Ads by Google Ads by Google

Tala ‘oto’oto mai i Samoa

TO’ATOLU MALILIU I FA’ALAVELAVE I LE VAIASO E TASIO se turisi mai i Siamani, na maliu i le vaiaso ua mavae, ina ua alu sana savalivaliga i luga o matafaga i Lalomanu. Na maua atu le tina matua e 71 tausaga, ua maliu i luga o matafaga i tafatafa o le Litia Sini Beach Resort, i le Aso Faraile o le vaiaso, e pei ona fa’amaonia e le sui Komesina o Leoleo, le susuga Le’aupepe Fatu Pula.Na ta’ua e Le’aupepe e fa’apea, o si nei tina matua, na fuafua e malaga ese ma Samoa i le aso lava na maliu ai. Ma na maua i a latou su’esu’ega ia ni fa’amaumauga o lo o ta’ua ai le feagai o lenei tina ma ni gasegase. Ae o le a fa’ataunu’u pea se su’esu’ega a foma’i e fa’amautu ai le mafua’aga tonu na maliu ai o ia.Na ta’ua e le Konesula a Siamani i Samoa, o Arne Schreiber, o lo o latou fa’atali i se ripoti mai i leoleo ae le gata i lea, mo le fa’afeso’ota’iga o le aiga o lenei tina, i Siamani.I seisi fa’alavelave na tula’i mai i le vaiaso ua mavae, o le Aso Tofi, na maliu ai se tamaloa Letogo a’o faia sana tuliga pua’a (se’i tulou). O lo o masalomia le oso o se ma’i fatu o lenei tamaloa.Ma seisi fo’i fa’alavelave na tupu i le Aso Lulu, lea na maliu ai se tamaititi e 17 tausaga, ina ua malemo i Mulifanua, a’o fagogota ma ni isi o lona aiga.MANUMALO TAUSALA FITI I LE TAUVAGA TAUSALA PASEFIKA 2011-2012O le po o le Aso To’ona’i na se’i mavae atu nei, na fa’apaleina ai le tama’ita’i e 24 tausaga, mai i le motu o Fiti, o Alisi Rabukawaqa, e avea ma Tausala o le Pasefika 2011-2012, e sui tulaga i le tausala o le Atu Kuki, o Joyana Meyer, lea sa avea ma Tausala o le Pasefika 2010-2011.O le tausala mai Hawaii, le tama’ita’i o Kawena Ka-Malamalama-O-Nalani Souza, sa na ia maua le tulaga lua, ona soso’o ai lea ma le tausala mai Tonga, o Liberty Afeaki. O le tulaga fa na maua e le tausala mai i Papua Niu Kini, o Sarah Kila Karo ma le tausala a le Atu Kuki, o Uirangi Bishop, lea na maua le tulaga lima.O isi fa’ailoga lautogia o le afiafi, na maua ai e le tausala mai i Fiti ia le fa’ailoga o le la’ei fa’aleaganu’u ma le vaega o Fesili ma Tali. Na maua e le tausala mai Hawaii ia le fa’ailoga o le tama’ita’i sili ona aulelei i pu’eaga ata fa’apea le fa’ailoga mo le ofu savili. O le tausala mai Papua na maua le fa’ailoga mo le tausala na sili ana palota i luga o le initeneti. O le tausala mai Tonga, sa na maua le fa’ailoga o le tama’ita’i sili ona uiga tausa’afia ma le fa’ailoga o le Turisi. Ae o le fa’ailoga o le taleni na maua lea e le tausala o le Atu Kuki.MALILIU PEPE E TO’ALUA I LE ‘TYPHOID’Ona o se fa’alavelave na tula’i mai i totonu o se aiga i Malie, lea na maliliu ai ni a latou pepe fou se lua, ua lapata’ia mai ai e le tina ia Temukisa Sefo, ia tagata o le atunu’u ina ia fa’apuna a latou suavai ma fa’amama mea e gasese ai taumafa, ae e le’i fa’aaogaina.O le masina ua mavae, e to’a iva lelei tagata o le aiga a Auimatagi Tovia, na maua i le gasegase o le ‘typhoid fever’, lea na i’u ina maliliu ai ni a latou pepe fou e to’alua, ina ua maua tina o nei pepe i lenei gasegase.Na fa’aalia e Temukiso, na amata ona pisia lo latou aiga i lenei fa’ama’i, ina ua maua ai se tasi o le fanau, le ali’i 13 tausaga, o Falaniko. Na le’i manatu mamafa i ai le aiga, ona sa ave Falaniko i le falema’i ma sa fautuaina matua e tusa ai ma le auala e taofi ai le pesia o le siama.Ae peita’i, sa le’i taofia ai le pepesi o le fa’ama’i, i le aiga potopoto e silia ma le 40 ona tagata, lea e nonofo i fale e iva i luga o se fanua e tasi le eka. Na ta’ua e Temukisa le fa’apopoleina o i latou, ona e na’o le to’atasi na ma’i ae a’afia uma ai lo latou aiga. Ma o i latou na maua i le fa’ama’i, sa fai o latou tui ae o leisi vaega uma o le aiga, o lo o inu fuala’au.Sa ta’ua foi e Temukisa, o le mea na pito sili ona faigata, o le tau taofiofi o le fanau i totonu o fale. Ma o se tasi o tulaga na matua’i fa’afetaia e lo latou aiga, ona o se tasi o tina matu ao le aiga, e 98 tausaga, o Auimatagi Tovia, e le’i a’afia i lenei gasegase. E to’alua nisi o le fanau iti, e ta’i fa tausaga, o Sefo Sefo ma Fuamai Tovia, ua fa’asolosolo manuia i la’ua.MALO SE TAMALOA SALE’IMOA I SE TUPE E $11,000Ua fa’amanuiaina nei le kerisimasi a le ali’i o Pati Tuavae mai i Sale’imoa, ina ua malo i se ta’aloga a le kamupani telefoni o le Digicel, i le Aso To’ona’i ua mavae, i se vaegatupe e $11,000.Ua fa’amanuiaina foi Tisiga Pelesauma mai i Moamoa, i le $3,000 ina ua malo fo’i i seisi ta’aloga a le Digicel.(Source: Samoa Observer)