Ads by Google Ads by Google

LAUGA: E AFUA MAI LE ATUA LE TAEAO FOU

Kenese 8:15-22

 

Ua tuu lea e Noa le areva i alu e siaki le lolo, poo ua i ai se mea e faailoa mai ai ua iloa atu se pa'umatu, ae ua alu atu ai le oreva ma alu atu ai ae o loo faatali mai Noa, ae ua toe sau ae alu atu ma tu tu i luga o le fale o le va'a.

 

E lei umi ni aso, ae toe nofo foi le toeaina ma tuu le lupe e alu e siaki le lolo poo ua maui, e leai ona toe faatali foi lea i le isi fitu o aso, ona toe faalele foi lea e Noa le lupe, na fo'i ma le lupe ma le lau olive, ma silafia ai e Noa, ua uma le lolo.

 

O le oreva o se manulele e lapoa o le ituaiga manulele e sau mai i le aiga o le 'crow' e i ai manulele nei o le (ravens, jays, magpies, choughs ma le nutcrackers.) e le tatau ona aiina e se tagata.

 

E taua e le Feagaiga Tuai e le manulele e latalata i mea o i ai ni tagata, e tusa poo le a le le fiafia ai oni tagata, ae sa faaaogaina lava e le Atua i ona fuafuaga, (Iopu:38:41) "O ai ea na te sauni a le oreva lana mea e 'ai, pe a fetagisi atu ana tama i le Atua, a o se i latou ina ua leai se mea e 'ai,"

 

Ae o le taimi na fetalai mai ai Iesu i ona so'o i le Feagaiga Fou ma ia faapea ai, (Luka 12:24) "Ia outou mafaufau i oreva, latou te le lulu saito, latou te le selesele foi, e leai lava potu oloa, po o se fale saito, a e fagaina i latou e le Atua; e le sili ea lo outou lelei, e manu ?." 

 

E manulele lea e faatusaina e le 'mama' e pei o nuu 'ese, i loto a tagata Isaraelu, ae na faaaogaina lava e le Atua i ana fuafuaga pei o le fafagaina o lana Perofeta o Elia (1 Tupu 17:)

 

E le pei o le lupe, e fiafia tagata e faalata aua e filemu, leitio foi le pese a tagata Samoa a faapea, "Filemu pei o le lupe manu, le lau olive ua tu..…." e le faatusaina lona tausaafia, e olo malu, e le taufaalataina, e mo'omo'o tagata ia aumai e latou te faalataina, o uiga lelei uma lena o le lupe i lenei lalolagi.

 

Na oti lava i tatou ina ua agasala le uluai tagata, ae o le toe afuaina o le taeao fou i le lalolagi ma ona tagata, na toe amataina mai ia Noa ma lana fanau. Le taumafaiga lena a le Atua ia ina oo mai lana faaolataga i le afio mai o le Iesu le Mesia, e aua nei motu le gafa lea, ae vaai i ai le tiapolo lona faaolataga, na sau pea lava seia afio mai Iesu Keriso.

 

E mafai lava e Atua ona toe fai se isi amataga fou, se manu e toe fai se isi uluai tagata i lona fuafuaga, ae musu le Atua ina nei te'i ua malo le faaleaga mea lea o Satani, e le faigata i le Atua ona toe fai se isi lalolagi.

 

Na silasila mai le Atua, ua toe a o Noa ma le toalua tagata amio atua ma si ana fanau, mai i le fia selau afe o lenei lalolagi (e le taimi lena e le'i tumu tele le lalolagi aua lea e tau mai, ma o le tasi le gagana.)

 

Na ola Metusela o le atalii a Enoka na sau ai lava lea o le gafa se'ia tau ia Lameko le tama lea o Noa, le tagata ua sa'o ona amio i luma o le silafaga a le Atua, ona ia fai foi le iuga o le a aumai le lolo e tafi 'ese uma ai mea leaga o tagata o mea'ola ma manu fetolofi uma, ma manu felelei uma ma soo se mea o le a faaumatia. O lona uiga o le a faaumatia le lalolagi uma le lalolagi atoa.

 

Aua ina ua liu tino tagata Iesu, lea na fai mai ai ia tatou, (Mataio 11:28-29), "Ia outou o mai ia te au, o outou uma o e tigaina ma mafatia i avega o a'u foi e malolo ai outou. Ia outou amoina la'u amo, ma ia outou faaa'oa'o ia te au, aua o a'u le agamalu ma le loto maualalo, ona maua lea e outou, o le malologa mo outou agaga."

 

Ia ua uma ona osia le feagaiga e le toe aumai e ia se lolo i le lalolagi atoa e oo mai le faavavau, e iloa i le nuanua le faailogaina o le lana feagaiga ma  Noa se'ia oo mai i le taimi nei.

 

'AFUA MA LE ATUA LE TAEAO FOU' i le suafa manumalo o le tatou Alii o Iesu Keriso. Amene.