Ads by Google Ads by Google

Tala ‘oto’oto mai Samoa

TA’USALAINA SE MATAI SAMOA I LE TALEPEINA O SE FALE A SE AIGA

O se matai taua a Samoa, ae o se pule i se ofisa nusipepa, le susuga Savea Sano Malifa, na ta’usalaina i lona fa’aleagaina o se fale a se aiga.  Ua fa’amaonia le moliaga ae leai se sala.

O lenei moliaga na faia fa’asaga ia Savea, ona o se fa’alavelave na tula’i mai i le afioaga o Afega i le tausaga e 2005, ona o tulaga o fanua.  E tusa ai ma le tagi a Fata Pemila, na ia tu’ua’ia ai Savea i lona fa’aleagaina o se fale a le aiga o Fata, na fau i luga o se fanua a le aiga potopoto.

Na fa’amaonia e Savea i luma o le fa’amasinoga lona fa’aleagaina o le fale a Fata.  E le’i maua se fa’ai’uga i se tagi na fa’aulu e Savea e fa’asaga ia Fata.

TAPUNIA FA’AMALOSIA NI FALEOLOA PULEA E NI TAGATA SAINA

Ua tapunia e le ofisa o le Minisita o Fefa’atauaiga ia ni pisinisi po o ni faleoloa se lua, e pulea e tagata Saina, ina ua fa’amaonia i se su’esu’ega na faia, ia le faia e i la’ua o ni fa’amaumauga le fa’amaoni.

Na ta’ua e Margaret Fruean, le sui pule sili o le ofisa e lesitala ai pisinisi, na fa’amaonia e nei faipisinisi ia le atoa o le lua tausaga, o tatala pea a la pisinisi, ae leai ni laisene faipisinisi.

Na ta’ua foi e Fruean, i se tasi o a latou su’esu’ega na faia, na fa’amaonia ai le talavou o se tasi o pule fou o se tasi o nei pisinisi, ma o se tulaga e le o gatasi ma le tulafono.  O le tausaga fa’atulagaina e mafai ai ona avea se tasi ma pule o se pisinisi, e 21 tausaga.

I le vaiaso ua mavae, na tipoti ai fo’i seisi ali’i faipisinisi mai Saina ona o le tulaga lava lea e tasi.

TOE TAUMAFAI ATILI LE MANU SAMOA

E ui i le latou siamupini mai i le ipu o le lalolagi i le Lakapi Ta’ito’a 7, i Las Vegas i le fa’ai’uga o le vaiaso, ae e le o fa’avaivai ai le u’una’ia e le ali’i faiaoga o Stephen Betham, o tama o le Manu Samoa, ina ia fa’amalosi atili aua ta’aloga o loma nei i Hong Kong.

Na fa’ato’ilalo e Samoa ia Niu Sila i le latou ta’aloga i le Aso Sa, ma se’ia ai le ipu o le lalolagi, i se ta’aloga na fa’ai’u i le 26-19.

Na fa’aalia e Betham le fa’amalieina o lona loto i le gaioi a ana tama ta’a’alo talavou, ina ua manunu’a ali’i tuai o le ta’aloga, e pei o Lolo Lui ma Uale Mai.

E toe ono vaiaso ona amatalia lea o leisi vaega o le Ta’ito’a 7 i Hong Kong.

Aumai: Radio New Zealand