Ads by Google Ads by Google

Tala I Vaifanua


O se vaaiga i le aoina o le Haka e ulufale atu ai i le malae i le malo o Mauritius le ‘au malosi a tama’ita’i U17 Amerika Samoa Handball (ASHBA)lea sa faia latou ulua’i ta’aloga e lua i le aso ananafi. [ata:foa’i ASHBA]

O se vaaiga ‘au ta’a’alo a tama’ita’i Amerika Samoa i le ta’aloga o le Handball i le ta’amilosaga fa’avaomalo i le malo o Mauritius. [ata: foa’i ASHBA]

TAPUA’I TA’ALOGA GIRLS U17 HANDBALL I MAURITIUS

 

O le aso ananafi, i le malo o Mauritius - e tu lata i le malo o Aferika i Saute - ta’aloga faitaulia lea ‘au a teine e i lalo o le 17 tausaga le matutua mai Amerika Samoa mo le ta’aloga fa’avaomalo (World Championshiop)  o le beach Handball. O le au a le Under17 a tamaitai mai le American Samoa Handball Association, sa tuua le territori i le vaiaso ua te’a. Ma sa ui latou i Samoa, aga’i atu ai i Fiti, malolo la’ititi i Singapore ona fa’ato’a tu’usa’o ai loa lea o le malaga mo Mauritius, o se malo tutoatasi.

 

Ua fa’ailoa mai o lo’o manuia atoa le aumalaga, o lo’o malaga atu ai fo’i le susuga le Faia’oga a’o le peresetene fo’i o le Asosi Handball a Amerika Samoa, Carl  Floor fa’atasi ma se tasi o tama o le asosi fa’apea ma le Foma’i mo le ‘au ta’a’alo Florence Wasko i lea malaga.

 

O i latou o lo’o malaga o le ‘au fili ua fa’ailoa mai, ua mae’a a’oina fo’i le latou siva tau poo le Haka mo le fa’amoemoe e tatala ai le latou ulufale atu i totonu o le malae mo a latou ta’aloga.

 

O le latou ta’aloga lona lua ua fuafua mo le itula e 3:00 i le afiafi e fetaui ai ma Portugal, ae o le latou ta’aloga muamua ma Spain i le taeao ananafi.

 

O le ta’aloga lona tolu e fa’amoemoe pe manumalo i latou i a latou ta’aloga e lua ua amata ai le fa’amoemoe, ma fai e taunu’u se latou ta’aloga lona tolu, e le mailoa fo’i po’o ai a latou ta’a’alo. Ae au fa’atulaga e faia le ta’aloga lona tolu pe a latou manumalo i le aso Lulu lea.

 

E to’a sefulu le au malaga o tama’ita’i loto tetele o Amerika Samoa, tatou tapua’ia faiva o le fanau ina ia ‘ai se fulu lelei, ma fa’afiafiaina ai le tapua’iga mamalu a Amerika Samoa. Pe afai o le a manuia, o le ta’aloga o le siamupini e sailia lea i le aso Faraile.

 

MA’I FATU - AUGA ILOA AI STROKE

 

Pe afai o lo’o maua oe i le ma’i fatu, e i ai auga e mafai ai ona e iloa o le a oso lou ma’i ma o’o ai ina pe se vaega atoa o lou tino po’o le stroke. Peita’i ua fa’amatala mai o le mafuaga o le oso o le ma’i fatu pe afai ua poloka le gasoio o le toto ua i ai le okesene e fagaina ai sela o sou itu tino. Ua le toe mafai ona gaoioi maso o le fatu ona ua leai se okesene.

 

Pe afai fo’i ua vaivai le gasolio a le toto ma ua le lava ai le sapalai o le okesene i le vave e tatau ai i se vaega o le fatu o lena vaega atoa o le fatu, o le a nofo.

 

E i ai auga e mua’i fa’ailo mai e lou tino ia te oe, ua latalata o’o mai le tulaga fita, ma e ono lelei fa’ailo ua fa’ailoa mai.

 

1. Vaivaigofie le tino: E moni afai e tele se fa’amalositino ma ni galuega sa faia, e vaivai le tino ma e manaomia le malolo, peita’i, e i ai nisi e le o tele se gaoioi, le fa’amalositino, o lo’o taumafa fo’i, ae vaivai lava le tino? O lea le ituaiga fa’ailo e fa’ailoa ai ia te oe, “O lo’o vaivai pea lou tino, ma ua aga e tatau ona va’aia le foma’i e saiki le tata o le fatu.

 

2. Le maua lelei se Moe: Afai e matele ina le mafai ona moe, moe te’ite’i, e foliga mai e i ai se mea o mana’o lou mafaufau e fa’ailoa ia te oe se mea. Ua tatau fo’i ona e alu e va’ai lau foma’i ma siakia lou fatu. O le isi itu e te’i ma e tula’i so’o e fa’aaoga le faleta’ele. E tatau fo’i ona va’aia loa le foma’i.

 

3. Vave Sela: Ua amata ona vave sela ae le masani ai, ua e iloa lelei ua amata ona fa’aletonu lou fatu aua ua le lava le Okesene e o’o i lou fatu. Afai e le o lava le okesene e o’o i lou fatu, ona e maua loa lea i le sela gofie.

 

4. Gogolo le Manava: Le sologa levei mea’ai ua taumafaina, ma ua fa’alogoina le gogolo so’o o lou manava. Peita’i e i ai mea’ai e afua ai ona gogolo manava o nisi e to’atele o mea’ai feu ma isi ituaiga o mea’ai so’ona oona.

 

5. Popole gofie ae le masani ai ma ua le mau nofolelei: A tupu lea ituaiga mea, ae le massani ona e fa’apena i so’o se mea e tutupu mai i lou soifuaga, ua tatau fo’i ona va’aia le foma’i ma siakia lou fatu.

 

6. Vaivai ma ua mamafa ou lima i lau fa’alogo: Pe afai e le lava le Okesene i lou fatu ina ia gaoioi lelei ai, ona fa’asolo mai lea I lou maea alio ma oo ai ina e fa’alogoina le mamafa mai o ou lima ua amata gagase, ona iloa patino lava lea o le a oso lou ma’i fatu. Maua nisi fa’amatalaga uma i le Uepesite:http://www.daily24news.us

 

INISIUA MO LE FA’ATUPEGA O MALIU

 

Ua i ai nisi ua latou vala’au mai ona o le tala sa lomia i le gagana peretania i le aso Gafua Iulai 10, 2017 a le Samoa News, peita’i o lea tala, mai le pepa o fa’amatalaga, e faatatau i Samoa tutoatasi, ae le aofia ai Amerika Samoa. Ma o lo’o manino lea mataupu i le lomiga.

 

E mautinoa e mafai ona talosagaina nisi e fia inisiua i lea fo’i ituaiga o Feagaiga tau inisiua, pe afai e nofo i Samoa po’o nisi lava malo o le Pasefika e agava’a ai. A’o I tatou i Amerika Samoa nei, e le o toe po malae i lenei tautua, o lo’o ua i ai lava kamupani Inisiua masani o lo’o tautuaina le mamalu o le atunu’u.

 

O le aso Faraile mulimuli o Iuni 2017 na fa’asalalauina ai se fa’asalalauga fa’apisinisi a le South Seas Financial Services lea ua latou ofoina mai ni Feagaiga fa’ainisiua o le Ola mo tagata uma lava e o’o i e ua fa’agasegasea i ma’i, tasi pe tele fo’i ma’i, ma e leai fo’i ni fesili o gasegase i latou pepa fa’atumu e afua ai ona e le agava’a.

 

Ua agava’a tagata uma mai le 0 - 85 tausaga le matutua mo Feagaiga fa’aInisiua o lou soifua, a maliu le sui o inisiua, e faauia le vaega tupe i le na e filifili e fa’asoasoani le vaega tupe mo ou toe sauniga ma lou falelauasiga.

 

Ua fa’apea fo’i tagata faigaluega, ua i ai se inisiua taugofie lava mo lea tagata, e laugatasia tagata uma e o’o lava i le tagata o matua ae afai o faigaluega, e tutusa lava le aofai o le peimeni ma le tagata talavou.

 

O tala uma sa fa’asalalau atu e tusa o le aoga o so’o se ituaiga inisiua ua sapaia ai lou ola, e moni lelei, aua o le tagata tapenapena lelei, e na te amana’ia ona toe taimi i lenei lalolagi, le mafutaga ma si ona aiga ia le so’ona vevesi e toe saili se tupe e fa’atupe ai mea uma mo oe.