Ads by Google Ads by Google

MUA FETU O LE AFIAFI I I LE TUUGA FAUTASI VA’A LAITI

Ua sola nei le fautasi o le Fetu o le Afiafi I mai Fagaalu ma le mua o le tuuga a fautasi a vaa laiti lea na faia i le aoauli nei, ina ua mua mai lava i le amataga o le tuuga seia oo mai i le tini.

 O le  tulaga lua ua maua e le Paepaeulupoo mai Aua, tulaga tolu le Fealofani Samoa III mai Fagasa, ma le tulaga fa ua maua e  le Fetu o le Afiafi II mai Fagaalu.

E pei ona silafia, o fautasi ia e le’i aofia i fautasi e 6 pito i luga o le uluai tuuga sa faia i le aso Toonai na te’a nei, lea ua tuu faatasi e tutu’u i le tuuga lona lua lenei o le sisiga fu’a, faatasi ai ma le fautasi a le Fetu o le Afiafi II lea e lei tutu’u i le tuuga i le aso Toonai na te’a nei.

Na amata mai le tuuga o loo pito lava i tua le Fealofani Samoa III, peitai ina ua oo mai le tuuga i tua tonu o le vaega lea sa i ai le faletalimalo a le Rainmaker Hotel, na vaaia ai loa iina le sosolo mai o le Fealofani Samoa III i le tulaga tolu, ae se’e atu le Fetu o le Afiafi i le tulaga fa.

E maua atu loa e le Fealofani Samoa III le pito i tua o le Paepaeulupo’o, ae tini loa le Paepaeulupo’o ma ia maua ai le tulaga lua.

1. Fetu o le Afiafi I

2. Paepaeulupoo

3. Fealofani Samoa III

4. Fetu o le Afiafi II.