A o sauni atu ai le Sa mai le afioaga o Fagaalu, le ‘Fetu o le Afiafi’ e saili sona tulaga, i Faigamea o le Tai mo le fu’a o lenei tausaga 2015, na taua ai e le latou Kapeteni, le tofa a Teioutaifeau Mitch Shimasaki e fa’apea, e maualuga lona talitonuga, e le o le va’a le autu o le tausinioga, a’o le auva’a ia malolosi ma lava tapena.

“Afai e 100% le malolosi o le auva’a ma talitonuina fo’i e le Kapeteni le tulaga atoatoa ua i ai tapenaga a lana au va’a, ou te talitonu o le va’a lena e sola ma le siamupini o lenei tausaga”, o le saunoaga lea a Teioutaifeau i se fa’atalatalanoaga ma le Samoa News i le vaiaso nei.