E te fia POKA?
UA TETE'I LAVA I LE TU O SATANI I LE FALESA
E amata le lotu i le Aso Sa lena ae tu loa Satani i le faitotoa, o le taimi lea na tau fai alu ai le tuli a le 'au lotu i fafo, ua kami aku isi i faitotoa i autafa, a'o isi ua faaaoga le faamalama e 'oso atu ai.
E oo foi i le latou faifeau ua leva ona pefu i fafo, ua taufetuli uma tagata i fafo sei vagana ai le isi toeaina o lo o moe mai i le nofoa pito i tua, fesili atu loa Satani, "O le tou 'au lotu la le ua taufetuli atu uma i fafo, e le o le taimi foi lenei e tatau ai ona e alu ma oe i le atoa, manu o i ai le avanoa.? ".
Te’i Satani i le tali a le toeaina sa moe, "E taufetuli solo a, ma susulu solo lava a’o lea lava ou te moe, pau a le mea ua e faalavelave mai a’o lea e manaia la’u moe i le lauga a le matou A’oa’o Fesoasoani."
"Ioe….tuu ia na mau mea e tua faamatala mai, e te le fefe ona o 'au o Satani." ae fai atu le toeina lea, "Vaai oe Satani, lea faatoa ou fiafia ua ou ola saoloto ina ua teu atu i le vaiaso lea ua te'a lo’u toalua na ma nofonofo mai i le 48 tausaga, o lou tuafafine."
'Oso mai a Satani, "O le a alii Etuale..o ai le igoa o lo'u tuafafine lena…" na o le taimi lea ua fuli i le isi itu Etuale fai mai lana tala, "Fai mai fo'i o ia o le sifi o taufaase'e ae o lena ua alu lava ma le iloa o se mea, e le'i umi lava na ou taloina ia ona foliga ae le iloa se mea!."
NA TUMU LAVA LE KONESETI A LE 'AUTALAVOU I LENA PO
Ua fiafia uma tagata na i ai i le lena po i le manaia o le koneseti, uma le tala faa-kerimasi, fai pesega o le kerisimasi, e tuu atu foi i le leo, ese le manaia toe aulelei o vaega uma.
E le i iloa lava se mea e ono mataga ai le koneseti a le autalavou i lena po, ae na oo loa i le taimi na fai ai le tala a le vaega laiti, na amata lava i le alu ifo i lalo o leo vaega uma a le 'aufaipese, na motu loa pese mai loa le teineitiiti, "Agelu tutu le afiiiiiiiii……..!!!!!." ia pepese uma mai le 'aufaipese a tamaiti, "Agelu tutu ia le afiiiiiiiiii…..!!!!!!." i leo pei lava ua e faalogo i leo o Agelu.
O le tali la e tatau ona tali mai ai le isi teineitiiti, "Ua faia e tusa ai ma lou finagaloooooo….!!!!!!." e faatotoso lava pei ua e faalogo i faaupuuga a le Patele pe fai le lotu.
Ua fai faatolu, faafa, ua oo i le faalima o lea e pese atu lava luma 'i i le teine lea, e 'agelu tutu le afi' ae sau loa ma le tali mai i le luma ua faapea mai, "UA PI LE PUSI I LE AFI……!!!!!." toe fesili loa ma le teineitiiti, "O le pusi ea a aiiiiii…..!!!!!!.", ae fai atu loa ma tali, "O LE PUSI A LE FESOASOANIIII….!!!!!!!!."