“Ua matua le iloa lava se mea a fai, o le matua vevela o le la i le aso o le sisigafu’a, ua le mailoa po’o fea a tu ai, ae o’o mai i le aiga, ae toe vala’au mai, “Sole, alofa toe fo’i e fa’aauau atu le tiute lea, ua le mafai ona tutu le vaega matutua lea sa fa’ala i le aso atoa!”

“Talofa, e moni lava, leaga fo’i lenei tiute e faigata, o le tele o taimi e fa’apea lava o Kama uli, ae le iloa, ua toetoe a pa’u kama i le malae i le vevela o le la, ae le mafai fo’i ona tu’u le pou ae sau se’i inu sina vai. Fa’afetai ua ta mafaia le tu fa’apenei, oka se tiute ina a faigata!”

“O le taimi lenei ua na’o le niniva fa’asoloatoa, ua tatau lava ona oso i le falema’i e fai se talavai.” “Tau va’ai pe ua suka fo’i si tatou olaga talavou. Ia fautuaina oe e fai loa lava, aua le fa’atuai, se isi i te’i ua ta vave mai ni logo ae le’i potopoto le aiga e faia muamua se fa’aipoipoga!”

“Pou o lea ou te va’ai atu, ua ese’ese mai le suiga ua sau, o lea ua ta toe tiute fa’atasi, ia vave ona oso i le falema’i ae fai mai se livi latou e fa’alelei ai maka i le Ofisa, e leaga lava le fa’apea ua leva na iloa e fia alu i le falema’i ae le fa’ailoa maia!”

“Ia o ia lava lena, aua e le’i faigofie lava fo’i anapo, i le va’ava’ai i le aulelei fo’i o le au serve a le faletua o le Kovana i si ana pati fa’aaloalo i le vasega o malo fa’aaloalo o le tatou fu’a. Ia umi ai fua na pupula, ae ua le oso i totonu o le ta’avale e fai ai sina emo latou, e tulituli ai le niniva o le ulu ina ua toe oso mai le la.”

“Leai na maua lava fo’i sina fa’ama’ona ma sina mea fa’aniniva foliga, ae le tele, ua ese fo’i le matagofie o le Malae o Suigaula latou, ua oso ai fo’i ma le fia ta’ele i le matafaga o evaevaga!”

“Pei uma lava sa oso se mea a le kama lea, ae le fiafia e fa’ailoa mai i si ona uso lea sa fiu e fia moe ae fosi lava le mea e tali le telefoni i le mau fa’alemafaufau fo’i ona ua le mua le va’a!”

“Ia o la’u sifi latou, sa fa’aleoleo lava i le ma’ua malo fa’aaloalogia, e le’i tele i le se pito le maua o nai lafo, ma ua fa’afiafiaina ai fo’i si manava, ae afai ae maua sina tupe, misi atoa le ta’ua o lenei mea!”

“Oi sole o oe la le tagata sikuea lea e i ai,  ua tau le fea fo’i le faiga o le mea, ua te’i lava ua vala’au mai fo’i oe e au tama matutua e te alu atu e fai oe ma soa a le vaega matutua, ua le mailoa lava po’o na e ta’ia fo’i se taisi ma se moa a le tamaloa!”

“Afai na fai se mea fa’apena, e mautinoa lava ua aoga, ha ha! Ae le fa’apea e nofo nofo lava Pou fai se suiga i lona olaga faigaluega, o le vaega matutua lava e fai ma va’ai mai i le vaega nini’i po’o ai e oso tatau i taimi e fai ai fono a le vaga matutua, ma e le tau fesiligia lava le mata’alia!”

“Ia fai sau tala aua, o outou fo’i na sa masani ona outou asiasi i aumalaga ma latou apitaga!”

“Ioe, o le isi la lena ata lanu lelei lava, aua e tusa lava pe le tatagi se telefoni e fa’ailoa mai o lo’o i ai se vevesi, ae tau matau atu loa e matou ua amata inugapia a le vaega o api, e fai lava ma asiasi i ai, ina  ne’i tupu mai se mea, aia se tasi o lo’o asiasi mai i le tatou fu’a. Ae o le fa’amalolosi lava fo’i o nai pepa, e tau saili se fa’amaona pe a o’o ina lagona, ua mole mai ta’ua.”

“Ia ua masani, ua i ai lava si toea’ina lena e ta’ita’i malaga, e matua fa’auia uma i ai matou fa’afesili po’o lelei mai le gafa. O ia fo’i lena e vala’au i tua, pe ua a mai se sua ma ali’i mamalu o le Malo! Le iloa e si toeaina, o le tama’ita’i NUS lea lava e tau tulitulimata’i, se o le faiai lava ma le atigi po’o.”

“Ia o le pele e to’atasi a le toeaina le teine lea, fai mai o lea ua toeitiiti uma le fa’afaia’oga i le NUS ma sa sau ese lava i le va’alele, ae sa o mai uma le faigamalaga i le va’a. O le uma lava o lana su’ega mulimuli oso mai loa i le aso Faraile.”

“Oka o se lipoti sili lea ona auiliili ua e tusia i le taimi nei, ae a fai atu po’o ai igoa o tagata sa o mai i totonu e fa’aulu se tagi e matua e le ilafia igoa o nai olomatutua o si tatou atunu’u i aso fai so’o! Sole ua matua ou ofo!”

“O ai ana manatua ni igoa o ni olomatutua, ae o ai e mafai ona galo se igoa o se teine ua tau ai sona mana’o? O se mea valea lena mea e te fai mai ai!”

“Ia amu’ia oe sa fai ma e matau igoa o au teine i le taimi o lau sifi, ae o ita latou, n tuli lava i mea mamao, o inuga’ava lava ma pisapisao ai ma isi tagata, e saili atu fo’i, ae ua sosola vave le vaega fa’atupu fa’alavelave, ae ua tutu mai na’o si tagata na telefoni mai fa’avave. O le mea masani lava, ae o lenei vaitaimi ua au fa’atetele ona o le sisigafu’a ma ua fa’atumulia fo’i tagata fai mai i si tatou malo. O le po latou ia o le liki lakapi, na fai fo’i lota fia tama a’ami ma fa’amamalu e le tago i se fago, ae na ona matala ese atu lava o le ofu o le malu o le Malo, oso ma le mea latou se’ia o’o ina ao mai, ae sulu atu i le aiga ua le fetaui mai laugutu o mama ma tamaiti. O le mea lea, ua pei e valea solo teine o lenei malo, ua fa’a’aulelei ma fia meet i tama o le Manu, ae galo ai, o lea fo’i e magogi manu tamaiti ‘inei.

“Ia onosa’i ia, e manogi manu ta’ua, ae le aulelei!” Ha Ha “Oe aua le faia le mea e fesuia’i ai fo’i fafine ina ia fa’ailoa atu i ga kama, e leai, e fai fo’i lava si a’asa o ogaumu valu ia e fa’alalafi i le taimi nei.”

“Ia ua o nei kama o le manu, ae ua le iloga se aka e fa’aoso mai i luga o gei facebook, e pei e valea ma latou fa’aupuga, ae o le mea, e sosola loa tama igei, koe oso atu i le tama o le manu, ae fai mai, “E soso atu, ailoga ou te masani ia oe!”

“Ia ‘aua le avea nei malaga mai, ma mea e fa’aitiitia ai lau va’ai, ua leva fo’i le mafutaga o le la ua to’atele pea mata!”