m>>>
TO RETURN
TO A DIRECTORY, CLICK ONE OF THE CATEGORIES AT LEFT <<<
>>> IF THERE IS A PHOTO,
CLICK IT FOR A BIGGER VERSION <<<
faaliliu; J. Teugata
Ua talitonu Faleomavaega, o lo'o tele ni faaletonu i tulafono tau suafa matai o iai nei, ma ua tatau ona toe iloiloina nei tulafono.
Sa ia ta'ua lona talosagaina o le fono faitulafono i tausaga ua mavae, ina ia toe taga'i toto'a i lenei mataupu, ma ia faia suiga ua tatau ona faia, aemaise lava le vaega o lo'o faamamafa mai ai le tau toto o se tagata i le suafa matai. Ae peitai, e o'o mai i le aso, e le'i tali mai le foo i lona mana'o.
O se tasi o itu na ta'ua e Faleomavaega ua ia talitonu e le o sa'o ai lenei tulafono, i sana faataitaiga, o ni faletama e fa, ae e silia ma le 50 tausaga o tauave lava e le faletama e tasi ia le suafa matai, ae na'o le tautua lava o isi faletama e tolu. Aua, o le tulaga ua tula'i mai, ua pei o le a tau le taua le faletama o lo'o tautua.
Na fesiligia le afioga i le sui i Uosinitone i sana fautuaga mo se fofo o lenei faafitauli, na ia saunoa mai, ua tatau ona sui le tulafono. Ua tatau ona aveese le vaega lea o lo'o ta'u mai ai tulaga tau toto. Ua talitonu Faleomavaega, afai e malilie uma le aiga potopoto, o oe e tau toto i le suafa, e na'o le pau lava lena o le mea taua. Aua e na'o le aiga e silafia pe ua agava'a se tasi e nofo i se suafa matai, e ala i lana tautua.
Osini Faleatasi, Inc.
dba Samoa News reserves all rights.
>>> TO RETURN TO A DIRECTORY, CLICK ONE OF THE CATEGORIES AT LEFT <<<