Ads by Google Ads by Google

Sau Ia Bodybuilding

O se va'aiga i le taimi na faia ai le tauvaga, i le Tanoa Hotel, Samoa. [ata: foai]O le tamaita'i o Titiula Manuma ua ia umia le Pine Auro fa'apea fo'i ma le ali'i o Aunese Tauinaola. [ata: foa'i]O le to'atolu lea ua fa'amau fa'ailogaina taumafaiga i le Fa'aaliga o Teuteutino i Samoa, lea ua umia uma e i latou Pine Auro: Aunese Tauinaola, David Fanene ma Ryan Taifane. [ata: foa'i]

Ua mae'a le tauvaga sa alofaiva atu i ai le Sau Ia IFBB Bodybuilding & Fitness Federation a Amerika Samoa ma ua fo'i mai ma le manuia, e pei ona fa’ailoa mai i le Samoa News, e sui o le Federation.

O 'ai o le latou sao i lenei ta'amilosaga sa faia i Apia, Samoa e 4 Pine Auro 3 Apamemea, ma ua patipatia ai fo'i taumafaiga a alo sa tauva:

• Men's Junior na tauva ai Christina Tupuola ma ua ia umia ai le Pine Apamemea.

• Women's Physique na tauva ai le tama'ita'i o Casidy Cassie Mahuka ma ua ia umia ai le Pine Apamemea.

• Women's Open Phisque, na tauva ai le tama'ita'i o Titiula Manuma ma ua manumalo a'ia'i ai i le Pine Auro.

• Men's Physique Short na tauva ai Aunese Tauinaola ma ua manumalo ai i le Pine Auro.

• Men's Bodybuilding i paga mama i lalo o le 80kg le mamafa na tauva ai Aunese Tauinaola a ua maua ai e ia le Pine Apamemea.

• Men's Bodybuilding sili le mamafa i le 100kg na tauva ai le tama o Ryan Taifane ma ua ia umia nei le Pine Auro.

• Tauvaga a le Men's Masters na tauva ai le ali'i o David Fanene, ua ia mauaina ai nei le Pine Auro.

I le fa'aiuga o lenei tauvaga atoa sa fa'aalia ai le tino lelei o le alo o Amerika Samoa ma o se tasi o sui o le Sau Ia IFBB Bodybuilding Federation - Floyd Scanlon.

O e na latou faamasinoina lenei tauvaga i sa faia i le Tanoa Hotel Apia, o le ta'ita'i o fa'amasino uma e to'alima o Mark Stewart mai le IFBB NZ.

O isi fa'amasino sa aofia fa'atasi ai ma tatou sui fa'amasino o le Sau Ia IFBB American Samoa Bodybuilding Federation: President Peter Reid lll ma Sala McMoore; Joe Keil IFBB Samoa, Esther Tofilau IFBB NZ ma Esera Poliko IFBB Samoa.

O i latou na malaga atu e sailimalo i lea tauvaga e aofia ai: Suraj Kumar, Aunese Tauinaola, Titiula Manuma, Casidy Mahuka, Ryan Taifane, Christian Tupuola and David Fanene.

Fa'amalo le tauva fa'atausala, ae maise foi le galulue punoua'i o le Sau Ia IFBB Bodybuilding Federation mo so tatou 'ai.