UA TETEVA IA ISUMU

Sa oo i le isi aso lena sa fealoai ai faifeau a le isi nuu i le faleaiga, o le LMS, Katoliko ma faifeau Metotisi, ma le talanoaina o le mataupu lea o le tele o isumu ua pei a ua fai nei ma mai tumau i totonu o lenei nuu.

Sa amata loa e le fesoasoani, o ia lea ua tufono ia latou uma, "Ua uma le toigamea ua matou fiu e tape nei mea o isumu, na matou faaaogaina le 'spray', e pei talie mai i ai isumu, ia matou mei ane i pusi pei ua atili ai le talie mai o isumu ia matou. Ua sau le foi le matamumuli e iloa mai lava e isumu le mea o le matou faia, ou fai atu loa i lou 'aulotu, e sili ai le tuu ia faapena ae taumafai e 'ao'ao le amio o isumu."

Ia fai mai loa faifeau LMS, "Ua faapena foi le matou falesa, na ou toloina le kamupani lea e lelei i le tapueina o isumu, ao le faalavelave foi la e fai mai e na o le tolu lava masina e o 'ese ai isumu, ia toe o mai foi, a le o le totogi a le pili e kamupani, e mumusu ai lou 'aulotu e toe aumai. E faalua lava ona totogia e le matou 'aulotu le ta'i $5,000.00 i le tolu masina ae fati, ia o le mea le la ua i ai ua feoai faatasi ma le 'aulotu isumu."

Ae o le la e tausami lava le faifeau Metotisi fai mai loa lana tala i le fesoasoani ma le faifeau LMS, "Ua lua vaai i lou falesa o le falesa tuai, ae lua te vaai i ai i se meaola faalafu lena i igoa o le isumu."

Taufai lue atu ulu o le 'au failotu ia, ia ma fesili atu loa, "O le a le mea maoa'e na alai ona leai se isumu i totonu o lou falesa a alii Rev. Atamu ?."

Fai loa Rev. Atamu, "O matou fiu fi matou ia e tutuli i le amataga ia isumu, na ou iloa loa o le a ou tago nei e papatiso uma isumu ma fai a latou matafale, e uma atu ona papatiso i le isi vaiaso ma tuu ai loa matafale, e lua lava saogamea i faalavelave o atu lava na e lei toe tu mai se isi i totonu o le falesa e oo mai nei."

LAUPAPA E FAASILASILA AI SE MEA

Ua lau nei i Apia le tamaloa o Atamu e vaai le tamaloa lea e i le Turisi, fai loa i ai, "Oute manao e fai se laupapa e faasilasila ai i avetaavale e o lemu i luma o lou fale ma pepe o moa i aso uma e tasoa i taavale."

Ia fesitagofie le Ofisa o le Turisi ma aumai le laupapa, ave loa i luma o le fale a Atamu, e faapea lana tusiga, "ALU LEMU VAAI O LOO FEOA'I MOA."

O le mafuaga, o le itu i tai o loo i ai le matafaga e toatele tagata e taa'eele ai, ae o le fale o le aiga e tu i le itu i tai ma le itu i uta o le auala. Le mafuaga lena e pepe ai moa i aso uma a si toeaina o Atamu.

Toe alu foi le tamaloa fai foi i ai i le Ofisa o le Turisi, "E le taitai ona o lemu taavale i luma o lou fale, atili ai le o le mafaufau o taavale aemaise ai lava o tamaloloa."

Ia toe sui atu foi e le Ofisa o le Turisi le isi laupapa, ua tusi ai upu nei, 'O LEMU FAAMOLEMOLE, TOA TELE TAMA AOGA I LE MEA NEI.' ia ua tau pau mai ai moa a Atamu ua pepe ai, sau lava i le numera ono e pau mai i le numera 3.

Aua faatoa vaai lea i ni moa, e kea ini taavale e sau lava i ituala lea e iuta kolosi mai le auala tele e o mai i le fale lea e tu e tai, a le mafuaga lena e lavevea ai ma pepe ai i aso uma.

Ae tiga ona tele moa e pepe, ao o le mea ia i le tele o le lafu moa a lenei tagata.

Toe alu atu le asiasiga a le Ofisa o le Turisi e vaai pea le latou laupapa lea e tusi mai ai le faailoilo lea, o le tamai o a taavale ae o le vaai atu a le Ofisa i le latou taavale, e tepa i tai toe vaai atu ua toe tepa i uta ulu a le 'au avetaavale.

O mai le Ofisa o Turisi, tilotilo loa i le paupapa e faasinoina ai le faaaliga lea, ma le tepa atu i tua o la e tusi mai ai upu nei, "FAAMOLEMOLE ALU LEMU, O LOO TELE TEINE TELENOA I LE SAMI."

Ua le toe i ai se moa e toe pe, ao le tele o taavale e lavevea i luma va o fale nofo ai le toeaina ma le lana fale moa i taavale uma e oo mai i le 'sign' lena.