Ads by Google Ads by Google

Logo Tagitagitagi - O’o mai le Kerisimasi

O se va’aiga i le tulaga o fefa’ataua’iga i totonu o le atunu’u i le vaitau fiafia o le lalolagi, aisea? aua ua manatu le au Fai’oa o le atunu’u, e ao ina faimeaalofa i lenei vaitaimi e fa’amamaluina lava e le lalolagi, o vaitau e fa’ailoa ai lou agaga fa’afetai ona sa fanau mai Le Mesia mo i tatou, e tau’avea a tatou agasala, ma e mai lea Togiola na ia saunia, ua mafai ai ona faliu fofoga o le Atua e fa’afofogaina a tatou Tatalo!

Afai la ua tau fa’anenefu ia te oe le tala na amata tima’i ai oe mai le aso To’ona’i i au fa’atauga, ua mae’a avatu se fa’amalosi, ina ia mua’i tapena ma fausia lelei lo maota e alaala ai le aiga, pe tali ai fo’i au malo fai mai, ma e mafai ona e maua lenei fesoasoani mai le Kamupani a Nana’s Construction i Pago Pago, soso’o lea ma lou tula’i malaga loa lava e asiasi i le “E-Quinns Boutique, lea ua tatala mai ona faitoto’a i le Litani Shopping Center i Nuuuli, e aumai ai sou ofu sili ona matagofie aua o oloa sa’o lava mai Amerika, e le se Kolea le tama’ita’i o Emma Papali’i - Tui, o le tama’ita’i mai le Taulaga i Ulumoto’otua ma Sinave, ae o ona a’a e malaga sa’o mai Sapapali’i Savaii, ae toe nofo mai fo’i i le ali’i taulaga ma o se suli o le afioga Mauga Manua ma Poiali’i mai Pago Pago.

Lea ua tu’ufa’atasia o la’ua iloa, ma fa’atula’i ai lea fale mo teuga matagofie ma e suia ai lou tagata tuai e fa’afou ai se va’aiga fa’aletino ia te oe. E moni ai le tala a le isi ali’i talavou sa saili sana manamea, “Se le alu atu lava va’ai loa i le agaga, e muamua lava va’ai mata i foliga ma le tino mai o lau va’ai!” Lea la ua afua ai lea tautua.

Ia ae fa’aemo ane ai ma se mea’ai a tamaiti mai le Kentucky mo le Pakete Moa e to’a ai le moa o le vaega matutua, McDonalds mo le vaega laiti e tagitagi mai lava latou McD, ae o le vaega talavou, fai mai e fiafia lava i le lapopo’a o tama ia e maua ia Carl’s Junior!

Le Laufou ma ona itula fa’avasega mai ina ia maua lelei sau sapalai o mea’ai fuala’au ‘aina, e le fa’afiti lava le vaega lea i le latou tautua fou lea! Fai mai e fa’ato’a tapunia i le 8:00 i le afiafi, ma e fiafia fo’i Samoa e fetaui ae ua fa’apogipogi le afiafi iina.

Ae o le mea taua, a’o tatou o i ai i tulaga o mea taumafa, e matua ita lava le tina o le aiga ia te oe Tama pe afai o le a leai se lua lava taimi na’o oulua i le Aiga fa’apitoa a le Sadies lea ua taepna mo ulugali’i, ma le vaega lea ua fa’amau! Aua, e tele lava mea i le loto o tagata Samoa, ae o le ‘aiga lava ia lelei ona tapena! Fai fa’alelei, aua a fa’au’u Mom i le Kerisimasi, e le toe tautala ai lava e o’o i le Tausaga Fou.

Ina ia maua se tausaga fou fiafia, va’ai ma le vaega a le Electronics lea e i le Mali’i Center, e fa’atau i ai sana Microwave fou, ma se la’au e pesepese ae o fai lana kuka, fai mai o i’ina lea e i ai le pa’u tele lava o na mea. Se ua masani lava tatou ia Ace Hardware, e le misia lava e le Ace se latou fesoasoani fa’amama avega i le mamalu o aiga ta’itasi i lenei vaitau. Fai mai la, ua ese le pa’u o tau, ae ua toe fa’ae’e atu i ai ma le isi 25% e maulalo ai uma lava tau o oloa a le faleoloa atoa. Fai mai, “toetoe lava uma oloa o pa’u ese ai le isi 25% mo le vaitau lenei o fesoasoani i aiga i le tau o le soifuaga e ala i oloa mo’omia i aso faiso’o!” Oi ae i ai le aso fa’apitoa mo lea lava Pa’u Maulalo Tele - Aso To’ona’i 24 Tesema mai le 6 i le taeao se’ia o’o i le 10 i le taeao lava lea!

A’o sa’ilia sou se’evae lelei ma le anagata, ae le taulia ai le va’ai atu a tagata, o oe o se tagata e manaia tele lau pea se’evae fou, oso loa lava i le faleoloa o Se’evae - the La’au e fua mai i se’evae - Shoe Tree Nuuuli, lea e va’aia ai le latou fo’i pa’u ina ia fesoasoani i lau fa’asoa.

Manatua o le fa’aiuga o le vaiaso lea o le a sau, e tolu aso, ae aofia ai ma le Kerisimasi, o le po o le tausaga fou lea ua fa’ailoa mai ai le Siva tele o le a faia i le Tradewinds Hotel, ae ua mae’a saunia fo’i le SPECIAL mo le vaega fo’i lea e fa’asua’ava loa le toe mafai ona ‘ave le ta’avale, potu lea ua fa’ataugofie mai, lua po e totogi, ae moe fua ai i le isi po e tasi.

Fai mai o le siva fa’apitoa lea, e sikaili mai lava oe i au sikaili e fia fai, ae ta’i $25. le ulufale e te fiafia ai i lea siva tele e fa’afeiloa’i ai le tausaga fou.

Va’ai le tama’ita’i ua vaeluaina ai lou alofa i ou matua, le tama’ita’i po’o le ali’i lea ua tutu lava i lou mafaufau i taimi uma, ma ua faigata ai ona motusia lau talanoa i ai i taimi uma! Fa’atau i ai sana telefoni i le ituaiga o le 3G a le ASTCA e lelei lena e tele fo’i latou minute le totogia i le vaitaimi lenei o le faimeaalofa o le tasi i le isi.

Se fai mai o tama na e pu’e le ata, toe send atu ia te oe, po’o le a tonu lava lana mea la e fai, avatu ai ia te o’e, la e nofo lava ma mafaufau mai!Ae uma loa lau fa’atau ae ua vevela tele le la, se fai mai o le Sweetie’s Restaurant lea e fa’afesaga’i ma le Maketi i Fagatogo, na’o le $3.00 ae fiu oe e ‘ai le aiga lena. E mafai fo’i ona oka ai ipu mea’ai mo ni ai pati ma fiafiaga o lenei Kerisimasi ma le tausaga fou. Ae afai ua alofa tele oe ia Mama ona ua e matua a’e lava ma leaga uma ai ana meaafale i lou ulavale ma lou mamafa, va’ai loa lava K&K Island Star Furnitures lea fo’i ua faia fo’i le latou pa’ua fa’aletausaga. O le telefoni e 699-3666.

Faia pea le tala ina ia soso’o atu ai tautua ma fa’afaigofie ai au filifiliga i Faleoloa ua ofoina mai a latou tautua mo oe i tau pa’u e le masani ai i le tausaga atoa!