Ua mae’a ona fa’atautaia tu’uga fa’ai’u o le Ta’amilosaga o Ta’aloga Afeleti i le tatou vasega o A’oga Maualuluga i le teritori, ma ua mae’a fa’amauina fo’i le sui ma lona taimi na ia tamo’e ai i le mamao na fa’atulaga mo le tauvaga. E tolu a’oga maualuluga sa tauva i lenei tausaga, peita’i, e to’aono a’ogana amatalia mai ai le liki lava lenei i le amataga.

I le aotelega o taumafaiga a le fanau na tauva mai a’oga ta’itasi ma latou tu’uga na tauva ai, ua maua ane ai le fa’ai’uga: I le itupa o Ali’i, ua manumalo a’ia’i ai le a’oga a Tafuna i ‘ai e 103, tulaga lua ai Samoana i ‘ai e 100, ae tulaga tolu ai Fa’asao Marist i latou ‘ai na maua e 56.

I le itupa o Tama’ita’i:

Ai silia ai Samoana ina ua latou mauaina ‘ai e 118, tulaga lua le a’oga a Tafuna i ‘ai e 108 ma le a’oga Fa’asao Marist e na’o le 31 o latou ‘ai.

O le lisi ua i lalo, e fa’ailoa ai le tagata ma lona saoasaoa fa’atasi ai ma le tu’uga na tauva ai, ona fa’ato’a aotelega ai lea o taumafaiga fa’atasi a A’oga ta’itasi ma iloga ai le fa’ai’uga o taumafaiga fa’atasi a le a’oga lava ia i lenei tausaga a’oga 2011-2012.

Tu’uga 100mita le mamao - Tama’ita’i:

O Meagan West mai Samoana 13.66 tulaga muamua, a’o Monique mai Tafuna 14.6 tulaga lua, ma Sipule o Samoana i lona taimi e 15.53 na tulaga tolu.

Tu’uga 100mita Ali’i:

O Elama mai Samoana na tulaga muamua  i le 12.04 lona taimi ua fa’amauina, a’o Ryan P. mai Tafuna na tulaga lua i le 12.09 lona ma Pona o Samoana na tulaga tolu i le 12.16 lona taimi ua fa’amauina fo’i.

O le tu’uga na soso’o ai o le 1600mita a tama’ita’i na tulaga muamua ai le tama’ita’i o Annie Mendoza mai Tafuna i lona taimi e 07:32:5 ae tulaga lua ai Cassie Mahuka mai F/Marist i lana taimi e07:47:2 ma le tulaga tolu o Abby Fruean mai Samoana i lona taimi e 08:51:8.

I le tu’uga o le 1,600mita le mamao i le itupa o Ali’i na tulaga muamua ai le ali’i o Sefika Sefika mai Tafuna i lona taimi e 05:47:2 ma o le ulua’i matati’a lea ua mafai ona fa’atuina i tu’uga, ma ua suia mai le matati’a sa tamo’e ai le ali’i o Mauola mai Fagaitua e 5:47.8 ma ua fa’atula’ia nei le matati’a fou lea e 5:35.5 i le tatou teritori nei. O le tulaga lua o lea tu’uga o le susuga Fei mai Samoana ma o lona taimi e 5:47.2 ma le tulaga tolu o le ali’i o Justin mai Tafuna i lona taimi e 6:26.3.

I le tu’uga o le 4X1 Relau po’o le moligafu’a na mua ai le fu’a a Tafuna i le itupa o tama’ita’i i le aimi e 59.85 ae tulaga lua ai Samoana i le taimi e 01:00:1 ma le tulaga tolu o Fa’asao Marist i le taimi e 1:15:9.

I le moligafu’a a le itupa o Ali’i i le 4X1 na manumalo ai le fu’a a Tafuna i le taimi e 47.93 ona soso’o ai lea o le fu’a a Samoana i le 48.07 ma le tulaga tolu o Fa’asao Marist e 49.93 lo latou taimi.

I le tu’uga e 800mita a le vaega o tama’ita’i na tulaga muamua ai le tama’ita’i o Abby Fruean mai Samoana i le taimi e 3:10.4, tulaga lua ai le Titiula mai Tafuna i le taimi e 3:21.3 ae tulaga tolu ai le tama’ita’i o Monique mai Tafuna i lona taimi e 03:21.6.

O le tulu’ga a tama i le 800mita le mamao, sa muamua ai le ali’i o Vena Umu mai Tafuna i lona taimi e 2:26.1 ae o le tulaga lua o le ali’i o Theo Tuiolosega mai Tafuna e 02:27.3 ma le tulaga tolu o Queton mai Fa’asao Marist i lona taimi e 02:31.2.

O le tu’uga a tamaita’i i le mamao e 400 mita na tulaga muamua ai Meagan West mai Samoana i le taimi e 28.65, tulaga lua o le tama’ita’i o Precious mai Tafuna e 31.72 ma le tulaga tolu o Sipule mai Samoana e 32.00 lona taimi.

O le itupa o ali’i i le tu’uga 400mita na tulaga muamua ai le ali’i o Elama mai Samoana i lona taimi e 23.93 ma na latalata lava i le matati’a o lo’o tula’i nei e 23:37 a le ali’i o Eddie Kruse mai Leone High  i le tausaga 2010, ae o lo’o tumau pea lea matati’a e le’i soloia.

O le tulaga lua na avea lea e Pona mai le a’oga a Samoana i lona taimi e 24:66 ae o Taupule mai Tafuna na tulaga tolu i lona taimi e 24.91.

I le tu’uga o le moligafu’a 4X4 na manumalo ai Samoana i le itupa o tama’ita’i ae tulaga lua le fu’a a Tafuna ma le FMS i le tulaga 3. O le itupa o ali’i na manumalo ai le fu’a a Samoana i le taimi e 4:02.0, tulaga lua ai le fu’a a Tafuna i le taimi e 4:14.1 ma FMS i le taimi e 4:18.

I le Togi Pulu Mamafa na manumalo ai Abby mai Samoana i lana togi e 31’7” ae o le tulaga lua sa maua lea e Phoebe mai Tafuna i lana togi e 29’9” ae o le tulaga tolu na avea lea e Alofamoni mai Tafuna i lana togi e 22’7”. I le vaega o tama sa muamua ai le togi a AhKee mai Tafuna i lana togi e 41’0” ae o le tulaga lua sa avea lea e Json mai Samoana i lana togi e 40’4” ma le tulaga tolu sa avea lea e Bryson mai Malisi Fa’asao i lana togi  e 38’4”.

I le ta’aloga o le togi Ma’a Salafa i le itupa o tama’ita’i na tulaga muamua ai le tama’ita’i o Abby mai Samoana i lana togi 86’7” ma ua ia soloia ai le matati’a sa fa’atulaga eVeronica Kaiva i le tausaga e 2010 mai Samoana e 79’0”. O le tulaga lua o le tama’ita’i lea o Phoebe mai Tafuna e 76’9” lana togi ma Daisy mai Samoana i lana togi e 68’10”. I le togi pulu salafa a Tama na tulaga muamua ai Emose mai F/Marist  i le 109’10” ae tulaga lua fo’i le isi Malisi Fa’asao o Savili i lana togi e 105’4” ma Derek mai  Samoana i le mamao e 101’7” lana togi