Ads by Google Ads by Google

Sa tala moni? OSO I LE ALA TIPI - MAFUAGA O LE PA’ULIA O RENA

O lea ua maua tonu mai le auga o le paipa, o le ali’i Kapeteni o le Filipino, e fa’apena fo’i lona sui Kapeteni, ae tasi le la’ua fa’ai’uga ua faia, “Oso i le ala Kipi” ae o le pona e le’i oso muamua ai lava se isi va’a oloa ma sana uta matua tumu fa’apea i ogasami o Niu Sila lea na pa’ulia ma toe afaina ai le va’a, ua leaga atoa ai ma lana uta tumu o pusaoloa.

O le afaina sili ona ogaoga, ona ua masa’a atoa tone e tele o le suau’u ma le kesi i lea ogasami e matua tele le sosia o le gataifale o i ai, e tusa ai ma fa’ai’uga mai su’esu’ega mae’ae’a sa faia i lea fa’aletonu.

O le tala mai, o le va’a oloa o le “RENA” sa taumafai ia maua le taimi sa tatau ona taula ai i le isi uafu na fa’atulagaina mo a latou fefa’ataua’iga, o le afuaga lea sa taumafai ai e oso i le ala tipi lea, ae le’i i ai lava se va’a muamua ona uia lea ala muamua i feoa’iga i le sami.

Na latalata tele le alava’a na uia e i latou i le apitagalu, ina ia fa’aititia le taimi mo le latou malaga, ae pa’ulia ai loa le va’a i luga o le a’au e tulata i Tauranga i le aso 5 Oketopa, 2011. O le tele o le suau’u ma le kesi, ua matua iloga ona afaina ai le matafaga matagofie e matua fiafia i ai tagata e tafafao ai. Ua tele na’ua meaola ua pepe i lea ogasami ma ua iloga ai le sala a lea va’a ona o nei mau fa’aletonu ua afua mai i lea va’a ua pa’ulia ma fa’aleagaina i le a’au lea.

Ua talia e le ali’i Kapeteni ma lona sui sa ia fa’afoea le va’a na pa’ulia ai, ua talia e i la’ua o la’ua moliga i lo la’ua suia o le alava’a fa’atasi ai ma le toe suia e i la’ua o nisi o fa’amaumauga tau lea malaga a le va’a talu mai le taimi ua tupu ai loa le fa’afitauli lenei i lana lea malaga. Ua le o fa’ailoa mai suafa o le ali’i Kapeteni ma lona sui, ae ua na ona fa’ailoa mai, o ali’i uma mai Filipaina. O le a fa’ato’a fa’ailoa lava la’ua suafa i le taimi e lauina ai o la’ua i’uga ia Me 25, 2012.

O le tau aofa’i o le toe fa’aleleia o le si’omaga sa magoto ai lea va’a ma lana uta tele ua fa’ailoa mai e tusa ma le $NZ130miliona, ma o le tele o lea vaega tupe e toina mai lea i inisiua o oloa o lo’o ua mae’a i ai i luga o lea va’a i le taimi o le fa’aletonu.

saunia: Leua Aiono Frost