Ads by Google Ads by Google

Tala i Taaloga

TALAAGA TAALOGA TUUGA VAA FAILA

 

O le taaloga lea le faia e faia i le malae o Newlands Stadium i Cape Town, na o le 11 ai lea o taaloga e faia a atunuu ia e lua e faia iina i lana malae, ua faafitu ona malo ai Aferika i Saute iina, ae o Ausetalia na o le tolu i le 1953 (18-14), 1963 (9-5) ma le 1992 (26-3).

 

O le fesi a Aferika o Morne Steyn e manoamia ni 'ai se lua e maua ai le 600 'ai o taaloga faitaulia (test), ua uuina lava e Percy Montgomery 'ai i lana olaga taaalo i taaloga faitaulia e 893.

 

O Bryan Habana lea ua sikoa silia nei i le Rugby Championship/Tri Nation i le 16 sikoa, lea ua tutusa ai ma le alii NZ o Christian Cullen.

 

Afai ae malo SA i le taaloga i le aso Toanai, ua faatolu lea ona faiaina ia SA, na gata i le 2008 ma 2009.

 

Ia o le taaloga foi lenei e mata lelei ai le matatia a SA lea e tatau ona maua i le 20 taaloga ma Ausetalia e tatau lava ona maua ai se sikoa i soo 'au lakapi e latou te taaalo. O le taimi mulimuli lava na le maua ai se sikoa ia Ausetalia o le 2011 lea na faiaina ai e 11-9.

 

O le taaloga muamua lea o si tasi tamaiti na'o 19 tausaga o tuaa o Samoa uma lava, ae na ola ma fanau i Ausetalia o Chris Feasuai Sautia o le taimi muamua lava lenei ua amata ai. Ua tutusa nei ma James O'Connor ma Ben Tune a Ausetalia lava.

 

LE AMERICA’S CUP

 

O le malie foi ia mea o tuuga vaafaila lea na sue ai i le vaa mai New Zealand o le 'Emirates' ma le vaa a Amerika i le tuuga mulimuli ina ua pauu uma isi vaa na auai i lea tuuga, ae le igoa o le vaa a America o le 'Oracle Team'.

 

I le mua ua faamauina nei i pepa o le faia tuuga vaa e 17 tuuga ona maua lea o le vaa moni ua mua, ao le vaa a NZ na maua mua i le 8-1 a America ae toe tasi lava le mua ona mua ai laia na siumupini foi o lenei tausaga.

 

Ae na taumafai mai le vaa a America i le sosoo mai o ana mua i isi tuuga e 7 lea na maua ai loa ma mua e le vaa o le 'Oracle'.

 

O tulafono i le tuuga vaa, e 12 tagata o le 'auvaa ua filifilia mai i le fia sefulu a tama e o i le vaa ae o latou e faaolioli atu i uta.

 

E leai se afi o le vaa e faamoemoe lava i le savili e fai ai le tuuga ma e 17 tuuga vaa e fai ai le suega siamupini e tofu le aso ma le tuuga, a uma le tuuga i lea aso ona malolo ai lea sei aulia le isi aso.

 

SAUNI ANDRE WARD E TOE FUSU

 

Ua sauni le alii fusu o Andre Ward e toe fusu i le aso 16 Novema, 2013, ina ua faamaonia le la fusuaga ma le alii o Edwin Rodriguez, talu mai le 14 masina talu ai e lei toe fusu lava.

 

Na taua i ni ripoti e faapea, e lei faiaina lava le alii o Edwin talu ona fusu mai, ma o se tulaga lelei lea ua faataoto mai i le la fusuaga ma Ward, mo le aupaga o le middleweight.

 

Na taua e Ward e faapea, o le tagata lenei o Edwin, e le gata e lei faiaina lava talu ona fusu, ae o se tagata foi e poto e fai lana fusu, toe pau foi lea o le tagata i lana aupaga la te lei fusu lava.

 

SAUNI JULIO CECAR E FUFUSU MA BRYAN VERA

 

O le aso Toonai nei i le malae o le Stub Hub Center i Los Angeles ua faamoemoe e faataunuu ai le fusuaga a Julio Cecar ma Bryan Vera lea ua leva ona tolopo mai, ona o se manu’a i le mata o Cecar ao sauni ai mo le fusuaga.

 

O le tuai ona faataunuu o le fusuaga na manatu ai loa le vaega o lo o faalauiloaina fusuaga, le HBO o le a taofi le fusuaga e le faia, ae talu ai o Cecar o se tagata ua lauiloa i le taaloga o fusuaga, na manatu ai loa le HBO o le a toe faaauau le fusuaga, ina ia mafai ai ona faatosina mai ni isi pisinisi i totonu o le kamupani.

 

 

MATA’UTIA MATATI’A UA AUSIA E LE ALL BLACKS

 

Ua matua tulaga mataina ma matautia le matati’a ua ausia e le All Blacks a Niu Sila i ana taaloga lakapi o lo o faagasolo i le taimi nei.

 

O le vaiaso nei lea ua faamoemoe e taaalo ai ma le Pumas a Argentina ae o le vaiaso fou lea ua faamoemoe e feitoai ai ma le au malosi mai Aferika i Saute. Pau le popolega o lo o i ai i le pulega a le au, ina nei mamafa i o latou mafaufau le taaloga ma Aferika i Saute i le vaiaso fou, ae maini ai loa o latou pa’u i faiga a le Pumas.

 

O le vaitaimi lenei ua taunuu ai le upu foi lele, 'E matua lava le pusi ma lona felau.' e i ai le kapeteni o Richie McCaw ua seasea lava a taalo i le vaitaimi nei, ona o ona manua i lona vaematua, faapea foi le latou fesi tautaua o Dan Carter i lona vae foi le la e faamalolo mai ai ma sina taimi nei, ae a taaalo nei tama matutua nei, o le manaia ia o le alu o le latou 'au.

 

O le tama o Aaron Cruden lea ua suia nei ia Dan Carter ae faaleoleo ai Beauden Barret ia o Sam Cane lea e tumau pea i le No.7 le tulaga lea e masani ona taalo ai McCaw.

 

Faaliliuina Toleafoa Haserota Auva’a