Sola le Tamaloa
Maea le lotu a tamaiti ole lua afe sefulu male lua,
Ae pisi solo le isi fafine e su'e lona to'alua.
Fai mai sa alu e ave tamaiti e fai a latou matua,
Ae fo'i mai ua leai se puligi leai mase pisupo o le sua.
E fesili atu i le isi au alii o le tuaoi i le fia iloa o le tamaloa,
Ae faatumu ifo ai ma o latou avanoa.
E vili atu i le telefoni ae ii mai faatosotosololoa,
E pei e foliga mai e i ai seisi o la talatalanoa.
E sasa mai le lima ole tamaititi i lana tauloto i le falesa,
Ae sola lona tama ae tiai lona tina.
Alu lena po atoa o nofonofo si fafine ma le faigata male pogisa
Ae le utuva le solo ifo o faamafanafanaga a le au fia sui tulaga i le tama.
E malama ae le taeao o le aso gafua,
Ua le ofi le pusa aisa a le fafine i meaai na la'u atu e le au fia faito'alua.
Ae le'o mana'omia e si fafine lea se numera 2,
O loo mana'o lava i le tama o lana fanau le numera muamua.
Fai mai la si fafine o ia pei a valea lona mafaufau.
Alu atu le isi alii fai mai a la nonofo e faitalia ia ma fai uma a la feau.
Alu atu le isi fai mai faitalia ia ma tausi si ana fanau.
Ae alu atu le isi fai mai a la nonofo e pei lava ia ole taupou e le'i fanau.
Sa ou fautua lava la i si fafine i lea tulaga.
Sa ou fai atu i ai vaai oe o tagata tonu lava na e ta'u o tagata o le olaga.
E leiloa po'o le mea na ua tuua ai e si ou to'alua le lua mafutaga,
Ua fiu e faatau fasimoli o le tou paipa i le o atu ole au alii lena ma taga.
O le isi foi nei faufuaga mo outou le itupa vaivai ia outou manatua.
O tama ma tamaloloa a mananao loa ia outou ua o atu faalega atu o latou taitoalua.
Te'i lava si fafine o la e lelei le mafutaga,
A'o lea e o latou taito'alua ma tala'i solo o latou leaga.
Pe ave fo'i e le fafine muamua le tupe e totogi ai ia ma lana fanau,
Ae alu atu ai oe le numera lua ai le gau.
Faaoga lelei o tatou mafaufau
Ua fai a si saoasaoa o lenei vaitau.
Feiloai i le vaiaso fou pe a sau.