Ads by Google Ads by Google

Faia le Sao o le SSS- Kolisi i le TRIO Week

O le vaiaso lenei ua alofaiva atu ai le Polokalama ‘SSS’ [Student Support Services], le polokalama e fa’afaigaluega ai tamaiti a’o avea a latou a’oa’oga i matata mo latou kosi i le Kolisi, e fai so latou sao i le polokalama o le “TRIO Week.”

O le TRIO WEEK, o se tu’ufa’atasiga lea o polokalama e 8 o lo’o mafai ona fa’atupe mai ai e le Malo tele a’oa’oga a fanau Amerika Samoa i kolisi, ma e fa’atino e i latou ni galuega aoga i le tatou malo, e fa’ailo ai lo latou agaga fa’afetai mo le fesoasoani, ma ua toe fa’atino ai ni galuega lelei mo le atunu’u.

O le lua ai lenei o tausaga o fa’atautaia pea le TRIO Week, ma ua fa’aalia e le Fa’atonu o lea fo’i polokalama aoga mo le fanau a’oga, Repeka Alaimoana - Nu’usa, “O le fa’amoemoega ina ia mafai ona asia mai le matou fa’ato’aga lea e le mamalu lautele o le atunu’u, maimoa i lea fo’i ituaiga o tomai e totoina ai fa’ato’aga, atoa ai ma tino mai pe afai ae lelei ona fa’atautaia ma va’ava’ai lelei.”

O lenei polokalama a le Malo Tele, le TRIO, e valu i si polokalama mai le malo tele lava, e auga ina ia fesoasoani mo fanau o lo’o i ai le mana’omia i le totogia lea o latou a’oa’oga, po’o tamaiti e vaivai le tamaoaiga o nai o latou aiga e lavatia ai ona togitupe latou a’oga i le Kolisi.

O lenie poloketi e fa’atautaia ma fa’atupea mai i le uepesite o le  http://en.wikipedia.org/wiki/United_States_Department_of_Education" \\o"United States Department of Education"United States Department of Education.

O le uiga moni lea na fa’avaeina ai le TRIO ina ia mafai ona fesoasoani atili i fanau e maulalo le tamaoaiga o latou aiga, ae a le totogia lea o latou pili e a’oa’oina ai i le Kolisi. O isi fanau e agava’a i lea fo’i polokalama, o i latou ia fa’ato’a a’e i le Kolisi, o le fanau fo’i o i ai ni mana’omia fa’apitoa i latou tino ina ia mautinoa lava ua fa’au’u mai a’oa’oga maualuluga po’o Kolisi. Mai le valu o nei polokalama, e na’o le lua polokalama lea e fa’aaogaina e le ASCC: Student Support Services [SSS] ma le Upward Bound.

E aofia i le Polokalama a le SSS o le polokalama a’oa’o i potu a’oga, fautuaga ma a’oa’oga e aoga e avea ma ni vaifofo i o latou fa’afitauli autu, po’o le maulalo o le tamaoaiga, pe o le afaina o latou tino po’o le vaivai o le a’oa’oga, e taumafai le polokalama e toe faia uma se tasi o na mea ina ia mafai ona mae’a a’oa’oga ma soloa’i e fa’au’u mai le Kolisi.

O se mea taua, ua atoa le 20 tausaga o fa’atautaia pea lea polokalama aoga i le tatou Kolisi Tu’ufa’atasi o Amerika Samoa, ma ua aoga mo le silia ma le 200 o i latou na auai mai vasega ELI [English Language Institute.]

E ese mai le Fa’atonu o le Polokalama SSS, ua aofia ai fo’i le susuga Hipa neria, faufautua o le polokalama,  Sui e va’ai toto’a i agava’a: Hope Ropeti, tagata faigaluega i le Ofisa: Vicky Tualatai ma le Faia’oga fa’apitoa o Amber Fuaga.

I tausga a’oga ta’itasi e mua’i va’ai toto’a ai le vaega lea i tamaiti a’oga fou fa’ato’a ulufale mai i le Kolisi, ma o le taimi fo’i lea latou te fa’auluina ai sui mo le polokalama lea, ma ua fa’apea lava ona latou va’ai toto’a i le fanau a’oga o lo’o tau’avea Igilisi 70 ma le 80 pe a fa’ato’a a’e mai i le a’oga.

O le taimi lava e mae’a ai a’oa’oga ELI a le fanau a’oga, o le taimi fo’i lea e motusia ai o ia ma lea polokalama, peita’i, e mata’i pea lava e le Polokalama a latou fanau na auai i le Polokalama po’o gasolo lelei lo latou taumafai, ina ia iloa patino ai, po’o aoga fo’i le latou a’oa’oina o le fanau a’o latou mafuta i le SSS.

O le fanau e agava’a i lea polokalama o i latou ia sa fananau i Amerika Samoa po’o le fanau a’oga ua avea ma Sitiseni o Amerika, o i latou fo’i ia o lo’o agava’a i le polokalama a le  Financial AID, o le ulua’i tamaititi fo’i mai le latou aiga ua a’oga a le latou aiga i le Kolisi, pe o se tasi fo’i e i ai afaina tumau o latou tino.

Ona o lo’o i ai fo’i se vaega o le polokalama e mafai ai ona fa’atino e le fanau o auai i le Polokalama se galuega mo le atunu’u, o lea sa fa’aaogaina ai e i latou lea avanoa lelei e totoina ai se fa’ato’aga i tua atu o le nofoaga muamua sa nofoia e le polokalama i tausaga ua mavae. Na faia lea galuega lelei i le vaitau o le afa tausaga muamua o le 2010.

saunia: Leua Aiono Frost