Ads by Google Ads by Google

E te fia POKA?

AIGA A NONU

 

Na i ai le isi 'au vaega e toalua na o e 'ai nonu i le nonu lea e tu i totonu o tuugamau o le nuu, na o atu loa lea ua a'e le isi tamaitiiti i luga ae sapo atu e le isi tamaitiiti i lalo.

 

Manatua foi, e faasa le nonu lea i e totonu o tuugamau, ona e i ai le mafaufauga na faasa ai i le pule ma alii ma faipule o le nuu lea tulaga, ona fai a latou o le le faaaloalo i e ua maliliu, lea na fai nei e le nuu le pa uamea ma sio ai tuugamau.

 

Ua oo i le po ua alu le toliga nonu a le isi 'au laiti i nonu i totonu fanau tanu, na 'ae le isi i luga ae sapo atu e le isi o'u tama lena nonu nei tei ua maua pe iloa foi laua e se isi, e aua le pao.

 

Ua toli mai nonu ma ua le maua e lou tamaitiiti lea, ua taavavale atu isi nonu e lua ua o i fafo i le pa 'uamea lea ma taatitia ai, ae sa alu lava le la toliga nonu.

 

Tiga le leaga o vae e maua i le gugu a si toeaina o Atamu, ae na 'etu'etu ai lava i le fia vaai lea ia Satani, e le'i vaai ai lava, na o mai loa i talaatu o le pa, ma faalogologo i le tufatufaina o agaga a Satani ma Peteru.

 

"O lou tasi lea o lou tasi lea, ia o oe lea o 'au lea….." oi ae fai mai loa le laitiiti lea na sapoina o la nonu, "O i toe lua lava la i tutu i fafo i le pa….!!!!!." faalogo le toeaina o Atamu, o laua lea ua oo mai ai le tufatufaina o agaga, fai atu loa Atamu i lona atalii o Apelu, "Oi o la ua ou faalogo atu ua lavevea mai ai ma taua i tufaga o agaga a le vaega lea…o le tonu alu loa ma le atoa le tagata e su'e le mea e ola ai."

 

E faliu atu Apelu, o leva ona 100 mita Atamu ia ma le atoa, ua leai ni gugu o ona vae ma le tau 'etu'etu mai pe'a savali mai nei.

 

E FIA MANULELE O TOTOE ?

 

Fesili loa le faiaoga i tamaiti aoga, "E lima manu felelei na tutu i luga o le uaea, fana loa e le faifaatoaga manu pe le tasi, e fia manu o tutu nei i luga o le uaea ?."

 

Ia tali loa le tama o Apelu, "E leai se manulele o toe tu ina ua pa le faga a le toaeina faifaatoaga, ua felelei solo manu e sue le mea e alu i ai." fai atu loa le faiaoga, "E fa alii Apelu, ua pe le tasi ia totoe ai le fa. Manaia ou mafaufauga, ae oute le'i fesili atu pe na felelei 'ese manu, na ou fia iloa lima toese le tasi."

 

Ia sii loa le lima o le tama o Apelu, "O lou fesili ia te oe le faiaoga, e toatolu teine na fai le latou aiga aisikulimi, o le teine muamua e amata mai lana 'eto'eto mai i luga o le aisikulimi e oo lava e lalo, o le teine lona lua, e amata atu ona 'eto'eto mai i lalo e agai atu i luga. Ao le teine lona tolu e amata mai lona 'ai lana aisikulimi i autafa e alu agai i le isi autafa, poo le faalava lana aina o le asikulimi. O lou fesili la e faapea, o fea la o nei teine ua fai lana toalua ?."

 

Sa fai sina leva ua tu le faiaoga, ona fai loa lea, "O le teine lea e amata mai i luga lana 'eto'etoga o lana aisikulimi." fai mai loa Apelu, "E leai….o le teine lea e i ai le mama faaipoipo i lona lima….ae manaia tele ou manatu, e le uma lava lou faavalevalea i mea faapena, le itioa foi ona sola le tamaloa ae tiai oe."