Ads by Google Ads by Google

Saili le Atamai - Fa’apisinisi i Samoa

Ua masi’i atu se aumalaga e to’a iva tamaiti a’oga o lo’o tausailia o latou tusi pasi AA i le Pisinisi  i le tatou Kolisi Tu’ufa’atasi, ina ia sailia atili le atamai fa’amasani i le fa’atautaiga o pisinisi, ma ala e mafai ai ona fa’aleleia atili le tamaoaiga o le tatou atunu’u e ala i pisinisi fa’atautaia ua olaola lelei.

O se kosi e matua mo’omia, aua e ao ina suia atoa le ala e mafaufau atili ai tagata faipisinisi i ni mea e fa’aolaola lelei ai lana pisinisi, pe a mae’a ona fa’atuina. O le afaina o pisinisi ma toe gau atu ma le toe mafai ona fa’aauau lana tautua i le atunu’u, e afua lea ona ua le fa’alauteleina ia tali mana’oga o tagata, ma ua mafua ai ona le toe gafatia e le pisinisi ona tumau lona ola lelei.

O le vasega lea ua fa’ailoa mai e to’atele i latou o lo ua sauni e fa’au’u i le aso 14 Tesema, 2012 ma o le latou malaga lea e maua ai latou togi mulimuli mo lea fa’amoemoega maualuga. Ina ua atoatoa le latou tapenaga o le seleni mo le latou pasese i Samoa ma toe fo’i mai, sa latou tapena mo le latou feoa’iga i Samoa ae maise o latou mea’ai ma le nonofo ai i le faletalimalo. O lea fa’atupega uma lava, sa sailia e le vasega lava lenei, ma ua fa’afiafiaina o latou agaga ina ua mafai ona ausia e i latou le matati’a fa’atu, mo lea fa’amoemoe ia mautinoa e alu le latou malaga lenei.

Lea ua o’o mai le taimi e tapena ai le fanau e fesoasoani i le atunu’u e fa’atutu ni pisinisi e mafai ona fiafia i latou e faia i aso uma, ia le maumau le taimi e fa’atu ai ae le ola le pisinisi. O nisi vaega aoga o le latou kosi, ua manatu le latou faia’oga, Dr Faofua Fa’atoafe o le a maua uma tali pe a latou fono ma le Matagaluega o le Tamaoa’iga Atina’e o Samoa [Ministry of Economic Development of Samoa] lea ua ame’a fa’atulaga mo le aso a taeao.

O le malaga lenei e fa aso e fa’atautaia ai, ma e toe taliu mai i latou i le aso Sa ae o le fa’amoemoe maualuga ua i ai, o le a tele se sosia o lenei malaga fa’aleaoaoga mo le fanau.

O i latou o malaga e aofia ai: Fia V. Fa’alilo; Deborah Husseine; Delilah Asiata; Janna Fiso; Loarie Luafulu, Adelle Tufuga; Marcus Ieremia; Sabastian Mariner; Carol Toa ma o le peresetene lea o le vasega ma le faia’oga loa o Dr, Faofua Va’apu’u - Fa’atoafe.