Ads by Google Ads by Google

Tala o le Vaifanua

TALOSAGA MO LE FAAMAMAINA O AUVAI

 

Ua amatalia nei le galuega fa’amama sa mae’a faasalalauina mai a le ASEPA, ma ua iloga fo’i le fa’afiafiaina o le ali’i Fa’atonu, Ameto Pato, ina ua va’aia le i ai o le agaga fia fa’amama auvai ma lumafale o afio’aga, lea ua taulamua ai le talosaga mai le afio’aga o Onenoa, tupito lava i sasa’e.”

 

O lo’o i ai i le tatou atunu’u le susuga John McCarroll, o le fa’atonu o le Ofisa o le USEPA Region 9, lea e aofia atu ai ma Amerika Samoa i teritori uma o Amerika i le vasa pasefika, ma o se fiafiaga fo’i lea o lea matagaluega ina ia faia le feso’ota’iga ma Onenoa ae o auai ma McCarroll, “Se’i taga’i fo’i lea ta’ita’i o le matou Matagaluega USEPA ao fa’atino nei galuega feutaga’i ma le afio’aga o le tatou atunu’u.”

 

“O se mea sili ona mata’ina, ona o tamali’i ma le aumaga o le malosi o le afio’aga o Onenoa, lea ua saili mai ina ia fa’amama o latou auvai ma gataifale, ia mautinoa ua talafeagai ma le manulauti tau’ave a  le matagaluega - ASEPA.” O se tala lea a John McCarroll e tusa o sana va’aiga i le aso To’ona’i ma le feutagaiga i le va o le ASEPA ma Onenoa.

 

Ua amatalia nei ona asia e le ASEPA fa’alapotopotoga uma lava ua talosaga atu ma feutaga’i i ala e fesoasoani atu ai le ASEPA mo le galuega fa’atino o le a latou faia mo le tausaga atoa se’ia o’o ia Oketopa 2014.

 

“O le agaga tonu o lenei toe atina’e mo le fa’amatagofie o tatou auvai, matafaga ma tafamaota o afio’aga, ina ia toe fa’afo’i lava o tatou tagatanu’u i le olaga sa sau a’i mai tausaga ua mavae, e le tau totogia pe avatu se taui tupe, ina ia o ai e fa’amama ae faia ona o le agaga fiafia e tumama ma fa’amatagofie o tatou afio’aga ae maise lava i auvai, aua e o’o uma lava i le sami lea tele o le otaota, pe a le mua’i fa’amamaina atu uta i laufanua.” O se fa’amatalaga lea a se tasi o sui o le ASEPA.

 

LEAI SE TASI E FAAMATALAINA IA TATOU TALA, A’O I TATOU! (w/ photo)

 

O se semina e taumafai ai ona fa’afo’ia sauaga fa’aletaupulea i totonu o aiga i atumotu o le vasa pasefika lea e usuia i Atlanta ma ua avea ai Fa’aalu Faleto’ese Iuli ma sui o le AFSF ma ua feso’ota’i ai ma galuega e tau fa’afo’ia ai fa’afitauli tau “Sauaga i totonu o Aiga” e a’afia ai tina ma fanauiti ASADSV.

 

O le aufono o malaga, o lo’o i ai fo’i ni sui mai le Matagaluega o Alamanuia Lautele a le Malo DHSS, ae maise fo’i, ia fa’afofogaina mau ua fa’ailo mai i nei fonotaga taua, ia le toe fa’aliloliloina e sui o o’otia nei ituaiga o mafatiaga i o latou aiga, ae ia fa’ailoa ma taumafai e fa’afo’ia.

 

“O nisi ua faia nei sauaga i sui a’afia, e matele lava o tagata e malolosi mamao ia i latou, toe o lo’o i ai le malosi’aga e mafai ai ona fa’afo’ia i latou i o latou atunu’u pe a mae’a ona fasia fa’atauga i latou, a’o nisi fo’i, o le fefe lava ina ne’i fasia a latou fanau fa’atasi ma i latou.”

 

O le masina o Oketopa 2013, ua fa’atulaga e le afioga le Kovana Sili, o le masina e taualoa ai le tele o taumafaiga ina ia fa’aitiitia pe matua taofia le sauaga o fanau ma tina i totonu o le li’o o latou aiga. O le tapenaga a le AFSF ma le ASDSV mo lea masina e ala ai ona saili punavai o fa’amaumauga ma vaifofo Faleto’ese Iuli mai fafo, ina ia mautu ni semina e fa’atautaia mo tina ma latou pa’aga i lea masina fa’apitoa.

 

O lo’o auau fa’atasi fo’i le matagaluega o le DHSS ma sosaiete nei a le AFSF ma le ASADSV e matua sofa’i sauaga nei i totonu o aiga i le masina fou, aua o lea fo’i ua mae’a fa’atuina ma le laina o mafatiaga e vala’au mai e le mamalu lautele pe afai o sauaina outou.