Ads by Google Ads by Google

Tala I Vaifanua


O le mae'a ai o le vasega sa tau'avea e le tama'ita'i o Nelda fa'amalosia ai le tulaga fa'avela lelei ma kuka lelei o mea'ai paleni mo le fanau a'oga i aso ta'itasi e pei ona fa'atulagaina ai i le polokalama. [ata: Leua Aiono Frost]

FA’ATULAGA A’OGA MO MATAGALUEGA LATOU TE TAUSIA

 

Ua ma’ea fa’atulaga e le faigamalo ia ofisa ma matagaluega latou te  fa'amama ma fa'amatagofie aoga i le atunu’u mo le tausaga aoga fou 2017/2018.

 

O nisi matagaluega ua ta'ilua a'oga e latou te tausia.

 

Mo a'oga i le falelima i sisifo, o le latou ta'ita'i o Amituana'i Atofau. Pavaiai Elementary ma le ECE ua fa'atulaga mo le DPS ma le Human Resources; Tafuna High School Upper Campus o le matagaluega o DHSS ae o le Lower Campus o le Matagaluega o A'oga.

 

Tafuna Elementary ma le ECE o le a vaaia e leKVZK, Ofisa o Palotaga ma le Ofisa o Mataupu Tau Samoa. O le South Pacific Academy e vaaia e le ASEPA, ae o le Manulele Elementary School e a galulue i ai le Matagaluega o Aoga ma le Ofisa o le Paketi.

 

Samoa Baptist Academy e fa'amama e le Shipyard ma le Faletusi o Feleti Barstow. Iakina Academy o le a galulue i ai le Faletupe o Atina'e. Manumalo Baptist Academy o le a vaaia e le Visitor's Bureau ma le Ofisa Fa'amasino a le Faigamalo ALJ.

 

Kanana Fou Elementary ma le Kanana Fou High School o le Matagaluega o Paka ma Malae Ta'alo. Pacific Horizons Schools Elementary ma le A'oga Maualuga o le TAOA po'o le Matagaluega o Tagata Matutua o le atunu'u. Lupelele Elementary o le Ofisa o Oloa a le Malo, DOC ma le Legal Affairs.

 

O le nofoaga o lo'o tausia ma a'oa'oina ai fanau solitulafono ae le'i uma le pule a matua i Tafuna ua tu'u atu i le Legal Affairs ma le DPS.

 

O le Itumalo Tutotonu o le latou Ta'ita'i fa'apitoa o Leasau Tuitoelau ma ua aofia ai Aua Elementary ua tu'u maoti atu i le Matagaluega o le Tupe. Uifa'atali Peter Coleman e aofia ai ma le latou ECE o le Matagaluega o le Soifua Maloloina.

 

Leatele Elementary School ma le ECE o le Budget & Planning Office ma le Ofisa o le Loia mo le mamalu lautele, Public Defender. St Francis/Marist Elementary ua fa'amatuu atu i le DYWA, ASEPA & DHSS. Samoana High School ua nafa lea ma le ASPA ma le DPS.

 

Matafao Elementary aofia ai ma le ECE ma le SPEd ua fa'amatu'u i le DOH ma le OPAD. O le a'oga a le SPICC lea ua tapena nei e le Samoan Affairs.

 

O le itumalo i sasa'e, e ta'ita'i e Vaesa'u Togiola ma ua aofia ai le tapenaga o Fagaitua High School lea ua tu'u atu i le Ofisa o le Kovana Sili, Ofisa VA, ASHPO, Ofisa o le Komesina o Inisiua, Medicaid & Voc Rehab.

 

O le Aoga Tulaga Muamua a Lauli'i e aofia ai ma le ECE ua tapena e le Matagaluega o Tupe a le Malo.

 

Afonotele Elementary i Afono ma Mt Alava Elementary i Vatia e aofia ai ma le ECE ua tu'u atu i le Senate ma le Matagaluega o Auaunaga ma le Pulega a le Malo [Administrative Services].

 

O le Itumalo Sasa'e Tupito ua aofia ai Matatula Elementary ma le ECE faatasi ai Alofau Elementary ma le ECE ua tu'u atu i le Matagaluega o Uafu, Taulaga na Malaeva'alele.

 

Olomoana Elementary e tausia e le Criminal Justice & Planning, o Masefau Elementary ma le ECE o le Matagaluega o Fefa'ataua'iga. A.P. Lutali Elementary i Aunu'u ua fa'amatu'u lea i le matagaluega o Galuega Lautele.

 

O a'oga uma i le Manu'atele ua fa'atulaga ai le a'oga i le lotoa o le Segaula Manu'atele High ua lafo atu i a'ao o le ASPA latou te fa'afailele lea a'oga. O le a'oga a Ta'u ECE o le Port Administration ma le Matagaluega o Fa'ato'aga. Faleasao Elementary ua mae'a tu'uina lea i le aufaigaluega a le Public Works, Governor's Office ma le TAOA. Fitiuta Elementary School o le Public Works, Publice Health and Samoan Affairs e latou te tausia lelei. Olosega Elementary atoa ai ma le ECE o le ASPA.

 

A’OA’OGA FA’APITOA AUKUKA

 

Mo le vaiaso atoa ua toe fafagaina ai le tomai fa'apitoa e ao ina aotau ai le au kuka ma le aufaigaluega i le polokalama o Mea Taumafa a le fanau A'oga.

 

O le a'oa'oga ua le fuatasi i le tomai e mafai ai ona kuka ma tapena mea'ai tatau mo le fanau i aso ta'itasi, ae ua faia fo'i ma a'oa'oga lelei o le fa'amama lelei o mea e saunia ai mea'ai, ma le kuka ia vela lelei mea'ai a le fanau ae maise i a'ano o manufasi.

 

Ua va'aia fo'i le matua sogasoga o tama'ita'i faia'oga na tofia fa'apitoa, o nisi lava o lo'o fa'auluulu i ai vaega eseese o lenei tautua, ina ia mataituina e ali'i ma tama'ita'i galulue le mama o mea e gaosia ai mea taumafa, le tapenaga o mea taumafa, ae maise fo'i o le laulauina mo le fanau i aso uma o le a latou tautuina ai i latou i fale'ai o a'oga ta'itasi.

 

"O le tulaga mama, ua fa'ailo, ua e latalata ai i lou Atua! O lona uiga afai o oe o le tagata e te amio Atua, e ao ina ia te oe muamua lava le tulaga tumama i mea uma e te faia ma tapena,” o se tasi lea o fautuaga po'o tima'iga sa fa'alogoina i le potu a'oga o lo'o a'oa'o ai le tulaga mama, ona fufulu o ipu ma sipuni ma ulo ma mea uma e fa'aaoga mo le tapenaga o mea taumafa i aso uma.

 

O le ave'esea o mea'ai totoe ma ia leai se ga'o to'a i so'o se vaega o le umukuka e ono o'o ai le loi i totonu o lea nofoaga, ua le fa'amautu atu i ai manu fa'alafua ona ua le ave'esea toega mea'ai, aua e le mailoa i le anoanoa'i o fanau, e i ai nisi e matua ilitata o latou tagata i nisi o nei meaola fa'alafua.

 

Ua leai se vaega o le tumama e le'i o'o i ai le tautalaga i totonu o nei potu, e o'o lava i laei faigaluega o i latou o e kuka ma tapena mea taumafa a le fanau, e ao ina latou mautu i le tumama ma la'ei mama i taimi uma lava. O le tama'ita'i o Nelta Ala sa ia tima'ia fo'i le vasega o Kuka uma i lo latou potu fa'apitoa, "Ia le so'ona tu'uina nisi ituaiga o mea fa'amanogi mea taumafai i kuka mo le fanau, ae ua tautuana ia fa'aaogaina fuala'au 'aina fa'atulaga e le polokalama i taimi uma, ia mautinoa o lo'o maua e le fanau latou mea tausami paleni ma le tatau ia malolosi ai i latou."

 

Ua fa'ataua e i latou le tulaga mama, saunia lelei, paleni ma mea'ai tatau mo le tausiga o le soifua maloloina o le fanau i aso ta'itasi. "Tu'u loa i ai ma le laufofoga fiafia e sami ai mea uma, ua taua ma atoa lau auaunaga i lou tofi i lea aso ma lea aso i le galuega ua tatou tautua ai le tupulaga mo le lumana'i o le tatou atunu'u,” o se tasi lea o ana tima'i sa fa'alogoina a'o faia lana lesona.

 

LESITALA TAUVAGA SIPELA UPU FA’APERETANIA

 

Ua o'o fo'i i le taimi ua tatau ai ona lesitala a'oga tulaga muamua e fia 'auai i le "Tauvaga Sipela Upu Fa'aperetania" lea ua avea ma se auaunaga tumau a le Samoa News ma ana pa'aga fa'apitoa o le McDonalds American Samoa ma nisi e ofo mai fo'i e i latou nisi ala o le a latou fesoasoani ai e pei o fa'ailoga mo i latou o le a tauva i lenei tausaga a'oga 2017-18.

 

O le lesitala e $133 ma e fa'amuta ia Oketopa 13, 2017. O lo ua fa'atulaga Mati 8, 2018 e fa'ataunu'u ai lea tauvaga sipela.