Ads by Google Ads by Google

E te fia POKA?

MALO I LE SE'I A LE OFISA

 

Tei le tamaloa o Sio ina ua manava mai lona toalua o Veta ma le vaai atu o lo o ula mai lana filifili auro fou lava, fesili le tamaloa po o fea na aumai ai lana filifili ae tali le fafine, “na ou malo i le se’i a le matou ofisa.”

 

Ae na toe te’i fo’i Sio ina ua toe maava mai foi lona toalua i le isi vaiaso ua ese foi le taulima auro o lo o pipii mai i le lima o le fafine, ae ina ua toe fesili Sio po o fea e aumai ai le taulima auro, na tali Veta, “ga ou koe malo fo’i i le se’i a le makou ofisa,” na fesili Sio i lona toalua po o le a lana numera sa se’i, ae tali le fafine, “O le 18.”

 

Oo i le isi vaiaso ae te’i Sio ina ua manava mai Veta ma le ofu fou, le ituaiga o le ‘mink coat’. Fai atu le tamaloa i lona toalua, “ou te le manatua e i ai sou ofu fou faapena, o fea na aumai ai lou ofu lena,?” ae tali le fafine, “ga ou koe malo fo’i i lau gumela 18 sa kakao.”

 

Na tuu e Veta lona ofu ia Sio, ona alu lea o Sio e tautau le ofu i totonu o le la potu, ae te’i ina ua vaai atu o lo o pipii mai ai le igoa o Peleka i le pito o le ofu. O Peleka o le toalua o le pule a lona toalua, ma e foliga mai e fai se faanunumi a lona toalua ma le pule.

 

Te’i Sio ina ua valaau atu Veta ia te ia e alu e faatumu le tapu taele se’i taele ai, ae alu atu Sio faagata i le pito lava i lalo le vai ne lei faatumuina. Te’i le fafine i le alu atu e le taitai lilo ona vae i le vai, ita loa ma toe valaau ia Sio, “Ese lou ai upu alii Sio, o lenei e le lilo o’u vae i le vai na e faatumuina,” ae tali Sio, “Na ou musu e soona faatumu i luga ne’i te’i ua susu lau numera 18 ona e le toe malo lea i le se’i a le tou ofisa, ou te ofo i lou le fefe ma lou faamalepe aiga siaula.....”.

 

TUPU MA LE MASIOFO

 

Sa i ai se tupu ma sana masiofo lalelei lava i se tasi o atunuu, ma ua maua mai nei le la valaaulia e faatasi atu i le ‘aiga i se tasi o malo, ona fai atu lea o le tupu i lana masiofo e sili pe a la o i le valaaulia, ae na tali le  masiofo, e alu na o ia ae o lea o le a faamuli atu.

 

“O ai la tou te faamuli atu,?” o le fesili lea a le tupu, ae na tali le masiofo, “matou te faamuli atu ma le minisitia o tupe, minisita o lafoga, faapea ai ma le minisita o faatoaga.”

 

Tau oso le masalosalo o le tupu, peitai sa fai atu lana fautuaga i le masiofo, “aua nei soona faamumu umia moli o le fale ne’i tipi e le ASPA.”

 

A’o le’i alu le tupu i lana malaga, sa alu ma faatau mai fasimoli mageso ua tuu i le fale taele, sei vaai ai poo ai le tagata na te faia se mea pi’o i lana masiofo.

 

Uma le valaaulia na alu ai le tupu ona toe foi mai loa lea i lona malo, ma le taunuu mai i le malae vaalele o lo o faatali atu e minisita e toatolu, ma le tei i le vaai atu o lo o tau fai valu mai lava tino o le misinita o tupe ma le minisita o faatoaga, ona musumusu atu loa lea o le tupu i le komesina o Leoleo, “ave alii minisita e toalua na e tau fai valu mai o la tino e tafana i tua o le pa, ese le le anoano ma le momoe ma le masiofo a le tupu.”

 

Uma loa ona fai atu ai le Tupu i le Minisita o Lafoga, "Ia ua lelei tele oe, o le a e Minisita nei o Tupe, ma Faatoaga ia ma Lafoga amata atu nei, ua e iloa ?."

 

Ia ae fai mai le tala o le Minisita e le Tupu, "Faafetaaaaaai lavaaaaaa iaaaaaa ia teeeeee ooooooe leeeeeee Tupuuuuuuu." a e vaai i le toe tepa mai o le Tupu i lana tama lea e fai atu, fesili mai loa le Tupu, "O le a le mea ua tupu i lou gutu ?." ae fai mai le Minisita, "O louuuuu laulaufaivaaaaaaa uaaaaa malooooo faasoloooooo atooooooaaaaa…!!!!!." Fai mai le Tupu i fitafita,  "Ave ifo se pelu e sele 'ese ai le laulaufaiva o le ula lena, ka 'igo 'igo e faapea lava oe o a'u na fanau ananafi……..FAATOPE….!!!!."