Ads by Google Ads by Google

E LEAI LAVA SE 'AU LAITIITI O MALO I SE 'AU TELE

E leai lava se 'au latititi ua mafai ona faiaina ai se 'au tele i le taimi nei, ai ona o le laiti o nai tamaiti lea o lo'o fa'aatoa ai 'au laiti a isi alalafaga.

O le télé lava o 'au laiti, pe maua le to'alima o tamaiti na e fa'a-atoa ai, e amata mai i le 16 tausaga e o'o lava i le 19 tausaga.

O nai tamaiti la na o le fa'amoemoega o le afio’aga i le lumana'i i lenei lava ta'aloga a Samoa o le kirikiti.

E moni lava na aumai e misionare ina ua taunu'u mai i Samoa i le tausaga 1830, i le vaitaimi lena o le aumaiga o le Tala Lelei ma masani ai latou ia, aua na fiafia latou e fai, aua tasi lenei o ta'aloga o le 'au Peretania na fai mai i aso ia.

Aua o le atunu'u lea o Peretania o atunu'u na muamua lava ona o mai ai le 'au Misionare i ai LMS, Metotisi, Poretesano ia ma le Katoliko ae na o mai i Roma, i Italia, o lotu na o mai e folafola mai i le lalolagi le Tala Lelei.

Ia ae ua aumaia la e le 'au Misionare, tu'u mai loa i le Samoa, ua fai ai ma latou suiga i le kirikiti e o'o mai i le vaitaimi lenei ua tele ina sui i le kirikiti fa'a-Samoa.

Ia a o le mea e manaia ai, ua ta’ua lava o le ta'aloga o le atunu'u, e le toe ta’ua o se ta'aloga e aumai i se isi atunu'u.

Tasi lava le ta'aloga, ana le toe vevesi atu le latou A, semanu lava e fai fai lava te'i lava ua mataga le faia’ina i le 'au o le B a Pisisami, o le ta'aloga lea a le Lupelele A ma le 'au a Pisisami B.

Na ta'aalo ula po'o manatu mama i ai le Pisisami A i le 'au o le Lupelele B, va’ai atu loa ua tau fai se tau-talaitiiti o le B a Lupelele, ona taumafai lea e fa'agata ai i'ina.

O le sau o le Tama o le Mua'au B, e i ai lava le 'au tele po o le “A” a se isi afio’aga e afaina i le 'au laititi a Tama o le Mua'au, lelei e le o tumu ni tamaiti laiti, pe to'atele fo'i se 'au matutua o ova o latou tausaga kirkiti, ae o le la e palen lelei lava.

Na o le pa'u lava lena o le B e alu i luga o si A, a'o le tele o 'au e 13 tagata matutua ae fa'a’atoa atu e le 'au laiti, po o la e fllo ai ma tagata matutua ua ova tausaga i le taimi kirikiti.

LEGA “A” mai Poloa ma FETULELE “B” mai Tula.

Ia ua uma lelei 'au nei a Tula na faiaina i le 'Lega' a Poloa, i le malosi tele o le 'au o le 'Lega' mai Poloa, fai o lelei o ta ae o le mea latou ia, o le talitua lava e fa'amoemoe i ai.

O le aso fo'i lea na'ai silla ai i le ta'amilosaga i le taimi nei ia Fala, e 47 ona 'ai, ma o le iuga lena o le lava o fa'ate'a, aua e so'ofai ai ai e tama matutua i le kirikiti nai te'a laiti na.

E 100 'ai ae na'o 10 pe, ona tuli lea e le Fetulele 'ai nei o le 'Lega' ae maua ai na o le 63 'ai ae ua 19 pe, ma manulalo ai lea o le Lega.

Ua la nei manulalo o le 'Lega' ma toe itiiti ona tatou vaaia lea, ua tu'u mai na o 'au e saili ai le siamupini.

MEA'ESE mai Alofau ma AETO “B” mai Pago Pago

Na maualuga le tapua’iga a le afio’aga o Alofau, ina ua fa’atasi atu le afioga i le kovana sili, le matua ia Togiola Tulafono, i ta’aloga i le Aso To’ona’i.  O Togiola, o se tasi o mulumu tuai a le Mea’ese ma sa va'aia le fa'amalieina o lona finagalo ina ua so'ona fai e le Mea'ese ia le Aeto.

A tu'u i se isi fa'a’upuga, ua fa'atamatama tele le Mea'ese i lea aso, tiga lava le va’ai atu e laiti le ‘au a le Aeto.  E le’i umi na fa’atamo’e e le Mea’ese le tuliga o ‘ai e 65 a le Aeto, ae maua, ae na’o le tolu pe.

MANU'ULA ma TAMA O LE MUA'AU “A”

Manaia tele le ta'aloga lenei i le va o 'au malolosi nei, o le Manu'ula ma Tama o le Mua'au, ae e le iloa pe aisea na fa'apea ai le ta'alo o le 'au a le Manu'ula. E le masani ai i le matamata ai o le atunu'u.

Na manaia lava le taaga muamua a Tama o le Mua'au, ae ina ua lima pe ma ‘ai e 86, na fa’ate’ia le atunu’u ina ua toe oso isi ‘ai i tama e lima na totoe, ma maua ai ‘ai e 150.  Ae peita’i, ina ua tuli e le Manu’ula le 150 lea, se mea na le'i fuafuaina, i le alu o le solo pe.

E 19 pe ae na’o le 56 ‘ai.

O tama nei na 'ai silia i le ta'aloga, Palema (12), Ray (15), Logo (18) Kerupi (16) ma Ben e (16).

TAMA O LE MUA'AU “B” ma LUPELELE “B”

Pei ona fai atu, o le 'au lea a le Mua'au “B”, e foliga mai e lelei tele nai soso'o se B, e lelei tele i le tele 'au laiti uma o i ai i liki. E aua lava le fa'atamala i ai se 'au i lenei 'au, ai ona o le tulaga fa'aiogaina o le B, e  sese lava i le igoa a'o le mea o le 'au e lelei.

E leai lava se mea e fefe ai lenei 'au i isi 'au o le ta'amilosaga, e alu lava i le tauvaga o 'au e o i le su'ega siamupini.

E momoli atu pea le agaga fa’afetai i le kamupani a le GHC Reid Co. "Oloa o Leala", lea o lo o tufatufaina le pia o le Vailima i Amerika Samoa aemaise le susuga i le ali'i pule ia Taotasi Archie Solia'i, ma lana aufaigaluega, mo le lagolagoina o lomiga o a tatou tala o le Liki Kirikiti o le Fu’a 2012.