Ads by Google Ads by Google

Aso fa’apitoa mo le ‘Olimipeka’ i Amerika Samoa

O le aso a taeao o le a faatautaia ai i le taelega i Utulei se polokalama ua tuu faatasia e le Ofisa o le Olimipeka i Amerika Samoa (ASNOC) e soosoo tauau ai ma le Ofisa o Paka ma Malae taalo faapea ai le Faleaiga a le McDonald’s, e faataua ai le aso o le Olimipeka i Amerika Samoa.

I se pepa o faamatalaga na tuuina mai e le Ofisa o le ASNOC na taua ai e faapea, o lenei aso faapitoa o le a aofia ai uma taaloga eseese i le atunuu, o le a faia ai foi faaaliga a i latou o lo o i ai i taaloga eseese nei i polokalama ua faatulaga mo lea aso.

Na taua e le afioga ia Larry Sanitoa, o ia lea o le taitaifono o le komiti faafoe a le ASNOC e faapea, talu ai le tulaga manaomia i le faaleleia o le soifua maloloina o tagata o le teritori, ua manatu ai e faaauau pea le autu o lenei aso faapitoa e pei ona amata mai i le tausaga na tea nei, ia soifua maloloina tagata uma e ala i taaloga.

O le tuu faatasiga la o lenei polokalama o le a aofia ai se tamoega e 10 kilomita le mamao, e amata mai i le faleoloa o Aveina Store i Nuuuli ae faaiu mai i le Malae o le Siugaula a le Atuvasa i Utulei.

A maea le savaliga ma tamoega i le taeao ona sosoo atu ai loa lea ma le polokalame o le Zumba poo le faamalositino mo i latou uma o le a auai, ina ia maua ai le avanoa e faamalosi ai tino ma faatoilalo ai le mai suka ma le toto maualuga.

O le tausaga e 1984 na amata faalauiloa ai le aso faapitoa lenei mo le Olimipeka, e faamanatu ai le uluai taimi o le taaloga i le aso 23 Iuni 1894 i Sorbonne University i Paris, ona o le agaga ia faalauiloa atili tulaga o le taaloga ma ia maua e tagata uma le agaga o le fiafia e auai ma auai i le agaga filemu.

I le 20 tausaga talu ai, e 205 atunuu o le lalolagi sa auai i lenei faamoemoe, ma o latou faatauaina ai le aso o le Olimipeka e aofia ai savaliga ma tamoega e pei ona fuafuaina i le aso a taeao.

“Talu ai o le tulaga manaomia mo le siitia o le ola soifua maloloina o tatou tagata, aemaise ai o le naunau ina ia faatoilalo le mai suka ma le toto maualuga, ua manatu ai le ASNOC e faaauau pea le aua

Saunoa Sanitoa, o le autu o le faamoemoe e pei ona tuu faatasia e ofisa nei e tolu, ia momoli atu i le atunuu se feau e taua le ola maloloina o tagata uma.