FAAMALOLO LE FAAMASINO

Ua toe tuu nei e faia se malologa a le faamasino fafine o Cynthia C.J Ross i se vaitaimi mai lana galuega o le faamasino lea i fusuaga, e pei ona i ai le fusuaga a Floyd Mayweather Jr. ma Canelo Alvarez lea na aumai lana ripoti poo lana iuga e tutusa.

E lei faasaina se tina lea Ross ae o ia lava na fai mai o le tuumuli mai le talane o le maea e sina vaitaimi sei oo i le isi aso ona toe aumai lea o ia ua sauni e faamasino.

"Ua ou faamalolo nei sei toe itiiti ona toe faamasino nei." o le tala lea a C.J. Ross.

Ua 64 tausaga o le soifuaga a le tina lenei, ua ova i le 22 tausaga o faia pea lea mea o le faamasino i fusuaga, ua 30 fusuaga siamupini o faamasino ai, ua manoa nei e malolo i se vaitaimi, ae ua amata nei ona suesue e le 'Nevada Atheletic Commission Bill Brady'.

Na faapena foi le fusuaga lea a Pacquiao lea na faiaina ai Timothy Bradley, i se faaiuga sese tele, lea ua faaluaina i le fusuaga lenei a Mayweather Jr. ma Alvarez i le po o le aso Toanai.

Ua faaalia ai foi le le fiafia o le alii fai fusuaga lea o Bob Arum lea na ia ave ai se tusi i le Loia Sili o Catherine Cortez Masto sei sailiili ifo pe mata e lei faia peti o le faasino lenei i le fusuaga lea.

"O mea lava ia e tutupu i fusuaga faapenei, e 'ese le matamata mai o isi tagata e 'ese foi le mea e vaavaai i ai le tagata faamasino latou ia, ua atoa foi 22 tausaga o ou faia le lenei galuega. O le mea la na oute fai atu ai, e 'ese le matou vaavaai atu i tama fusu e 'ese foi le matamata mai i ai o le 'au maimoa."

O le mea na tupu pe afai e sao le tala lea a Ross, 'O le 'ese le mea na maitaua mai i faamasino 'ese le 'autilo atu ai o faamasino….' o le fesili la ua tulai mai, "O le a le mea ua 'ese ai ona ai i loo isi faamasino e toalua ?."

TOE FO’I KAINO I LANA KONEKARATE

Ua maea konekarate a le Jerome Kaoni pei ona alu 'ese ai ma NZ i le lua tausaga i Iapani, o le Jerome Kaino ua atoa nei le 48 taaloga faava o malo poo 'test' i le All Blacks ia ma le Aukilani 'Blues' i le Super 15.

Ia na uma loa lana konekarate ia sau loa i NZ e faatali ai le toe sainiga o le isi konekarate, ae maua loa le avanoa a Aukilani e maua ai le faiga e fai ia Kaino ua tuu i luga lana konekarate i $500,000 i le lua tausaga fou.

Na talia e Jerome Kaino le manoaga a Aukilani, o le mea la a uma ae le tausaga o taaloga ma lona 'au lea o Aukilani toe lavea i le All Blacks i le tausaga lava e amata ai, ona sii lea o le lana 'ponesi' i le $300,000. i le lua tausaga e taalo ai mo Aukilani.

E le taitai lava le kokekarate na taalo ai Kaino i Iapani, e $1 miliona i le tausaga, ae o le sau lava i NZ le mafaufau a Kaino ma le isi mea, o le fia auai i totonu o le All Blacks.

O le sainiina o le maleleiga lea a Kaino ma le Aukilani, a fai ae le mafai e le All Blacks ona pikiina Kaino, ona toe faauma foi lea o le konekarate ae toe fai talia o ia ma se atunuu e toe alu i i ai pe afai na maua mai ai sana konekarate i lea atunuu.

FAATALI AUSETALIA PE TAALO LATOU KAPETENI

Fai mai le faiaoga a Ausetalia o Ewen McKenzie e iloa pe tei ua taalo nei le latou kapeteni o James Horwill i le vaiaso a sau nei lea e o ai i Aferika i Saute.

O James Horwill na leaga lona vae i le lua vaiaso talu ai ina ua mimigi (hamstring) le uaua o lona 'aao i le latou taaloga ma NZ.

Fai le faiaoga a le Wallabies, "Ua misia lava le kapeteni, i le latou taaloga ma Aferika i Saute, e moni lava i le sui kapeteni lea ua i ai nei ao le taimi o ave e Horwill le 'au, e le malolo lona tuitui atu pea i le 'au ma faamalosi atu pea i tama taaalo i taimi uma ma taimi uma."

A leai o le a latou vaai loa ua taalo le latou kapeteni i le taaloga ma Argetina i le vaiaso ona tua, lea na malo ai muamua i le 14-13.

E le iloa poo le a se ripoti a le fomai, lea ua vaaia le koleni ma ua vaaia foi le amata ona lelei mai o le kapeteni, "Oute manatu e oo atu i le aso Toanai ua lelei le 'aao a le kapeteni, ma e ua 100 % nei."

O le alii o James Horwill na amata lona kapeteni i le tausaga 2011 i le Ipu o le Lalolagi, ia ona sau a lea talu ona ia suia le kapeteni muamua na i ai o Rocky Elasom.

FUSUAGA PITO SILI ONA TELE LE TUPE I TAAALAGA

O le fusuaga le au tau mai le uiga 'ese o le tupe lea ua na mauaina o le fusuaga a Floyd Mayweather Jr. ma Canelo Alvarez, ua taua mai e le vaega o le Showtime ia aiga na totogia tupe i tusa o le $39.95 e lua miliona na totogi o latou HD i le fusuaga, lea e lona lua i le fusuaga o Oscar De La Hoya e tusa ai ma le $70 e maua ai le tupe aofaiga e $150 miliona.

I Nevada lava ia na maua ai le tupe e $20 miliona i le faitotoa o le rekoki, e 16,146 tagata na mafai ona o atu i totonu o le fale matamata e na faatauina o lona tickets i le $1,240 i le ticket e tasi.

Na maua mai le tupe aofai ina ua uma le faitauina o ala ma maua mai i le fusuaga e maua mai e $200 miliona e sili atu i le fusuaga a Oscar De Ha Hoya lea na sili e $165 miliona ae ua sili atu le fusuaga lea i le $35 miliona.

Lea na maua ai e le Mayweather Jr. le $41.5 miliona ae maua e Alvarez le $5 miliona, ua sili atu nei la le fusuaga lenei i le tala faasolopito o fusuaga.

Faaliliuina e Toleafoa Haserota Auvaa