Ads by Google Ads by Google

LIKI KIRIKITI O LE FU’A 2012

E LE'I FETAUI LAVA IA 'AU MALOLOSI.

E se’i vagana lava le ta’aloga a le Fetulele #1 ma le Lega #1 i le Aso To’ona’i lea na amataina ai le liki, e le’i fetaui lava le ‘au matutua o le ta’amilosaga. E o'o mai i le vaiaso atoa nei, o lea e fetaui lava 'au numera tasi ma le numera lua, ae e le'i feiloai lava 'au matutua.

E le'o se mea na mafua mai i le komiti i le faiga o le lisi o ta’aloga, ae na fai lava i 'au na muamua fa'aulu mai o latou igoa.

E o'o mai i le vaiaso nei, e fetaui lava 'au numera lua a isi alaalafaga ma 'au numera tasi, e tasi lava le ta'aloga manaia i le Aso To'onai na amata ai le ta'amilosaga, o le ta'aloga lea a le Lega ma le Fetulele.

ASO GAFUA - TAMA O LE MUA'AU #2 ma LEGA #2.

O le aso lea na sili ona malie ona ua va’aia ai fo'i le tama o Pili, (le fai faleaitu) i le 'au a le Mua'au. Fa'apea lava na'o faifaleaitu mea e lelei ai le tama lenei. Ona ua fai lava sina laiti o tama o le Lega, na manumalo ai Tama o le Mua’au, i le latou ta’aloga.

E iloa gofie lava i le latou ta'a’alo mai, e tele ina tau fa'asino atu i fafo e le kapeteni o le latou 'au tulaga e tutu mai ai, ia o le amataga lava na o le kirkiti, ae le iloa pe te'i ua o'o atu i le tausaga sau nei, ia ua lelei.

A'o le 'au o le Mua'au, o le to'atele o tagata ua leva ona latou ta'a’alo mai i tausaga ua leva, e i ai Isaia, Pili, ma isi tama ua matutua i lenei ta'aaloga, po'o e 'E au lata ona tau laumea' ua pasi o latou taimi kirikiti ai, a'o lenei lava e fiafia i ai.

ASO LUA - SINAPATI ma LUPELELE #2

Sa manaia lava le amataga o le ta'aloga e le'i iloa lava po o ai  e fiti ai le polo, ae na iloa lelei lava le Lupelele #2  i le taimi na tata ai, ua alu le solo pe, ona iloa ai lea e 'ese'ese lava i tu uma o le ta'aloga.

Sa taumafai atu le Lupelele #2 i le latou pate, ma i'u ina maua a latou 'ai e 53 lea na tuli e le Sinapati, ma o i'ina na atili iloa ai le 'ese’ese o tamaiti mai tama matutua o kirikiti.

Na maua lava 'ai, ae na'o le to'afa le 'au vaega lea na latou taina, ia 'ai e 54, e manaia lava le osooso o tamaiti ia latou tupulaga.

Ae e maua ai fo'i e le 'au laiti le poto masani pe'a a uma atu lenei tausaga, aua e le iloa lava ona vave lelei pe'a le fetaui ma tama matutua.

ASO LULU - PISISAMI #2  ma LUPELELE #1

Tasi fo'i lea taaloga e mamao lava ma le manatu o tagata maimoa, e 'ese le mea na vaaia i le 'au fa'ate'a a le Lupelele #2, na vaaia le manaia o fa'ate'a a le latou 'au.

Manaia le tâta o le 'au o le ta'aloga lea, vaaia fo'i na naunau atu o tamaiti laiti a le Pisisami #2 ae o le malosi tele o le Lupelele #1, ai fa'apea ona o le 'au laitiiti a le Pisi.

Manaia le ta o le tama o Marino Ufuti i le aso lena, maua fa'amatalaga e fa'apea o le ulua'i taimi lea ua tu i se malae kirikiti, e 13 ona 'ai, soso'o ai ma le isi  tama o Sapati Satapi e 11 ona 'ai.

O le Lupelele #1, na latou mauaina 'ai i le latou tataga muamua o le ta'aloga i tama ia, Enoka 12, Miki 11, Setu 10, Leva 10 ma Miaki lea na 'ai silia i lea ta'aloga e 18 ona 'ai.

**************

E fa'amanatu atu e faia i aso uma pei ona sau ai le tatou liki i tausaga ta'itasi i le malae i Vaovai i Fagaalu i aso uma lava, se'i vagana ai le Aso Faraile.

Ua mafai ona auina a tatou tala o le Liki Kirikiti o le Fu'a 2012, ona o le fesoasoani mai o  le kamupani a le GHC Reid Co. "Oloa o Leala" ma lana pia o le Vailima.