LE MANUIA TAUMAFAIGA LAULI’I 7’s TA’ITO’A 7 I FITI

E le’i manuia le taumafaiga a le au ta’ito’a 7 a le afioga o Laulii mo le sailia o se latou tulaga lelei, ao faagasolo ai le taamilosaga taitoa 7 a le Bayleys Fiji Coral Coast a le atunuu o Fiti i le aso ananafi, ina ua faiaina i le isi au malosi a Fiti, le Coastal Stallions i ‘ai e 52-0, i le ‘quarter final’ muamua o le vaega o le ‘shield’.

O ananafi le aso lona lua o le taamilosaga sa faagasolo i le malae o Lawaqa Park i Suva a le Coral Coast, lea ua toe sauni atu ai le au malosi a le Red Rock a Fiti e puipui lona tulaga siamupini sa ia umia mai i le tausaga na te’a nei.

E pei ona silafia, o le au a le Red Rock mai Fiti na malaga mai e tausinio i le taamilosaga taitoa 7 a le TMO Pago 7’s sa faagasolo i le masina o Aperila na te’a nei, ma tuu mai ai lana ofa, o le kalapu lava mai Amerika Samoa nei e maualuga lona tulaga i lea taamilosaga, o le a maua le avanoa e tausinio ai i le taamilosaga lenei.

O le au a Laulii mai kalapu eseese a le teritori na tausinio i lea taamilosaga, sa pito maualuga le tulaga na ia ausia, ina ua taunuu lana sailiga malo i le su’eina o le siamupini o le Talita, ma faiaina ai i le au malosi mai Apia, le Apia Maroon i ‘ai e 21-0.

Mai au e 24 sa auai i le taamilosaga a le Coral Coast a Fiti, o nisi o au sa malaga mai i Niu Sila ma Amerika, ma e leai ma se ‘au o au nei na mafai ona ausia au e fa pito i luga na maua le avanoa e tausinio ai i le sailiina o le Ipu Autu.

O Laulii mai Amerika Samoa na i ai i le Pool A ma le au malosi o le Serevi Seleck, lea o lo o faiaoga ai le susuga ia Waisale Serevi o Fiti, o se tasi o alii ua iloga i le taaloga lakapi taitoa 7, faapea ai ma le isi au malosi mai Fiti, le Warwick.

O le ulua’i taalosaga a Laulii ma le au a le Northen Surburbs Warwick ma faiaina ai Laulii i ‘ai e 48-0, sosoo ai loa ma le latou taaloga lona lua, o le taaloga faaiu fo’i lea o Pool, lea na faiaina ai i le au a le Serevi Seleck i ‘ai e 34-5, ma maua ai loa le latou avanoa e se’e atu i le sailiina o le Talita.

E pei ona silafia, o Laulii lea na sola ma le siamupini o le taamilosaga taitoa 7 a le Mosooi 7’s sa faia i le masina na te’a nei, ma o se tasi foi lea o au o le a toatele nisi e peti ai i le taamilosaga a le Paramount 7’s lea ua faamoemoe e faia i totonu o le isi 3 vaiaso o lo o lumana’i nei.

O le vaiaso fou lea ua faamoemoe e toe taliu mai ai i le atunuu le au a Laulii.

UA FAIFAIGA A LE TOA O SAMOA I LE TAMA PAPALAGI

O faiga a tamaiti 'Sulu ie' i le latou taalo ma le 'au a Farani i le latou taaloga mulimuli o le latou pulu, Farani 6 Toa Samoa 22. Ina ua uma ona faateia i le latou taaloga ma NZ, lea na faateia i le afa muamua e NZ faasaga mai loa le Toa o Samoa i le afa mulimuli faaali loa i ai mea ia na latou o atu e fai.

Ao le pona, ua tuai e tasi ai le sikoa na maua e NZ ae fa sikoa na maua e le Toa o Samoa, ia o le ita maiga lena na fufulu uma ai PNG 38-4 lea la ua ifi atu ai ma Farani e 22-6.

Fai atu lava le mea e su'e siamupini nei le Toa o Samoa ma NZ ae toe te le talitonu lava, ha ! ha ! ha ! malo fai o le faiva ma lo le ta'aaloalo faatausala malo le 'ea atunuu e le 'ole lea.

O le mea lava ea a tamaiti Samoa, o le tuli i tua i pu'e malosi ae le o se pu'e leaga e maniti tino o le 'au papalagi i le vaai atu o pu'e mai e le Toa Samoa se Farani, o le mea foi lena e sese foi le laufoli i le malolosi o pu'e faatama amopopo.

Ia o le tama o Mose Masoe na muamua tuli i tua, i lona soona pu'eina o le afa a Farani, ae la lava e fiu e tuli le uiga saoasaoa lea Anthony Milford, Pita Godnet ma Junior Moors.

O le mea ua tau vaaia ua amata ona fefefe tama Farani i le pu'e a Samoa e vaaia atu i tama Farani e alu le polo ae tau togafiti mai i le taimi lena i se puega e le Toa o Samoa, o le afa o Ben Roberts a Samoa, o ia lena na te faasoasoa maia le Toa o Samoa e taimi uma e maua ai le polo.

Ia o le isi taimi e tuai lava le pu'e a le Toa o Samoa ae pu'e lava e tau atu ai i le 'au papalagi ia, a maua lava e le laufoli ua sala tuli loa i tua ae o le mea moni lava, e ta'u i ai ia Farani e 'ese'esega o pu'e.

TOAFA TAMA FUSU UMA ONA SAINI LATOU KONEKARATE I BOB ARUM

I le mae'a ai o taaloga o le laloagi i London sa faamanuina nisi o tama i Pine i le 2012, ae o le tausaga nei na o mai ai ia taulelea nei na maua latou pine na saini loa a latou konekarate i le Top Rank poo le alii faifusuaga o Bob Arum e i ai le alii lea e sau mai America o Jose Ramirez, o le Puerto Rico o Felix Verdejo ma le Mexico o Oscar Valdez.

Ae te'i lava ina gasolo mai foi isi tama na o i le taaloga o le lalolagi ua fia faia a latou konekarate i Top Rank o Zou Shiming, Vasyl Lomachenko, ma Ryoto Murat ma Egor Mekhhontecev ua te'i ua oo i a latou le agaga e fia fusu faapolofesa.

"O le tama ia toafa lea na maua pine auro, oute te aunauina e o mai i'a matou le Top Rank, o le mea sili lea o le ao taga lelei e vaai ia latou paga e amata ai le ona o fusu faapolofesa." o le tala a Bob Arum.

"O le mea lava e fiafia ai le Top Ranks o tama ia e toafa ae maise ai le Zou Shiming lea na pine auro i le 2008 ma le 2012, ua lava saunia lea tama fusu lea o Shiming i lou iloa i ai. Lea la o le ou tago loa e vaai ni ana paga e tau amata ai ona tau su'esu'e ai loa lana rekoki."

I le vaavaai i ai i tama fusu o taaloga o le lalolagi, na 'ese mai ai lava le tama lea o Shiming e pei lava o le polofesa na filo i totonu o le suega a le 'au le polofesa, ia lea foi na vaaia foi lona alu i Macau i Saina e pu'e mai ai i totonu le latou ata.

"Lea ua uma ona faia konekarate a le tama o Shiming, o lea foi ua folafolaina e muamua fusu ma lana paga i po lea e fusu ai Pacquiao ma Rios lea ua uma ona tuu ai i totonu o le tasi foi lea paga o le a fusu i lena po."

O IUGA O TAALOGA LAKAPI NA FAIA I LE VAIASO UA TE'A

I le vaiaso ua te'a nei na tatou tapuia'i ai i le taaloga ao alo tama o le Manu Samoa i le latou taaloga ma Irelani, lea na malolo ai le tatou 'au i 'ai e 40-9 a le Manu Samoa, ia e le'o togi ma se lavea, o le mea sili lava e tumau pea i le numera fitu i le faasologa o le 'au o le lalolagi.

E toatele tama sa tatau ona taalo ae ua lavevea, e leai se mea tatou te sa'i ai fua i le 'au, toe lua a latou taaloga i le latou tua (tour), toe o le Barbarians a Farani ma le taalogo mulimuli ma Georgia ona toe malaga mai loa lea i Samoa nei.

Manatua o 'au uma a le itulagi nei o Saute au tau o uma i a latou tua i luga i le i Matu pei ona faatulaga mai e le IRB, ae o le tele lava o 'au e i le Matu o le kelope a Fepuali e mai ai i lalo i Saute e tausaga uma.

Faapena foi le taaloga a Maori All Blacks a Niu Sila, na matu'i fiu foi i le faiga a America, ae na i'u lava ina malo ai le Maori All Blacks i le 29-19, ia faapena foi le taaloga i le va Uelese ma Aferika i Saute, ma manumalo ai Aferka i Saute i le 24-15.

Ua ua le toe faigofie le 'au a Georgia, na manumalo ia Kanata e 19-15, ia ae mao Sepania ia Chile e 26-3, ae o le taaloga i le va o Netherland ma Lithuania ma malo ai Netherland i le 34-25 a Lithuania, ae faaali loa le faali'i o Ausetalia ia Italia i le lami a Ausetalia e 50-20, ia na malo Fiti e 36-13 a Portugal.

Na malo Enelani ia Argentina e 31-12, ao Sikotilani e 42 i le 12 a Iapani, Siamani e 43 i le 14 a Polani, Moldova e 50 i le 20 a Sweden, o Malta e 37-18 o Croatia ae o le 'aiga pani a Slovenia ma Cyprus e 34-3 o Cyprus.

Luxembourg e 12 Bosnia Herz e 12-24, o le 'aiaiga utu a Enelani ma Farani na malo mamao ai Enelani i le vaiaso atu i ona tua atu, e 40-20 a Farani, e toe maua atu nisi lipoti i le faaiuga o lea vaiaso i isi tala o lakapi foi i le faaiuga o lenei vaiaso

Faaliliu: Toleafoa Haserota Auvaa / AF