Ua toe va’aia fo’i le pupula lelei mai o le Fetulele

O le vaitaimi fo'i lenei i le tausaga lea ua te'a, na va’aia ai le toe sau i luma o le 'au o le Fetulele, sa sau lava mai i le lua faiaina, o'o i le suega siamupini.

A'o lea foi ua toe va’aia ua amata ona le toe faiaina i le taimi nei o le liki, lelei a latou fa'ate'a toe lelei mai le talitua-a, e faifai fo'i te'i ane ua toe suipi le 'au lea o le Fetulele i le tausaga lenei.

I le faiga o si 'au lea na ta'aalo ma le Fetulele i le aso Toana'i, le Tama o le Mua'au #2, na o le 47 'ai na maua, ae 4 pe a le Fetulele ae maua.

O le ta'aloga a le Tama o le Mua'au #1 ma le Sinapati lea na soso'o atu ai, na vaaia le lelei tele o le 'au o le Mua'au i le amataga i le taimi lea na tata ai.

O le manatu i le 'au maimoa o le taimi lena e le taitai le 'au ta, ae o'o i le selau, ae te'i ua amata ona lelei te'a a Sinapati i le taimi lea ina ua pe pe le tamua.

Ona fai atu lea o le finauga o le 'au ta ma le talitua-a na i'u lava maua mai ai o le Tama o le Mua'au #1 i le selau ma le tolu (103).

A'o le ta'aloga pito i sili ona mataina o le lena vaiaso, o le ta'aloga lea o le Lega #1 ma le Manu'ula i le aso Faraile, na vaaia ai le mala lea na tupu i le Lega #1.

O le mea lava lea e leaga ai sauniuniga o 'au, o le toe tu'u lava o si tama ae ave atu i totonu isi tama i le'i aoaoga i le vaiaso atoa i le fa'ata'alo.

E le iloa ua uma ona i ai 'sa' o le ta'aloga lenei o le kirikiti, (1) o le toe sui mai o se isi i se taimi pu'upu'u o le taimi lea na sauni mai ai, ae le ave pea le tama ua uma ona tofi e ta'aalo i lena ta'aloga.

O le tagata lava e tu'ua le atunu'u, o lona uiga o le tapuai lava lana mea e fo'i mai loa fai.

Tu'u pea i tama ua uma ona tofi e sauni i lena vaiaso e ta'aalo, e le ai se isi ua polofesa i lenei ta'aloga.

E tutusa lava le tagata ua lelei lona ta'aloga ma le tama fa'ato'a ta'alo nei lava, o le ta'aloga lenei e i ai ona 'sa'.

Aua o le ta'aloga lenei ua tele ina maliuliu ai nisi o tagata talu ai le fai mea pi'opi'o i le fa'amasinoina o le lea ta'aloga.

Ua misa leaga ai nisi o alalafaga i isi ta'aloga, ua amo le sasa po'o le falepuipui i le motu tuaoi o nisi afioaga i le kirikiti,

(2) Tau tu'u le muimui o isi tama pe a le 'au atu i ai le tofi, tapu'ai fa'alelei ma aua nei faiina se mea e fa'alilolilo e le 'au vaega lea e faia le 'au, fa'amalie lelei loto, ma fai mea sa'o.

MOSI'ULA (3-1) 64 'ai, 19 pe. vs LEGA #1 (2-2)

O le au lenei o sese loa se isi 'au i ai, o lona uiga o le to'ilalo popo lava le mea e fai, lelei uma itu e lua, talitua-a ma le pate.

E le popole lava lea 'au po'o lea le aofa'iga o ai, e uma ona fa'aali mai e le Mosi'ula e latou te mafai fo'i ona puipui mai ia tama'i 'ai.

A o'o loa i se ta'aloga, ua sao o latou ta, lona uiga ua ova e le selau ai.

Na manaia le taofiofiga o 'au e le Lega, ae peita'i o le taimi lea na o mai ai mo le tulina o 'ai, o le faiga o fa'ate'a ma le talitua-a a le Mosi'ula, leai se polo e toe mamulu i tua, pe palasi fo'i.

Ua fui le 'au ta a le Lega e tau ta le ia te'a o le Mosi'ula, na ona lavea lava a ma tu sa'o i luga, ia na pe pe lava isi 'au ta lelei o le Lega i le se'e.

O i latou nei na 'ai silia o le Mosi'ula, o Larry 7, Mondale 5, ma le tama o Loia 4, ma maua ai le 63 o le aofaiga o 'ai, ae tuli loa e le Lega #1, pei lava na ou fai atu muamua.

O le ta'aloga lenei ua uma ona i ai latou 'sa', e sa le tamumu pea le au atu ai le tofi ia te oe, e sa le inu pia o se isi o le tapua'iga 'ao faia se ta'aloga.

Na o le 40 'ai na maua e le Lega i le taimi lena na tuliina i le taimi na tuli 'ai ai.

FETULELE (2-2) vs MUA'AU (2-3)

O le taimi fo'i i le tausaga ua te'a nei, na toe sau ai le 'au lea o le Fetulele, lea na sau ai ma o'o i le su'ega siamupimi, lea na siamupini ai le Fetulele.

O le tama o le Fetulele o le mea lea ua vaaia nei, ua tasi le mea lana ua iloa atu nei, o le siamupini lava le mea lea e vaaia i le latou 'au i le alu lenei ua i ai.

O le taimi la na tuli ai 'ai, e to'a tolu lava ana tama ta ae maea le 47 'ai na taina i le 'au a Tama o le Mua'au.

TAMA O LE MUA'AU #1 (4-0) vs SINAPATI (2-2)

O le sau o le Mua'au i le amataga fa'apea lava 'au ia, ai e tuli ai e le'i taitai le 'au ta a le Mua'au.

Ae te'i ua sa'o mai loa te'a a Sinapati lena na vaaia loa le tele alu ifo ifo i lalo o 'ai a le Tama o le Mua'sau, lava na tele le 'au fuamoa i le taimi na o'o atu pe i le selufu.

Na o'o i le taimi na ta ai le Sinapati, na muamua lava i le pe a Logi, ua soso'o mai ai lea ma polo na sapo e Uale, ma le isi tama ta a Sinapati lea na o le alu atu lava i luga toe sau i lalo.

E sefulu pe (10) fa'ato'a lua sefulu fa (24) 'ai ua i ai, a'o le taimi na ta ta ai Asiata Sale ma si ona atali'i o JR Sale, o i'ina la na iloa ai o se ta'aloga kirikiti lena e fai.

E pe mai Asiata pe na o le ono (6) ona 'ai, ae ta lava ia JR Sale e maua lelei le tolu tasi (31), a o le mea lena i le 'au lea a Mua'au, o le fesui'ai o ona fa'ate'a.

O le mea lava na pe lava se o JR Sale i le te'a pau tasi a Logi, ua atoa lelei ona 'ai e tolu sefulu tasi, ana i ai se isi e ta'olua i le taimi lena na ta ai Sale, e feololo.

Ae o le a le lelei mai o le tama ta o Sale, ae tu'u ai le fesui'ai o fa'ate'a o le Tama o le Mua'au, se'i iloga lava e maua le fa'ate'a sao, ona malolo mai o le fesuiaiga o le latou te'a.

Tama o le Mua'au, Palemia 17, Ruvino 11, Logi e 25 lea na maua ai le 103 i le 19 pe.

A'o le tama o Sale o Sinapati na'o ia ma isi tama na maua le ta'i 5 'ai ma lana tama Asiata Sale, lea na maua le 6, a'o JR Sale na o'o lelei ona 'ai i le 31.

Fa'apea le ta'aloga a le Pisisami #1 ma le Lupelele #2 o le ta'aloga lena e o'o 'ai i le ono sefulu ma le ono (66) ae o le la fa'ato'a (6) pe.

Na manumalo ai le Pisisami #1 i le 'au a le Lupelele, lea la ua fa'ato'a lua ai faiaina a le Lupelele ma le Pisisami.

Manatua i afiafi taitasi e te manave ai pe e te fo'i mai i le matamataga o kirikiti, manatua se Vailima e afiafi ta'itasi, o lo'o tufatufaina i le GHC Reid i Tafuna.

Fa'amalo atu ai i le Ali'i Pule o le Coca Cola, ali'i faipule o Toatasi Archie Solia'i, ma lana 'au faigaluega o le GHC Reids, e la outou lagolago mai ina o tatou tala kirikiti i tausaga ta'itasi, Fa'amalo lava.