Ads by Google Ads by Google

E te fia Poka?

O LE FAI FA'AEVAGALIA

O le fai fa'aevagelia lea na na alu atu i Apia e faia ana lauga evagelia, ma  e i ai ana tama fa'apitoa lava na, o le mea e fai ai ana lauga fa'a-evagelia e fa'amoemoe i ana tama.

Na o'o loa i Apia, na tu'u e fai i le fale tifaga muamua i Savalalo, ona alu lea o le toeaina fai fo'i i ana tama, "O e vaai pe mata e mafai ona tatala apa la e i luga tonu lava o le stage, lea o le fale-tifaga e fa'atatau tonu lava i le mea o le ou tu ai."

Ua uma na fa'atonu ana tama e tolu lava taga malala e ave i luga o le mea lea o le a sa'asa'a mai i lalo.

Ua o'o i le po na tu'u e fai ai fa'aevagelia, ia ua tumu atu lava le mamalu o le atunu'u, e fia matamata i vavega e tautaua ai lenei faifeau.

Na o'o loa i le taimi na fai atu ai le faifeau fai fa'aevagelia, "Ia sasa'a mai ni malala i lalo nei…ae aua le fa'amumuina leaga o lea e le'i tumu le atunu'u i le agasala…SALAMO NEI…!!!"

Na sasa'a mai loa i lalo taga malala muamua, ia ofo uma le atunu'u, fai mai le fai fa'aevagelia, "Ua tou talitonu i ai i le 'iuga o le atunu'u e fa'alogogata…?"

Fai atu le atunu'u, "Aua nei o'o mai ia matou lenei mala fa'amolemole…." fai mai le faifeau, "Aumai uma o outou tupe..o mea na o le lalolagi…aumai loa….aumai loa i fafo o outou taga..!!!"

Ia ua o atu uma tagata ma tu'u uma i luga o le fata na tu ai le tama lea.

Toe fai atu la'u tama lea, "Toe sasa'a mai nisi malala ae malie lou finigalo e aua nei fa'amumuina…!!!"

Ua toe sasa'a mai i lalo isi malala ia, ia atili ai le fetagofi o tagata i totonu o a latou taga, ua ave ifo uma o latou tupe.

Ua galo i lau tamaitiiti lea, ua uma taga malala, o le toe alaga la a le faifeau pepelo lea, "Fa'auma mai le malaia i lalo..!!" ae se'e loa ma le vae o le isi tamaloa lea, na muamua mai i lalo, ae mau ai le taga malala i luga.

Fe'ei atu tagata ua talitonu ina ua vaai atu i le tagata o lafoai mai, vaai i le tagata agasala ua fa'aolaina…savalivali atu le tamaloa lea e fai fa'aevagelia ma sisi i luga le lima a la'u tama lea.

"Va'ai i ai i le tagata ua fa'aolaina….va'ai i ai i tagata ua fa'aolaina..va'ai atu i le tagata….." ae la e genogeno mai lava la'u tama lea i le fai fa'aevagelia, savali atu loa le faifeau i la'u tama lea.

Fesili mai a le tamaloa lea i le fa'ataga-fai-fa'aevalegia a'o taimi le taimi na ua tu'u atu i tua o lona lima le fa'aleotele leo, ma le fa'alogo atu o tagata, "E KE  ILOA O FEA O I AI LE FALEKAELE….?

MANUIA LE X-MAS MA LE NEW YEAR

Alu  le fafine i le faletape'a ma ta ai loa lana pe'a,  o'o mai loa i le fale ma o'o i le po, o te'i le tamaloa i le vaai atu ua ta mai pe'a a le fafine i ona vae.

Fai atu loa le tamloa, "Sole o anafea na tata ai na pe'a ?."  tali le fafine, "O ana nei.." fai atu le tamaloa, "A'o le a le mea ua e alu ma ta ta ai na mea ?".

O le isi ogave au ta ai le 'Manuia le X-mas a'o le isi agave au ta ai le 'Manuia le Tausaga-fou'.

Fai mai le fafine, "A MEA UA FIU IA TE  OE I LOU VIGA I MEA AI…O VAITAIMI NEI O LE X-MAS MA LE TAUSAGA FOU….."