Aumai: Radio New ZealandLE FIAFIA NISI O AVE TAXI I LE OFISA O ALATELENa fa’aalia e ni isi o aveta’avale la’u pasese, lo latou le fiafia tele i ni isi o tulafono ua fa’amalosia e le Ofisa o Alatele (LTA), e fa’atatau i le toe fa’afouina o a latou laisene. Na ta’ua e Palemene Ah Fook mai i Vaigaga ma Leauva’a, na ave’esea e le LTA laisene na fa’apipi’i i lana ta’avale, i le Aso Faraile, ma le fa’amatalaga, e le sa’o le lanu o le vali la e vali ai lana taxi.Sa ta’ua e Ah Fook, e fa’anoanoa o ia, ona e fou lava le vali o lana ta’avale, ae ona o lenei tulafono, sa ia toe fa’aalu ai leisi $800 e toe vali ai lana ta’avale, fa’aopoopo atu i ai ma lana sala e $100 mo le le sa’o o le vali sa vali ai lana ta’avale, ae salagi i leisi $60 ina ia mafai ai ona toe maua mai lana laisene e toe fa’apipi’i i lana ta’avale.Ae e le na’o Ah Fook o lo o fa’aalia lona le malie i lenei tulaga. Na ta’ua e le ali’i o Louis Stowers, mai Vaigaga, o lo o ia ia se lisi o ni taxi e 10 e ese a latou lanu, ae o lo o mafai lava ona feoa’i i luga o le auala.Na fa’amatala e Stowers le o’o atu ia te ia, o se fa’aaliga mai i le LTA i le masina o Setema o le tausaga ua mavae, e fa’ailoa atu ai le le toe fa’afouina o lana laisene pe afai e le suia le lanu o lana ta’avale. Na ta’ua e Stowers, sa fa’atonuina o ia, e tatau ona vali pa’epa’e lana ta’avale, lea na ia fa’aalu ai le $1,300 i lea galuega.Ae na ta’ua e Stowers, e uma na fa’afou le vali o lana ta’avale, toe fa’afou lana laisene ia Setema, ae ona maitauina le fa’aauau pea ona i ai ta’avale la’u pasese o lo o feoa’i i luga o le auala ma lanu sese. Na fa’aalia e lenei ali’i ua tolu tausaga talu ona ave taxi, lona le fiafia tele i le LTA ma le faia o le latou galuega.Aumai: Samoa Observer