Ads by Google Ads by Google

Oceania Pi’iga Aso #2 - Pine AS

Mai le ulua’i aso o pi’iga fa’avaomalo a le Oceania lea tatou te talimalo ai, sa maua ai le aofa’iga o tatou pine na maua e 12: lua auro, 8 Siliva ma le 2 Apamemea.

 

O se mea e fa’afiafia loto lea tulaga, ma o se mea fo’i e iloga ai, ua i ai le naunauta’iga o tatou fanau ina ia tauva i lea fo’i fa’agatama i tulaga o Ta’amilosaga Fa’avaomalo e pei o le Oceania, South Pacific Games, World Games ma soso’o ai ma le Olimipeka o le 2016.

 

O le vaega muamua o lenei fa’agatama o le Vaega a Cadets ma Juniors, na latou maua le 5 Auro, 15 Siliva ma le 17 Apamemea. O se fa’amalosi’au tele lea i matua ae maise le fanau fai a’e a le atunu’u i lea fa’agatama.

 

O le vaega a le Seniors lea e iloga ona matutua i lenei ta’amilosaga pi’i fa’avaomalo, na maua ai e Amerika Samoa le 3 Auro, 2 Siliva ma le 4 Apamemea, ma o le to’atele fo’i nei o sui tauva mai fafo, o lo’o auai mai, o lona uiga, e faigata lava le taua lea sa sofa’i e lea vaega o le aupi’i a le tatou atunu’u.

 

O le aso lona tolu [ananafi lea], sa fa’aauau ai le pi’iga i lona vaega o le ‘Free Style’ ae o le ‘Crego-Roman’ lea sa fetaui ai le fanau i le aso lona lua. E ui ina toaitiiti aupi’i a isi atunu’u sa pa’au mai, ae ua fa’afetai sa iloga ua tofu pine uma lava i latou.O le ali’i o lo’o avea ma Sui o Tonga sa ia umia le pine apamemea i le aso lona lua o le tauvaga. O le ali’i mai Tokelau Ilai, Manu sa matua maligi ona loimata ia ua ia umia le ‘auro mo lona malo, ae ta mai le vi’i o Tokelau mo se taimi muamua!

 

O le aso muamua fo’i o pi’iga nei, ua fa’ailoa mai, na’o le vaega e umia le ‘auro e si’itia i le vaega lua o nei pi’iga i faia i Nanjing i Saina ia Aukuso 16-28, 2014. Ona o lea la ua to’alua i tatou ua umia ‘auro, o lona uiga o Jordan Leilua ma Schey McMoore o le a malaga atu mai le mae’a ai o tauvaga i le aso muamua. Peita’i lea ua fa’aopoopo pine auro a Amerika Samoa i le Cadets ma le Juniors i le fa’ai’uga o ta’aloga i le aso Lona 2, e le mautinoa pe aofia ai ma le to’alima o Auro ia i le malaga i Saina mo le isi ta’amilosaga.

 

O le to’alima ua umia pine Auro mo AS i le aso lona lua ua aofia ai: Ipolito Faifua 46 kg le mamafa, Vailahi Samisoni ma Isileli Ueseli mo le Cadets ae o le Juniors na maua Auro e Sione Kava ma Stephan Leasiolagi.