Ieremia 29:1-14, Luka 10:1-12

Ia fai oe ma taimua e faaolaina ai lou aiga o le matua tu'u sa'o mai i le faiga o aiga i nei vaitaimi, (1) o le mea e ola ai lou aiga (2) aua le ta'ita'ia lou aiga e le mea e fano ai. O le tele o aiga i nei vaitau ua tuu fau lava le fanau ia, ua leai se faatonuga e le mea na tatou soifufua mai.

O le tele o aiga i aso nei o iina lava e mafua atu ai le lelei o le olaga o le tamaitiiti, o iina foi e iloa ai le matua e ola le tofa ma le faautautaga i le faiga o lana aiga ma le fanau.

Na silafia lelei e Iesu tagata ia o lea o atu nei e ta'u atu lona Malo ma faamanuia i aiga latou te talia mai i lona 'au soo e toa 70 na fetalai i ai Iesu, e faamama le avega e leai ni mea e ave e i latou ma le mamafa fua ia i le latou galuega lea o le a o nei e fai.

Aua le aveina ni atotupe, poo ni taga ma seevae, aua le talanoa i tagata i le auala, aua le faamaimauina le taimi aua le faailogafale o le mea'ai lava ua aumai e le aiga ia tausami ai ma faamanuia atu i lena aiga i le alolofa mai.

Ia outou faamalolo atu foi i ma'i ma fai atu i ai ua oo mai le Malo o le Atua, ao malo o le lalolagi e faamoemoe le tupu i lona Malo, e faamoemoe foi le tupu i le malo, a leai se malo e leai foi se tupu poo Peresitene o se Malo poo, ao le Malo a Iesu o le Malo o Iesu o le Tupu o le Lagi ma le lalolagi e oo i le Faavavau.

Fai mai le tusi o le Iakopo 2:19 "Ua e talitonu e toatasi lava le Atua; ua lelei lava lea, ua talitonu foi temoni ma latou tetemu." o le iuga lava o le Atua lea na faia amataga o le lalolagi ma le lagi na i ai Iesu ma lona Alo, ae o le to'atele o tagata ua latou leva ona faalogo i ai ae le mafai ona o le tele o le fia-tagata ma fia-sili, e sa'o lava le tagata ia i lona filifiliga, ae le iloa foi mai tatou mataua aua E FAI OE MA TA'IMUA E FAAOLAINA AI LOU AIGA.

E pei o le tusi na avatu e Ieremia le Perofeta a le Atua sa auina atu nei i Ierusalema i Papelonia (1) i toeaiina uma o le nuu, le 'au faitaulaga, o Perofeta uma, ma tagata uma o le nuu. (2) o Iekonia, o le sa'o tamaitai ma eunuka ma alii o Iuta ma Ierusalema. (3) na ave i Eliasa le atalii o Safata, ma Kemaria le atalii o Hilikia o le na auina e le Tupu o Setekia le Tupu o Iuta i Papelonia o Nepukanesa e fai i ai, (4) "O le faapea ona fetalai mai le Alii o 'au, le Atua o Isaraelu, i le tafeaga uma (5) ia fai fale ma nonofo ai, ma ia totoina faatoaga ma 'aai ai ona fua (6) ina fai ava ia outou, ma ia fananau mai atalii ma afafine ia te outou, ma ia fananau mai tama ma teine, ia faatoateleina outou i lea mea, a e aua le faatoaitiititia."

O le tusia lena na aumai tuu sa'o mai lava i le Atua e ala mai ia Ieremia, ae o loo tuu fesili ai le fanauga a Isaraelu, 'poo le mea na tuu lafoai i latou e le Atua ?'

Na tau sa'o i ai e Ieremia e i ai lava le Atua i ai latou i taimi uma lava, tusa pe amio leaga le nuu o Iuta ma le fanauga a Isaraelu i le le usisuitai ma fai taaga, ma ifo i tupua na ta, ma amioa pi'opi'o a latou ta'ita'i ia te Ia.

Sa i ai se tina o le tina o le pepe fou lea na fanau mai, e fanau mai e ma'i si pepe, vili mai loa le tina o le tina (grandmother) i le faifeau pe mafai a ona susu mai e fai se lotu mo lana 'granddauther' lea ua aumai i tua i le falemai e faatalitali ai se aso e maliu ai.

Ua tuu fesili nei le aiga pe moni ea o i ai se Atua, o le faifeau pei ona fai atu ai i le tina, e ola le pepe pe'a latou faatuatua ma le faamaoni ma toaga e tatalo i ta'u i le Atua le mea ua tou manana'o ai, na ola le pepe.

Na fai ai Ieremia i le fanauga a Iuta, ia faagalo le feitana'i i tagata Papelonia, faagalo uma na mea ae nonofo ma fai le mea lea na fetalai mai ai le Atua, ola i se olaga lelei ma fai ia aoga le latou nonofo i totonu o le nuu lena, ma ia fealofani ma ia talitonu i le Atua Soifua.

Na silafia lelei e Iesu le mea ua uma ona tuu matamaga i lona afio mai e faia e Ia ma ta'u atu i tagata e salamo moni aua ua latalata mai le Malo o le Atua. E faia nei mea uma a ua silafia e Ia e oo i le satauro aua na maliu mai o Ia e togiola o tatou agasala, le mea na fefe i ai le tagata i aso uma, o le tuugamau ma le oti lea na oo mai Iesu na ta'u mai i tagata o le lalolagi, e i ai le isi ola i tua atu o lenei ola tatou te ola ai.

Aua fai mai lo tatou matua, IA FAI OE MA TA'IMUA E FAAOLAINA AI LOU AIGA. le tulafono a le Alii lea na fai ia Mose ina ia fai ai fai ai ia Arona ma ona atalii i le Numera 6:24-26, "Ia faamanuia oe e le Alii, ma ia na tausi ia te oe; ia faamalamalamaina e le Alii ona fofoga i luga ia te oe, ma alofa atu ia te ia te oe; ia faasaga mai e le Alii ona fofoga ia te oe, ma tuuina atu ia te oe le manuia."  Amene.