A PEIA LE TAUALUGA E OIA LE VAO
Ua na’o Kika’e to’atasi na alaga
Kovana Togiola alofa i ou tagata
Su’e se vai fofo, auoi ua ta fia ola
Lea ua e tali mai ua maua le sa’olotoga
Fa’afetai Togiola i lou manatu mai
Tele ile solo tete’e ma le tau faifai
Ae se’i o e saili ni ala manuia
Lea ua toe alalaga ma le fiafia
Le Fono ma le tusi tusi lima
Avatu a latou pili tele ina tia’ina
E leiloa pe fa’apefea ona fa’a tupe
Se’i fai ni galuega ma o e su’esu’e
Na togipolo Moananu Va ma lana vaega
Fa’apea a sao le latou ma’a vevela
Lea ua toe mou atu ua tino sesega
Togiola ole ta’ita’i o polokiki ua leva
Fai mai le falema’i o le’a vaea le anoano
Tuitui nifo ile fale o mata ua ai e lago
Fa’amata’u i solo ma fai upu tau fa’a leaga
O aga ale au le alolofa a nei e i’u ina papala
E moni ai le feitai a aitu o Fagalele, le Faga a Nafanua
A peia le taualuga i Manu’a, ae oia ai le vaomatua
Ea ia Sopo ma le Tupu ole Motu Sa, ile la tonu e ta se la’au
Ae le logoa aitu ua fa’alili’i ma tau valaa’u
Toe tumutumu le LBJ ua tatala noataga
Uma le fa’au’u fanu e oti fa’amaga
Pei o lea le fa’atu pasi ma vave i Faga’alu
Fa’aalu le sefulu tala leai se manumanu
Fa’alogo maia outou le au mama’i
Fa’amolemole totogi pili ole falema’i
Tigaina nai nurse ma foma’i e togafiti oe
A’e sola ile tou aiga lafi ai ma moe
Talosia aua le toe tupu se mea fa’apea
Layoff o foma’i ae tauau ai ina valea
Soia le polokiki i ola o le teritori
O ai a tua iai pe’a iai se isi e oti
Kovana Togiola ua fa’aali mai i’i lou poto
Ua e galue i lau tautua fa’a matafaitaloto
E te le’i fo’i i tau fa’amata’u, ete alofa ile au mama’i
Ua e punou a’i to’atasi, e sa’ili se lavea’i