Ads by Google Ads by Google

O LE TAUVAGA TA NA FAI I LE ASO TO'ONAI

O se aso na matua vaaia ai le pule o le tagata-tai i le mea e alu i ai lana ta, i le ta'aloga i le va a le Fetulele mai Tula ma le Sinapati mai Fagaima Tafuna, ia ma le Pisisami mai Vaitogi ma Tama o le Mua'au mai Faleniu.

O le Aso To’ona’i, na fai ai le tauvaga ta, e fai o le to’atolu o pe a le Fetulele mai Tula, ae o le lima o pe a Tama o le Mua’au, ae 100 fo’i o latou ‘ai.

Ma mafua le isi pe a le Fetulele, ina ua taumafai le tama o Leanava e ta le te'a lea ui mai i lona itu taumatau, o lea la na tago ai loa ta tuliloa, ae te'i ua ta atu misi, ae te'i i le fa'alogo atu ua patatu i le 'olo lana pate.

E fai fai lava ua tau momoe tagata matamata i lena aso, i le fiu o tagata e fa'atali se te'a e pe ai le tagata ta a le 'au o Fetulele, ae vaai atu lava ua tiga ua a tagata i le o so'o i luga.

E na o le tolu pe ae atoa le selau 'ai na taina i le ta'aloga na lea na faia i le va o le Sinapati ma le Fetulele.

Oute le iloa se isi ta'aloga na o'o i le 100 'ai ae na o le to'atolu tagata na ta ta.

E le i iai lava se ta'aloga na mauaina le ta'aloga i le Aso To’ona’i, ana leai le pe a Leanava, semanu e na o le lua pe, ae atoa le 100 o 'ai.

Ia ae toe soso'o atu ai ma le isi ta'aloga i le va a Tama o le Mua'au ma le Pisisami mai Vaitogi.

Na toe fai fo'i le mea lea na fai i le ta'aloga muamua a le Fetulele ma Sinapti, ua ta ta mai fo'i le 'au a Luvino ma le fanau, ia ua amata ona momoe tagata.

O le aso lea na fa’amae’a ai le ta'aloga lea na tu'ua ina ua po le Aso o Lulu i le lua vaiaso talu ai, a le Pisisami #2 ma le Lega #2.

Na fa'auma la i le ta'aloga muamua i le aso To'anai, ma na maua ai le fa'aiuga ina ua tuli 'ai le Lega, ma maua ai 'ai o le Pisisami e 87 i le 17 o pe.

Ua malolo nei le Pisisami #2 mai le ta'amilosaga ina ua 4 a latou faiaina.

Ua totoe ai nei 'au laiti po o le #2 a afioaga nei i le ta'itolu o latou faiaina, Tama o le Mua'au #2, Lega #2 e le'i iloa le aso o le ta'aalo ai ma a latou 'au matutua po'o latou A.

TA'ALOGA A TAMA’ITA’I

ASO FARAILE, MATI 10

MANU'ULA 94 'ai, 12 pe. vs PISISAMI 92 'ai, 19 pe.

Na uma le 'au ta lelei a tama’ita’i o le 'Pisi' a e le'i sao o latou ta, ona o le taimi lea ua lelei le talitua’a a le Manu'ula.

O le mane'e atu lava o le polo i tua o le 'olo pe alu fo'i i luga se ta, sapo i se tasi, e 85% taimi e maua ai, vagana ai polo le taumatemate pe maua le leai.

E 7 pe a le "Pisi' e na'o 21 'ai, na fa'apea lava le 'au ai ua leai se fa'amoemoe i isi teine.

A e le iloa le mea na mafua ai ona te'i ua maua le loto tele o si teine o Diana ma Naua, lea na latou ave uma i ai o latou fa'atuatuaga ina vaai atu ua maua i le ta'i 29 'ai.

E pe pe mai le to'alua lea ua atoa 79 'ai aua na maua e Diana ma Naua le ta'i 29 o 'ai, ae uma atu ona ta ta mai le 'au atoa ua maua ai lo latou 'ai e 92.

E le mautinoa pe maua ‘ai e 92 a le Pisisami, ae te'i ua amata ona ta ta Vagana 22 'ai, ma Taia 3 'ai, pe loa Taia i le sapo o le talitua-a.

Ae savalivali mai loa ma le isi tamaita'i lena soso'o mai i tua Umalima lea na taina 'ai e 23, lea la na fa'auma ai loa e Mona 15, Katelina 7, ma Aiga 14.

O Diana o le Pisi e 29 ma le teine o Naua, soso'o atu i ai ma Verma e 6 'ai se pe i e sapo, ia ma Tasi e 7 ona 'ai.

FETULELE (4-2) 100 'ai, 3 pe. vs SINAPATI (2-3) 74 'ai, 19 pe.

O le taimi fo'i lenei na fai mai ai e le Fetulele i le tausaga ua te'a, lea na sau ai lava ma o'o i le sauga siamupini, ma siamupini ai.

O le taimi fa'apenei pei e fa'atitinoina lava faiga a le Fetulele i tausaga uma nei e lua.

E le va'ava'ai i ai i 'au uma nei pei o le Fetulele ma le Tama o le Mua'au, e lelei lelei lava mai i le amataga o le ta'amilosaga, ae e te'i lava ua toe afaina i le (top four) po'o fa maualuluga.

Na ta ta muamua Fetulele, ia le tama o Pitoau (18) ma Leanava (9) na maua 'ai e 27 ae ta loa e Leanava le 'olo.

Na soso'o mai ai lea o Jack e 19 fo'i ona 'ai na i ai, ao le taimi la ma tu tu ai Filemu 28 ma Sapapa 29 na atoa lelei lava le 100 o 'ai o ta ta lava le to'alua lea.

O se ta'aloga muamua lenei i le tala'aga o le kirikiti i Amerika Samoa ua au ni 'ai i le 100 ae fa'ato'a 3.

I le tausaga 2008 lea na su'e ai e le Mea'ese ma Sinapati le tulaga tolu ma fa o le liki, lea na au lelei i le 80 'ai, ae fa'atasi le pe, lea na toe maua ai isi pe a le Mea'ese e ono (6) ae 100 ai.

Lea na tuliina e le Sinapati e le'i taitai ona maua 'ai, e uma ifo le 'au ta ta na'o le 76 'ai na maua.

O le 'au lenei a Sinapati ua tele ni lekoki (records) e latou te faia, e tele fo'i ni lekoki ua fai i ai e isi 'au.

Pei o lekoki nei na latou sekiina:(1) Le 'au vave ona fa'atu mai ae o'o i le siamupini, e lua tausaga na fai ai le latou 'au. (2) Lima tausaga soso'o o siamupini, va i le tausaga e tasi, toe soso'o atu ai le isi lua tausaga. (3) Le sue'ga siamupini ma le Manu'ula i le tausaga e 2009, lea na sekiina ai fo'i ni 'ai na ta taina e 196 'ai i le ta'aloga lena, na siamupini ai fo'i.

O rekoki (records against them.) la nei na maua ai i le latou 'au. (1) Tolu pe ae 100 'ai, Fetulele (2012) (2) O 'ai o le tagata e to'atasi na ona ia taina i le latou ta'aloga, o Fa'atauva'a  71 'ai, i le suega o le tulaga tolu ma le fa (2009).

(3) 'Olo maua i le ta'aloga e tasi, (12) Siaosi Poasa i le ta'aloga ma le 'au a Leone i Vailoa-tai (1999).

TAMA O LE MUA'AU (6-0) 100 'ai, 5 pe. vs PISISAMI (2-3) 89 'ai, 19 pe.

O le aso ea ua mafua ai ona fa'apenei pe ai o le lelei o mata, o le mea tonu lea e uma mai le isi mata'utia ae toe soso'o atu ma le isi ta'aloga fa'atiga ulu.

Na vave pe le isi tamua lena a le Tama o le Mua'au o Palemia (8) ina sapo mai lana ta e le 'au polo mamao.

Ia uma lelei te'a a le 'Pisi' ia Luvino, ma uma lelei lava fa'ate'a, sui-te'a, alu atu i le 'au le iloa te'a, alu ifo i le afa-te'a ma fa'ai'u i le 'au taufetogi.

Oute le iloaina pe ai ona alofa mai i le 'au o le Itumalo lena na pe ai, ina ua alu atu lana ta ma sapo ia mai e le taloto.

Soso'o atu ai lenei tama ia o Uale 16, ia toe alu atu ma Tony 13 ma maua ai le 100 'ai, sa tuliina e le 'au a "Pisi" na maua le latou 'ai 89 ae uma loa pe e 19.

Ua tau fesilisili lo'u mafaufau po'o le a le mea ua tupu i lenei aso To'anai, pe ai ona o le suiga o le tau, pe ai ona o le suiga o le Faigamalo lea e folifoli mai nei i le palotaga o luma na'i nei.

Le toatele o nai tagata na o atu uma i le aso To'anai fa'apea lava e ta'u atu o 'au lelei uma nei e ta'aalo ae le iloaina, o le fia moemoe i le ta'aloga muamua