Ads by Google Ads by Google

Sauni Solomona talimalo Faaaliga Tu ma Aganuu Pasefika

Ua faailoa mai i ripoti le sauni o le atunuu o Solomona mo lana taligamalo, i le faaaliga lona 11 o  Tu ma Aganuu a le Pasefika, lea ua faamoemoe e amataina i le aso 1 e oo atu i le aso 14 Iulai.

I se ripooti mai le upega o fesootaiga o le  islandculturearchivalsupport.wordpress.comua taua ai le taunuu lea o isi au malaga mai le Pasefika e pei o Nauru, Kiripati, Niue ma Niu Sila i le laumua i Honiara, ma e tusa ma le toa 290 le aofai o i latou mai aumalaga nei ua taunuu i Solomona.

Ua fa’alauiloa mai i sui totino uma o le Malo o Solomona e fesoasoani atu e taumafai ona sailia se toniga e autasia i ai latou loto, e latou te la’eia i le taimi atoa e talimalo ai i le fa’aaliga o Tu ma Aga a le Atuvasa o lenei tausaga. O lea fanoga sa tu’usa’o mai lava e le ali’i Minisita o le Home Affairs a Solomona Kaleko Barava.

Ua mo’omia lava e i latou lea tu’ufa’atasiga o finagalo, ia maua ai se latou toniga patino e fa’ailoa atu ai Solomona i sui uma o le a talimalo ai mai isi atunu’u auai.

Fa’aalia e Kaleko Barava, ua faia se latou fa’aaliga i le fa’ai’uga o le vaiaso nei, ina ia mafai ona tauva ai le atunu’u atoa, mo le sailiga lava o se autasi i lea tulaga, ma o le a fiafia le komiti e iloa patino se latou toniga e faia sa’o mo le fa’aaliga atoa.
Ua vala’aulia fo’i le mamalu o sui atisi o lea atunu’u, ina ia latou o atu e fa’aalia o latou taofi e tusa o le toniga o mo’omia vave nei.

E o’o mai i le vaiaso na te’a, ae toe fa’aalia se manatu o le tama’ita’i fa’atonu mo le Pacific Fest i Solomona, “E tauau e va’ai atu lava o ia, e le o lava le tapenaga a Solomona mo nofoaga fa’aagaaga mo sui uma e masi’i mai mo le fa’aaliga o Tu ma Aga a le Atuvasa, 2012.”

O Faletalimalo i totonu o le taulaga i Honiara e mafai ona mautu i ai le to’a 1,000 o tagata, e ui ina ua mautu le tolu o faletalimalo tetele e avea uma e le taligamalo o latou potu, ae ese ai fo’i isi tagata o lo’o aga’i mai lava i latou e le o auai i fa’afiafiaga o le fa’aaliga, ae o lo’o fiafia pea i latou e maimoaina lenei fa’aaliga taua lona 11 lenei talu ona faia le Pacific Fest.

Ua tapa nei le malo i le vasega o aiga, o lo’o i ai latou fale mautotogi, po’o motels fo’i, ina ia fa’ao’o atu latou igoa ma fa’amautu latou konekarate ina ia fa’atulaga pe afai ae le lava nofoaga mo le fa’amoemoe lenei. Ua fa’ailoa mai, o le vasega o Falea’oga lea e tele ina nofo tumau ai tamaiti, ua ave uma fo’i, ma ua faia galuega e toe fa’aleleia ai atili, ina ia maua le nofoaga mo le tele o aumalaga mai isi malo laiti o le a auai mai i le fa’aaliga lenei.

I le taimi nei e tusa ma le 50,000 tagata o le atunu’u, ae o lea to’atele, o le a auai uma ane i le laumua i Honiara, mo le maimoaga i tu ma aga a isi atunu’u o le atuvasa, ma o le a avea fo’i ma fa’aopoopoga o lea lava fa’afitauli, “nofoaga mo le taligamalo.”

O le au malaga a Amerika Samoa na tuua le teritori i le amataga o le vaiaso, e ui atu i Apia mo le malo o Solomona.

saunia: Leua Aiono Frost