Ads by Google Ads by Google

MAI ‘I MA ‘O

SE FAAFITAULI A AUSETALIA LOU ULUFALE MAI E LE ILOA IGILISI?Saunoa Palemia o Ausetalia - Julia Gillard - e tusa o le mau fa’afitauli ua taumafai Ausetalia e feso’ota’i ai lagona o i latou e le tautala i le Igilisi pe iloa fo’i tusitusi ai. Peita’i, o i latou ia e tele ina faitio ma fa’atele ai mea fufulu i totonu o malo o le lalolagi, ae le o se fa’afitauli patino lena i le malo o Ausetalia, o lau lena e tatau ona e mua’i iloa, ona fa’ato’a ulu ai lea i eleele o Ausetalia.Talu mai ona tele fevesia’iga i le va o tagata musalema, lea e le o manana’o e ola i lalo o pulega a Isilami Sharia ma latou tulafono, ua vala’auina i latou uma na e tu’ua Ausetalia, e le tama’ita’i Palemia.Peita’i, e i ai nisi o tagata Musalema ua feita i lafoga a Julia Gillard, lea sa ia fa’ailoa mai ai, na te sapaia le vaega o sipai lea latou te mata’ia i latou e tau fa’aono fa’atupu fa’alavelave i totonu o Ausetalia, ae maise i nofoaga taua o le atunu’u.“O outou ua aumau mai i Ausetalia, ae le o se Ausetalia, e tatau ona outou usita’ia tulafono ua fa’atulaga mo outou. Afai e tou te le manana’o e ola ai i na aiaiga, tula’i ma alu ‘ese.”Fa’aauau pea le saunoaga a le tama’ita’i palemia, “Ua matua ou le lava lava e taumafai ona faia ni vaifofo i fanoga ma faitioga ua fa’asalalauina i alaata, alaleo ma tusitusiga i nusipepa, ma ua avea ma mea e popolevale ai fua Ausetalia ma ona tagata ae maise lana faigamalo, po’o ai a to’atama’i i ni o matou lagona, po’o la matou aganu’u ma agaifanua. Talu mai ona o’otia i matou i le osofa’iga sa tupu i Bali, ua amata ai ona oso a’e le lagona lotonu’u i tagatanu’u moni o Ausetalia.”“O le aganu’u a Ausetalia sa fa’afailele mai mo le lua selau tausaga ua tuana’i, tele omiga tele fo’i lu’iga na mafai ona soloia ma a’e manumalo mai ai le malo lenei, ua faitau miliona fo’i tama ma tina sa latou gapatia e taumafai le tulaga to’afilemu o i ai nei.”“O Ausetalia e tasi lava le gagana e fefa’asoa’i ai o matou lagona ma manatu, o el Igilisi po’o le fa’aperetania lava lea. Ae matou te le tautala fua i ni gagana Sipaniolo, Lepanona, Alapi, Fa’asaina, Sapani, Lusia po’o isi lava gagana ua tele nei ina fa’aalia o finagalo ma faitio mai. O lea, afai e te fia feutaga’i ma Ausetalia ma ona tagata, a’oa’o le matou gagana - Igilisi.”“O lo’o matou taumafai atili e malamalama ma ola fa’atasi ma outou ma a outou talitonuga, ma e matou te le o fesiligia fo’i pe aisea lava, peita’i, e tasi lava se matou fanoga, ia outou talisapaia le matou fo’i fa’atuatuaga ma tatou ola fa’atasi ai ma le fealofani i le filemu mai le Atua ma i matou.”“O le matou atunu’u lenei, o matou laueleele, o le matou olaga moni lava lea, ma ua matou fa’asalafa atua e tatou te fiafia fa’atasi ai. Ae afai ae ua uma au fa’asea, o ou manatu fa’asausili, ma ua outou upuia la matou agiagia, ma le matou tautinoga, le matou fa’atuatuaga i le Olaga Kerisiano, le matou agaifanua, ona matou fa’ailoa atu lea ia te oe, faia loa le isi filifiliga tonu ia te oe, “lau aia e tu’ua ai Ausetalia!”“Afai ua e le fiafia i Ausetalia, alu ese. Matou te le fosia oe e te ulufale mai i Ausetalia, na e talosaga mai e te fia sau, ia talia fo’i la le atunu’u na e fia sau i ai!”[nz.3News]ASTRUE MAE’A 6 TAUSAGA TAUTUA I LE SAOGALEMUMai le Associated Press, ua fa’ailoa ai le fiafia o le ali’i o Michael Astrue ina ua mae’a lelei le ono tausaga sa avea ai o ia ma Taiulu i le Ofisa o le Saogalemu o tagatanu’u uma lava o Amerika i lona ofisa autu i le laumua o Uosigitone DC.Ua ia fa’aalia, “O lo’u tula’i ese mai lea tofiga i le amataga o Fepuari 2013, o se avanoa lelei fo’i lea mo le ali’i Peresetene Obama na te toe tofia ai se tasi e agava’a mo le fa’atautaiga o lenei polokalama sili ona tele a le feterale.”E le’i faigofie le folauga a lenei ta’ita’i, sa matua lutia fo’i lona sa i lona vaitaimi o le Taiulu o le Saogalemu i le tele o lu’iga ona ua matauina e tauau e le o toe umi ona lava se fa’asoa a le Saogalemu, ae ma’ea ona tupe teu mo tagata uma ua agava’a ai.
O le vaega o i latou e matau ma latou va’aia fa’apitoa le fa’agasologa o le alagatupe a le Saogalemu, ua latou fa’ailoa mai, e matua le toe gafatia e le Malo ona totogia saogalemu o tagata ua agava’a i le tausaga 2033.O le ali’i o Astrue, 56 tausaga ua na’o le manao lava e malolo atu ma litaea i lona setete o Massachussetts,ae ua le fa’ailoa mai e ia se isi mea na te manatu e faia i lona taimi ua avanoa nei.saunia Leua Aiono Frost