Ads by Google Ads by Google

E LE O LE AITU E FAITATALA A AE O FAFINE AULOTU

LAGOLAGO FAIPELE LE MOLIMAU A LE AITU FA’ASAGA FAIFEAU

O le molimau a le Faipele lea na o i ai le aulotu e tau su’e, pe moni o le latou faifeau lea o lo o maito ai le isi mafine o le latou aulotu, na taua ai e le Faipele e faapea, o le mafine lea na ma’itaga na mafua mai i le la mafutaga ma lana faifeau, lea na mapuna a’e i luga ina ua oso lona ma’i aitu.

E le gata la ua manino le molimau a le faipele, ae ua faaiu se suesuega sa faia e tagata o le aulotu a le alii faifeau lea o lo o tuuaia i le ma’ito ai o se tamaitai o lana aulotu, e le o le ma’i aitu na maua ai le mafine o lo o aafia na mafua ai ona aliali le tupua lilo a le leoleo mamoe, ae na mafua ona mapuna i luga lenei mataupu, o le faitatala ma le fela’ula’ua’i tala o fafine o le aulotu.

Fai mai le molimau na momoliina maia le mataupu lenei i le Samoa News, o le isi mafine lea sa muamua uei uei ma le faifeau, na alu ma toe faasalalau le tala ina ua kipi motu o ia e le leoleo mamoe.

“O le auku kogu lava lega o le vevesi e pei oga kula’i mai i kokogu o le makou au loku, ua koe faasalalau lava e le au foga uumi sa o muamua i le faifeau le mea ua kupu, ina ua le fiafia ua pa le pomu a si faifeau i le isi mafine ae misi akoa ai lakou,” o le tala ata lea a le molimau.

O le vevesi lenei na tulai mai i le masina na te’a nei, ina ua mapuna tala e faatatau i se mafine o le aulotu ua ma’ito i le latou faifeau.

O le tala na salalau i le taimi na taumafai ai tagata o le aiga e nofo ai le mafine na aafia e faafilemu le ma’i aitu na aafia ai o ia, peitai na faateia tagata ina ua fasa mai le aitu, e fasa mai i le igoa o le faifeau, ma mafua ai loa ona ave manatu o tagata o le aiga ma le aulotu, i le mafuaaga ua manu a’e ai le igoa o si faifeau.

Na mulimuli ane ina ua manino le mata o le vai, o le mafine lea na oso lona ma’i aitu, ua tau lona 3 masina, ma o lana ma’itaga o lo o ta’u ai le faifeau.

O le taimi lava na mapuna a’e ai le tala i luga ma le toe vaaia ai le faifeau i le aulotu, ua le toe alu foi i se lotu e oo mai lava i le taimi nei.

Fai mai le molimau, ua maea ona uia e le aigao le faifeau tu ma aga e masani ai le atunuu i le aiga o le mafine o lo o aafia, peitai e lei oo atu lava le aiga e faia sa latou leleiga ma le aulotu, ona o lo o tiga o latou loto i le mea ua tupu.

Ui o lea, ua taumafai ni isi o le aulotu e toe tuu faatasi le aulotu ma taumafai e faailoa i ai, o mea sa tutupu o ui fanafana ia a le fili o lo o tafana mai, ona o le taumafai e lepeti le aulotu ma faavaivai tagata o lo o saili i le suafa o le Alii