Ads by Google Ads by Google

Logo tagitagi - O’o mai le Kerisimasi

Afai e te le’i manatu lava i se isi mea, ae ia mae’a le fale o si au fanau e fiafia ai mo le isi tausaga atoa, oso loa lava e vala’au le Nana’s i Pago Pago. O le latou telefoni o le 633-5088, ae o lea fo’i e i ai le latou fa’asalalauga i totonu o le tatou nusipepa nei. Ioe, e vave, e te va’aia lou fale, ae le’i tatagi moni lava logo o le Kerisimasi. Ioe, aua ua molimau le Kolisi Tu’ufa’atasi, na fausia e le vaega lea le 15 potu a’oga, e aofia ai ma le Computer Lab e tolu, ae na’o le tolu masina na faia ai lea galuega tele.

Se na ‘ata le ali’i o Sal Poloai o le TTD a le ASCC ma fai mai, “O le kama e le o koe popole, na mulimuli lava amata galuega a le TTD, pei e le’i kea tele i ai le au faufale, ae emo ane le ata, amata a’oga a le fanau, ua mae’a lelei potu a’oga e 15 a le kama ma lana vaega sese!”

O le agaga lea o le fiafia, afai fo’i la ua lafo mai tupe i le fanau e fa’auma ai le fale pe faia ni lipea, ave sa’o lava i le tina o Nana, ae fa’aemo ou mata toe pupula ane, ua fou le fale!

E moni lelei le tala, e leai se mea e sili ona manatu le Atua e te leoleoina nai lo lou loto. Ia e i ai fo’i le vaega Leoleopo a Nana. O i latou na e mafai ona fa’anofo filemuina lou loto, ua e saogalemu mai le ‘au kalepe fale ma le ‘au fao mea ma le le fefefe. Afai o si au pisinisi, va’ai fa’alelei au aseta ina nei afaina i le vaega leaga lea e fa’agasolo a latou faiga, aua ua tele mea e mana’o i ai le loto, ae vaivai tele le taga.

E moni ai le tala a le isi toeaina, “Se ‘au le tete fua fela i mea ilaila, e oso mai ai fua mana’o leaga, ma fa’aleaga ai fua le malu o le Atua.” Ae o le galuega fo’i lena e mafai ona mataala ai kama o le kaulaga!

Ia ae soso’o ane loa ma oe lea e tau tope lava le fale ia mae’a lelei mea uma ae le’i to’ai taunu’u le vaega o le aiga mai fafo, lea e tele masini palu sima ma isi masini uma e fa’aaoga o le fausaga o fale a le tina o Nana. O le laufanua lea ua tau le o’o i ai se taimi e faia ai le vao ua tetele na’ua, ae maise o le  pa la’au e le’i fa’agatasia, se e i ai fo’i le a’ao ta’ita’i o Nana i lena vaega. O lana fanau e lapopo’a ae matua lelei lava i le moavao ma le fai togala’au, fa’ao’o i ai sau vala’au.

Ae manatua la le mea lenei, afai ae o’o i le tausaga fou, e tatala aloaia lava le New Year i le toe tatala o ana tupe aitalafu, ae fai mai e leai se pasene ae na’o le pili lava mo le fia nono o sau tupe. Va’ai la i ai, ua tele fa’amanuiaga ua ofoina mai e Nana i le fa’ai’uga o lenei tausaga, ae sili atu isi mea na te aumaia mo oe ma a’u i le amataga o le isi tausaga 2012.

Fai fuafua lau fa’atau, ua tatala le fale fou lava i le Litani Shopping Center - Ioe fai mai o le teine e igoa ia “E-Quinns” Boutique ma ua ou va’ai ai i se’evae maualuluga lava, e fa’aopoopo ai le isi 6 inisi i lota maualuga. O lea ua oso mai sikaili nei sa matou fiafia ai ma le vaega a le au Hippie i la vaitau, talofa e, ua matua si mea, ua toe o’o mai lava tau o lea lava e i inei. Ia na tatala loa faitoto’a a le vaega lea ananafi, solo atu i totonu le vaega lapopo’a ua ta’i 6 masina, aua ua maua ai fo’i latou sikaili mananaia.

Ese fo’i ma le vaega lea a “Quinns le faia,’ e matua mafiafia mai o latou se’evae aua e lelei lava le va’ai mai o Salafai o lea e fealua’i solo iinei. Siaki ane, ua tatalo fo’i le fa’afeagaiga Pr. Dr Frank Amituana’i Ala - “Ia manuia le galuega ua tatala, ae ia sili ona puipuimalu ai le mafutaga fa’aleaiga i ona autafa.” E saunoa loa le Tama o le galuega a le Atua, e le mafai ona le fa’amanuia le Atua i so’o se mea!

Ua o’o mai fo’i le fa’asalalauga a le Laufou, lea e masani tele ina poloka fa’asolo atoa ai le auala. Ta le fia maua lava i luga o le ala, pe a o’o ina ta fo’i le itula e 4:00 o le aso Faraile a sau. Ua fa’ailoa mai latou fuala’au aina, ua fau ma soloi ma e tatau ona e alu ane e fa’atau atu e saunia lelei ai au salati fuala’au. E le fa’ama’ima’i lava le diet lea e tatau ona suia ai lou tino i le tausaga fou, ae tumau lava le felesi mai o ou foliga, ona o le to’aga e ‘ai le avoka, pi, kukama ma le tama o latisi - maua uma lava na mea! O itula e tatala ai lea ua fa’atulaga le 9 i le taeao ae fa’ato’a tapunia lava i le afiafi i le 8:pm, mai lava le aso Gafua se’ia o’o i le aso To’ona’i, o i sole a’o si o’u Sapati.

Se aua le galo ia te oe le KFC ma si latou pa’u lea e fa’aoso mai fo’i. Ua e iloa lelei lava, o le aiga a le ‘aia se moa e le fiafia ma se tama o le aiga. Oso sa’o i ai iina pe afai ua faigata ona maua se taimi e kuka ai se to’ona’i ae maise fo’i se pakete lapo’a a tamaiti.

Se lale fo’i ua le pupula lelei mai le kama o Angus ae maise lona uso matua o Ronald McDonald, se lea lava e fasi ai lava le fanau latou i taimi uma, aua e valea kamaiki pe a le fai mai, “Tatou o ia McDs!” Sa sili ai ona la’u uma i ai tamaiti fai i ai ia McD e avatu ma latou, aua e tausi fa’alelei atu i i, ae tagi mai lava o McD. Ia e te’i lava si toeaina o Charlie ua to’atele lana fanau po’o lana aufaigaluega fo’i i lea vaiaso atoa.

Ae a la le show tele a le Blue Sky lea na fa’aoso i le amataga o le vaiaso? Oka sole pe ana fai fai ai lava fa’apena le olaga a ea? Se moni lava le tusi, “e leai se mea lelei e umi!”  Ia o lea lava e umi, o lo’o fa’aauau ai pea le taugofie o telefoni, ae omiomi fo’i i ai ma si au Card fou e le vaega lena, oso mai ai ma le isi telefoni e afa le tau? Se fesili sa’o lava i le teine, o a’u lea e tusi tala i le pepa, ae o sa’o lava i le Ofisa lea e i le Laufou.

O isi tala lelei fa’apenei e fa’aauau atu i le vaiaso a sau! Lomiga ta’itasi, e fa’aoso atu ai lava le kama lea, e faailoa atu ai nai pisinisi ma a latou oloa! O le kaimi lava lenei e fai ai lau fa’atau, aua a e misi ma le pa’u lea, Ianuari si’i le pili falema’i, ae si’i ai fo’i ma le suau’u, o’o mai fo’i i le mea’ai ma lavalava ua fa’apena atu ai lava!