I le fonotaga fa’alaua’itele a le Ofisa o Tagata Matutua (TAOA) sa fa’ataunu’uina i le aso Faraile na te’a nei, sa fa’atumulia i tama ma tina matutua e fia fa’aalia o latou taofi e tusa ai o le polokalama o mea’ai vela o lo ua tufatufaina nei, peita’i, e le o le mataupu lea sa vala’auina ai i latou e fa’aali atu o latou taofi.

O lea fonotaga ona e fia mo’omia ona fa’afofoga fo’i le taupulega ma le aufaigaluega i ni fanoga o le atunu’u e tusa ai o le polokalame mo tagata matutua e faigaluega i latou ae totogi i vaega tupe mai le fetarale, faatasi ma isi polokalama.

“E pau lava le polokalama lea ua mafai nei ona ofo atu e fa’aopoopo i polokalama masani o i ai nei a le tatou matagaluega, o le i ai lea o pasi e mafai ona oo atu ma aumai tagata matutua i a latou talavai, po’o fa’atauga, pe totogi pili ma toe fa’afo’i atu i o latou aiga,” o le saunoaga lea a le afioga i le faatonu sili ia Tifimalae Ale i le taimi o le fonotaga.