“Sole Pou ua tala mai le to’atele o le vaega na loka mai i le fa’asua’ava ma fa’afoe le ta’avale i la outou poloka! E a la na maua ni polokala masani?”

“Sauni, o poloka masani, ua tau le va’aia lava i lenei tausaga, masalo ona ua amata ona taugata pili o talavai i falema’i, ua iloa e tagata afai ae toe mama’i i le agasala, o lona uiga, ua vave ona o ae le toe nonofo mai! Ha Ha!”

“Se fai sau tala, e i ai nisi ta te iloa sa loka i le po anapo? Se le ta vaega fo’i lea e le ta’ua i se isi?”

“Ai fo’i o tau fai mai lava sau fesili pe na oso ane fo’i lau fa’ala’ititi, ae ou tago fo’i taofi ou te faia se lipoti ia te oe, po’o ai lea sa la’ua o mai, o le mea lega e te mana’o mai ai?”

“O lau kama ua e faikau komi ai lava i ana fesili ma au tali e fai mai i ai, aua afai ae le maua se ‘auga lelei o le paipa, o lona uiga, ele o toe umi fo’i le na tama’ita’iga latou ia ta’ua ma le ta lisi!”

“Sauni, o le lisi a oe, ae leai lava ma se a’u o i ai! O le tali o lau fesili, sa o mai sa’o lava si teine ma ona tei, e leai ma se isi sa ou va’aia ai o la’ua onana mai. ae o le latou ‘ave ta’avale, lea na fa’amoe fo’i  i Hilton.”

“Ae ete le’i alofa lava i si teine tu’u i ai se avanoa, sole ua pei outou e le o ni Samoa, ae ai lava e lelei le va’ai a si ave ta’avale!”

“Sauni, e le o toe faia fa’apena le vaitau lenei, ua taumafai i tatou ia sefe le tagata, ae le o le lavevea toe atili ona faigata le vaitau lenei i aiga, ae o lo’o taugata fo’i le faleoti latou!”

“Sole oso lava faleoti, a e tele lava e ave i le falema’i.” “Ioe o le naunauta’iga lena, ia toe tu’u i ai se avanoa, ae o le tele o taimi o le tausaga lenei, ua va’aia lava i a tatou lisi o lipoti, ua tau leai ni ta’avale lavevea tetele ma maliliu ai nisi, ona ua faia i le tonu la tatou galuega, tatou nei e pa’u i ai mai ma le magai!”

“Ia ua lelei, ou te le toe faia atu se tala fa’apena, ae a la na umi le tou poloka, aua o a’u lea e alu i le team mo nei!”

“Sauni, aua e te va’ai mama i le soifua laulelei o tagata, e le na’o le DUi lea e va’ai, a e o fanau fo’i e le o fa’anofoa i nofoa o ta’avale ma fusi lelei, aua e to’atele lava nai o tatou tagata, e le fia faia lena tulafono, ae ua sala ai lava!”

“Pou, sole afai ae fai sau fanau ma le matua seki lava o oe, ou te fa’a’amuia i se fafine na te maua ‘oe sole, ua matua seki lava oe i le fai aiga!”

“Pau lava lena o se mea ou te ofo ai, o lo’o e manatu lava o tama uma e o ma tala’i ua fai ni aiga, e leai ali’i Sauni, e te le o iloa lava le itu pogisa o le masina!”

“Isa tautala mai fo’i le tama i ana fa’alo’ilo’i lea e sema i ai se taimi o kama, ia ‘aua e moni lava lau susuga le Malu o le Malo, o lo’o tele lava mea o tua i ai le toea’ina o le autalavou, ae maise lava nai fa’a - koe ha! Ioe ae aua le fesili atu ae fai mai, jingjing!”

“Ua ou iloa lava oe, e tele au fa’alaiti, ae maise le vaega lea e su’ia mai nai ou paleue ma au seti fa’afuluveta lava ia e te sikaili mai ai pe o Elevisi le kama o le ata!”

“Matua tele au tala, ae le sauni mai loa e fai ou tiute na e tauto ai ae toe fo’i atu i lau tautoga lena e te loto lava e toso e toso lava ae le manatu i mata o nai tamaiti i matutua ane, ua fefiloi ma le vaega e le’i fa’aipoipoa!”

“Oi sole, aua le faia e oe le mea lena, a e ula mai, e le o faigofie lava le faigaluega se’ia tau le mafai ona pupula ona o le manatu i fanau ina ne’i le a’ai i ham ma fuamoa!”

“Sauni, e sili lava le fa’amaoni i le tina o tamaiti na ua i ou lima, nai lo lou taumafai fua e maua atu le isi lua lea e tata’a i le vaomatua!”

“ Le ta tama fo’i lea e le’i leva ona tatala mai i tua, lele fo’i ua toe aumai i totonu, ae oso i le fa’amalama sole, e aumai se fagu pia i le faleoloa! Uso, alofa ia tau fautua ane i ai, aua o lena lava e te lua so’otau’au i si tou aiga.”

“Ou te iloa ua faigata ona tu’u e ia lea mea, ae o le umi o le taimi na loka ai, ae o lea ua alu atu i tua, ae toe ‘aumai i lea fo’i mea la’ititi e le ila ai se fai’ai o se tasi!”

“Tatalo ia i le Atua ia suia tagata uma i le fa’aiuga o lenei tausaga, ae ia ali’ai mai le tausaga fou ma ni fatiga lelei, e fiafia ai le Ali’i ia i tatou!”