E lua pepe tama aulelei na soifua mai i le aso o le Tausaga Fou - Ianuari 1, 2014 -  na te’a nei, e pei ona fa’amaonia mai e le tama’ita’i foma’i o lo o fa’auluulu i ai le potu fanau faapea ai ma le potu failele i le falema’i i Fagaalu, le susuga a Dr. Bethel Muasau-Howard.

O le pepe muamua o le tausaga fou o le alii o Nathaniel Aidan Torrres o Nuuuli, lea na soifua mai i le itula e 3:22 i le vaveao ma le pepe lona lua o le alii o Jayvin Wayne Vaasoaia Ae o Pago Pago, lea na soifua mai i le itula e 8.35 i le po.

Na faamaonia mai e Dr. Muasau i tusitala e faapea, e to’alua pepe fou na soifua mai i le aso o le tausaga fou, ma o lo o soifua maloloina uma i laua ma o la tina, ae o lo o i ai fo’i isi tina o lo o fa’atalitali i latou i le taimi e tuu eseeseina ai e le Atua i latou ma le tagata fou, ma o lo o i ai pea i le potu fanau.

Na asia e le Samoa News le alii o Nathaniel Aidan ma lona tina, peita’i e le i finagalo le tina ia Catherine Torres e talanoa mai i le Samoa News pe pu’e fo’i le la ata ma Nathaniel, sei vagana ai le faatanaga na ia aumai e pu’e ai na o le ata o Nathaniel.

O le tina ia Catherines o lo o alala o ia ma le aiga i Nuuuli, o le lona tolu ai lea o lana fanau ia Nathaniel Aidan, lea e 9 pauna ma aunese e 2 lona mamafa i le taimi na fanau mai ai.

Ae mo le alii o Jayvin Wayne Va’asoaia Ae, o le grandson lea o se tasi o tamali’i ua lau silafia e le toatele o le atunuu, le afioga i le Matua ia Pulu Ae Ae Jr o Pago Pago.

O le alii o Jayvin na soifua mai i le mamafa e 8 pauna, 15 aunese, e lona fa ia te ia le fanau a ona matua o Melvin ma Josephine.

Na taua e Josephine i tusitala lona fiafia tele ina ua faamanuia le Atua i lo la aiga, ma foa’i atu le isi pepe tama e faaopoopo i lana fanau tama e to’atolu o lo o i ai.

Sa ia faafetaia le lagolago a uo ma aiga aemaise ai o talosaga i le Atua a’o ia tauaveina Jayvin i masina e 9, ae sili ai i lana faafetai le lagolago a lona aiga i lona to’alua ia Melvin ma si ana fanau e toatolu o lo o i le fale.

Meet Nathaniel Aidan Torres (below), American Samoa’s first baby born in the New Year. He was welcomed into the world at 3:22a.m. on Jan. 1, 2014 weighing 9 lbs, 2 oz. He was born to Catherine Torres of Nu’uuli and this is her third child. Mother and baby are doing well and went home yesterday.  
 

American Samoa welcomed at 8:35p.m. Jan. 1, 2014 the second baby — also a boy — for the New Year. Jayvin Wayne Va’asoaia Raison Ae weighed in at 8 pounds, 15 ounces. His proud parents, Josephine (left) and Melvin (right) are pictured with their newborn son. This is their fourth child. Baby and mother were released yesterday