Ads by Google Ads by Google

MALO LE MANU'ULA I LE PISISAMI

Ua manumalo fo'i le Manu'ula i le la ta'aloga ma le Pisisami i le aso Gafua, i le 96, 19 pe i le 73 i le 19 pe a le Pisisami. I se ta'aloga na fa'aalia ai fo'i le taumafaiga a le Manu'ula i le lelei o le latou 'au i le taimi na ta ta ai, ma le taimi na latou talitua-a ai.

I le taimi na ta ta muamua ai le Manu'ula ina ua malo i le viliina o le seleni, ina ua latou taumafai lava i se mea e iloa ai le latou lelei i so'o se itu o le ta'aloga o le kirikiti.

O le 'au lenei a Manu'ula o le to'atele lava e i ai i le latou auva'a i le latou 'sa' o le Fuao, a'o lenei fo'i e toe ta'aalo i le 'au kirikiti a le afioaga o Vatia.

Lona uiga, e kirikiti i le afiafi ae alu le latou 'sa' i le taimi po'o le po i se mea o le 7:00 pm, ae uma atu le aloga va'a, amata pese ma le

'aoina o le siva o le afioaga i le ta o le 9 i le po.

Ua masani tamaiti o le Manu'ula i so'o se taimi e fai ai le kirikiti, e o mai uma lava le nu'u i le malae i Vaovai Fagaalu, a uma ona o uma i lea i le fa'ataitaiga o le latou va'a, uma, o uma i tua, mo le faiga o le pese ma le siva.

Na ta ta le Manu'ula 96 'ai ae 19 pe, o Mauga lea na tamua na maua ona 'ai e 9, sau lava laia se'i o'o mai i le lona tolu o pe lea na ta ai Misa e 6 'ai, ma le tama o Pisia lea na ona taina 'ai e 15.

Fa'asolosolo mai lava e tele lava ina pe ifo i le ta'i 2 i le ta'i 3 ai a isi 'au vaega se'i o'o ia Miki lea na taina 'ai e 23, ma Peti lea na taina 'ai e 16 ma Eliki lea na ona maua 'ai e 5. Lea na maua ai le 96 o 'ai, ae 19 pe.

O le tama polo mamao la na mataina lona sapo i le aso Gafua, o le tama lea o Isitolo mai le 'au a le Pisisami, lea na ia sapoina polo e fa i le taimi lea na talitua-a ai le Pisisami.

O ni sapo mananai tele ia i le itu i tai i le mea lea i ai le faleva'a a le Matasaua, lea na i ai lana sapo lea na sapoina i tua atu o le fale lea tu mai i tai i le matafaga i luga o le oneone, ma maua lelei.

O le tama ta'alo lea o lea ta'aloga, i le itu tau talitua-a.

I le taimi la na ta ta ai le Pisisami, e le se folasaga lelei lea, i le amataga i le tamua, e lelei e le faiga o fa'ate'a a le Manu'ula, o tama o Pili, Enesi, Mareko, ma le tama Fili o fa'ate'a na faia le afu a le Pisisami i lo latou taumafaiga mai e tuli 'ai o le Manu'ula.

O le tama o Ma'ape na mauaina 'ai e 12, Marcus e 18 'ai, ia ma si tama o Sua lena na mauaina 'ai e 15.

O le taimi lenei o lenei tula'i mai le ia le Manu'ula (1-0) ao le Pisisami i le (0 -1) i le taimi nei.