Ads by Google Ads by Google

Tala otooto o Fa’amasinoga

ausage@samoanews.com

SAMUEL WRIGHT & MANU LEFATIA

 

E 2 vaiaso lea ua toe tolopo i ai e le fa’amasinoga fa’aitumalo le mataupu fa’asaga ia Samuel Wright ma Manu Lefatia, i le mae’a ai lea ona talia e le fa’amasinoga o se talosaga na fa’aulu e le loia a le malo, ina ia toe tolopo le iloiloga o lenei mataupu mo se 2 vaiaso, ina ia maua ai le avanoa e iloilo ai e itu e lua le ripoti a Leoleo lea fa’atoa maua.

 

O Wright ma Lefatia o loo tu’uaia fa’atasi i laua e le malo i le fa’alavelave lea na tula’i mai i totonu o le toese i Tafuna i le amataga o le masina lenei, ina ua la fa’ao’olima i le ali’i pagota ia Larry Samatua ma manu’a ai se vaega o le tino o lenei ali’i.

 

O lenei fa’alavelave na tula’i mai i le taimi ao taofia uma Wright ma Lefatia i totonu o le toese, peita’i o le taimi nei, ua tatalaina nei i tua ia Lefatia ina ua mae’a ona ia tuliina lana fa’asalaga e tusa ai o le mataupu sa tu’uaia ai o ia, se’i vagana ai Wright o loo taofia pea i le toese mo le tuliina o lana fa’asalaga fa’a falepuipui e 15 tausaga, e mafua mai i le fa’alavelave lea na ta’usala ai o ia ma isi ali’i e to’alua, i lo latou osofaia lea o le faleoloa o le Gold Gonda i Faga’alu i le masina o Me 2014.

 

O loo tu’uaia e le malo ia Wright ma Lefatia i le moliaga mama o le fa’ao’olima i le tulaga tolu, e mafua mai ina ua la fa’ao’olima ia Samatua.

 

I fa’amaumauga a le fa’amasinoga o loo taua ai le muamua fa’aoolima ia Lefatia ia Samatua i totonu o le potu o loo taofia ai pagota, mulimuli ane ai fa’ao’olima Wright ia Samatua i fafo o le malae.

 

SOOSEMEA TINAE

 

Ua taoto atu nei i se fa’aiuga a le fa’amasinoga maualuga le talosaga na fa’aulu e le ali’i pagota ia Soosemea Tinae ma lana loia, mo se poloaiga a le fa’amasinoga e toe faia ai se teuteuga i lana fa’aiuga lea ua mae’a ona tu’uina mai mo lenei mataupu.

 

E 5 tausaga lea o loo tuli e Tinae i le toese i Tafuna, o se tasi lea o tuutuuga o lana nofovaavaaia e 15 tausaga na tu’uina mai e le fa’amasinoga maualuga i le masina o Tesema 2015, ina ua ta’usala o ia i le moliaga mamafa o lona faia lea o ni uiga mataga fa’afeusuaiga i se teineititi e 13 tausaga le matua.

 

O le amataga o le masina lenei o Tesema na faila ai e le loia a Tinae ia Matalupevao Leupolu Jr le talosaga i luma o le fa’amasino sili, ina ua le mafai e le afioga i le fa’amasino sili lagolago sa iloiloina le fa’asalaga a Tinae ona nofoia le nofoa fa’amasino mo se taimi umi, ona o tulaga i gasegase o le tin

 

I le ulua’i iloiloiga o lenei mataupu i luma o lana afioga ia Michael Kruse, na poloaina ai loa e le fa’amasino sili le tu’u atu o le mataupu a Tinae e fofogaina i luma o le afioga i le ali’i fa’amasino ia Elvis P. Patea, lea na maua ai loa le avanoa e fofogaina ai lenei mataupu i le taeao ananafi.

 

Na taua e le ali’i loia ia Leupolu Jr e fa’apea, o le talosaga ina ia toe faia se teuteuga i le fa’asalaga a le fa’amasinoga mo Tinae, na fa’avae mai lea ina ua ia fa’atoa iloa se vaega o le fa’aiuga a le fa’amasinoga e le o manino, ma ia failaina ai loa le talosaga i luma o le fa’amasinoga.

 

O loo taofia pea Tinae, 72 tausaga le matua o le soifua i le toese i Tafuna mo le tuliina o lana fa’asalaga, e fa’atalitali ai se fa’aiuga a le fa’amasinoga i lana talosaga.