Ads by Google Ads by Google

Logo Tagitagi Logo Tagitagi - Ta mai le Kerisimasi!

Ua tatou i ai nei i taimi faigata, o le alatele o le a poloka mai le itula 9 ae toetoe a ta le 12:00 i le tutonu o le mata o le la, e le’i o’o lava i le Laufou. E tasi le ala e mafai ai ona mae’a lelei lau fa’atauga, o lou mua’i saili lea, po’o fea tonu e amata ai lou aso, ma mae’a lelei lau fa’atauga, ae le’i tigaina lou tagata e fealua’i i o ma o, tiga ai le ulu, tua ma le loto, ae le’i mae’a le fa’atauga.

Lea ua amata mai la i le Tent Sale a le Island Image ma le vaega.  Ua mae’a ona afiafi meaalofa uma, a leai fo’i e te filifili lava oe, po’o fea o nei meaalofa matagofie e te fia fai meaalofa ai i nisi o tagata fa’apitoa i lou olaga!

O se mea mautinoa, e leai ma se tasi o misi i aikia faigata lea ua fa’atino e le tama’ita’i faipisinisi o Terry ma le vaega. O’o ane i ai, e fa’afaigofie ai lau filifiliga. Ua pa’u maulalo fo’i ana ie sa masani ona mana’o i ai, lea ua afa lelei le tau mo oe i le kerisimasi lenei.

E fua ai lava i’ina ma le tino o Mama, fai loa ma le tala ma le vaega su’isu’i uma ma le popole i le Kerisimasi ne’i leai se ofu fou! Le lua pea ma le tama o le aiga i misi i au filifiliga, ae o le fanau fo’i i fafo latou, e maua uma lava nai fa’amomoli mo i latou pe afai e te muamua tu ai i’ina.

Afai o tama la e fa’afaigata ana filifiliga,  va’ai le True Value i le CBT lea fo’i ua oso i luga o le fua ma fa’ailoa mai le latou pa’u e ta’i 25% toetoe lava fa’apena i oloa uma i totonu o lea pisinisi, O’o i Toys mo lau fanau, ua ta’i 20% lea ua to’esea ai, ae o teuteuga uma lava o le Kerisimasi ma ona la’au, lea ua fa’ailoa mai ua ta’i 50% ua to’esea ai.

Ona ua e iloa lava Papa ma lona natura, e ao lava ona va’ai le tama o Pou Uila, Ioe le tama o “Go Green” a le Vailima, lea ua fa’alauiloa mai lona toe fo’i mai, pei lava na faimalaga le tama, ae a leai fo’i, se na oso atu lava i sisifo e asi Kama toe sau!

Manatua o aso fiafia e i ai lava i latou e nofo fa’anoanoa ai, ona o le malaga a le maliu ma le oti, e le fa’avasegaina. Ia va’ai le Island Funeral Services i Nu’uuli, e te le toe popole lava  i ni pale, ma teuteuga o le va’a o nai a tatou pelega pe a tautuaina oe e i latou na. Ua fa’apitoa fo’i ta’avale lelei mo le fa’amoemoe o aiga! A faigata ona toe feutaga’i ona ua tapunia le fale o le pisinisi, lea fo’i ua tu’uina mai laina mopili a tama e fa’ao’o atu ai sa oka: 733-3201.

Ae afai o lau pisinisi lea ua fia sui mai i Fagatogo sona nofoaga, va’ai loa le Fagatogo Square i le Tedi lea ua fa’ailoa mai, e le toe totogia sou amata tapena mai ma fa’atau loa au oloa i le masina nei, se’i fa’ato’a e popole lava i ai i le masina fou po’o le 2012.

Afai o tau elea le ta’avale a le toeaina, se o le mitamitaga lenei o le tama o le aiga! Ave lana ta’avale e fa’aleleia mai lona tino i le tausiga fa’apitoa a le Magna Eco tech lea e fa’ailoa mai le latou numera 770-4277. Faifai mea lelei ai lava ia e vai si ana masini, e uma lava fo’i le isi tausaga a sau nei, o toe sikifi lava fo’i le toeaina, ae leai se mea o fa’aleagaina.

A uma loa mea uma i le fa’atauga tau le aiga, ae aua lava le popole fua, aua o le fanau mo le toeaina Mama, e faigofie lava ona fa’amoe si ali’i i le pusa moa mai le KFC Family Meal. Ese ai ma lena, e i ai fo’i ma le “Aiga mo Pati” ae fesiligia la e oe tray lapopo’a fo’i na e fa’atutumu mai ona ua masani i latou i ‘aiga a le Samoa.

Sole e na’o le $28.95 le tau o le aiga atoa a le aiga, ma o lo’o i ai lava nai suiga pe afai e te fia talosagaina.

Oso ane i le isi itu i le vaega a le Pizza Hut, e tolu tama tetele na i le na’o le $49.95. Ia e le toe tau kukaina se ‘aiga o se pati, e ta’o’oto mai lava tama tetele na, le toe migoi le fanau aua ua masani ai latou i na ituaiga o mea taumafa! Se le vaega lea e le taitai ona ga se’i vagana ua va’aia le Pisasa.

Ae ‘aua lava le galo, se lau manamea lena e ave i ai lou fa’avalea! haha, e le tatau ona misi, e ao lava ona e fa’alogo isi ona leo ona e moe pepe ai lava lea, ae fiu si ou tina e toe vala’au oe e te nofo i luga e fai se fe’au, ae o oe latou e to’atasi lava lena e i lou mafaufau, ia afe loa i le fa’apitoa a le ASTCA lena e fa’apea o le “20/20”. E le o le Esekielu 20:20, se leai, o le faatau le telefoni e $60. ae maua fua ai le Card 20.00 e te fiu e tavili le sui lena e le toe uma ai minute!

Vala’au loa i ai, aua o le fa’asologa o ata o le tifaga a le Hollywood, kailo lava i ai, ae o le matua fiafia lava o oe i le Mission Impossible lena e te lua faia! A le o lena, le ali’i fia atamai ka’uka’ua o Sherlock Holmes lena e fa’aoso ai mafaufauga. Ae afai ua e fiafia, oso i ai Happy Feet all the way! Ia manuia le fa’atauga o le Kerisimasi, ma ia tatou ola fo’i ma le mata’u i le Atua i lenei vaitaimi o fiafiaga ma mafutaga mafana.