Ua fa’asalalauina mai e le Ofisa o A’oga fa’apitoa a le NOAA a latou avanoa e 136 mo  fanau talavou e le’i fa’au’u mai a’oga maualuluga nisi, a’o e fo’i e le’i maua ni tikeri mai Kolisi. O nei avanoa e maua mo fanau e talosaga atu, e amatalia lea ia Oketopa 1, 2013.

Ua fa’ailoa mai e ta’i 9 vaiaso le umi e galue fa’amasani ai le fanau o le a atofa i ai se avanoa o nei avanoa e 136 ua tatala mai, ma e tele ituaiga o tomai e mafai ona talosaga atu ai le fanau.

O avanoa tau le fa’atautaia o Su’esu’ega Fa’apitoa mo le NOAA, Tekonolosi, Aiaiga o Maliliega Fa’ataoto, Ituaiga o A’oa’oga Mo’omia e Talavou o lenei Vaitau ma isi. E maua uma nei ituaiga o kosi e mafai ona fa’asikolasipi ai le fanau i le Uepesite:http://oedwebapps.iso.noaa.gov/ssio. E amatalia ona fa’aaoga sikolasipi nei ia Me 26, 2014.

E mafai fo’i e nisi sa mua’i faigaluega i le NOAA ona fa’atalosaga nisi ituaiga o avanoa fou, e fa’aulu mo le pasia mai e le NOAA-OEd a’o le’i o’o ina tapunia le avanoa fa’aulu mo sikolasipi nei. O talosaga mo ni fanau a’oga e fia maua nei avanoa i le tu’uaga umi o le taumafanafana, e mafai ona fa’aulu lea i le Student Internship Opportunity[SSIO] i ala feso’ota’i i le initeneti. O le aso atofa e fa’amuta ai le talosaga atu o Aperila 1, 2014 mo i latou uma e fia talosaga mo nei avanoa.

Ua fa’ailoa mai, e ao ina talosaga atu le fanau a’oga o nisi o sitiseni o Amerika, pe o nasionale o Ameika (po’o i latou ia na soifua mai i Amerika Samoa) ae maise ai o nisi o fanau a’oga ua latou filifili e a’otauina i latou ma sailia fa’ailoga i mataupu tau le Si’omaga, Gataifale ma ona Puna’oa, ae maise fo’i le Vanimonimo ma ona mataisau fa’asaeanisi. E mafai ona talosaga so’o se mea, e talia fo’i pe afai e matua uiga ese le tula’i mai o sou fanoga i tulaga a’oga mo le mamalu lautele o tagata.

O nei vaiaso e 10 ua fa’atulaga e totogia ai le fanau e maua nei avanoa, e maua fo’i ma latou tupe e totogi ai nofoaga e nonofo ai, pasese e tatau ai ona auai i fonotaga atoa ai ma pasese e o ai ma toe fo’i mai i aiga ina ia auai i le nofoaga e faigaluega ma su’esu’e ai.

O nei avanoa uma, ua tu’ufa’atasia i ai le mau tau’ave a le NOAA ina ia mafai ona nofouta tagata soifua i le lumana’i, i so’o se ituaiga o aoa’oga aoga i le si’omaga ma ala e mafai ona fa’aauau ai le soifua lautele ona o le fa’aaoga tatau o mea ua tatou maua i lenei vaitaimi, ae le o le so’ona fa’aaoga ma fa’atalale i ai se’ia o’o ina afaina ma le toe maua nei sosia mo’omia.

Ua tu’uina mai le Uepesite: StudentScholarshipPrograms@noaa.gov mo i latou uma e fia malamalama atili pe fia talosaga fo’i ina ia manino mea uma, a’o le muta nei avanoa lelei mo fanau ia fa’alautele o latou tomai ona o nei fesoasoani aoga a le NOAA.

Pe afai e fia iloa penefiti ma aiaiga o e mafai ona talosaga, pe fa’apefea fo’i ona talosaga, ua mafai ona fesoasoani i le fanau a’oga fia talosaga le uepesite:

http://www.oesd.noaa.gov.