Matauaina G. Toomalatai - Tausala Amerika Samoa 2017-18

Mai le tauvaga tausala lalelei o lenei tausaga, "Toe Tepa Tasi", ua manumalo ai le tamaita’i ia  Matauaina Gwendolyn Toomalatai lea na lagolagoina e le Fashions Boutique i le Laufou Shopping Center i Nuuuli.

O le tulaga lua, na maua e Salamasina Ituaumalosi Aumua, sa  sapaia e le O & O Inc. i Nuuuli.

E tusa ai ma i'uga mai fa'amasino, sa manumalo Toomalatai i fa'ailoga: Tausala Atalelei, Taleni, Siva Samoa, Laei Samoa ma le Taliga o le Fesili.

O fa'ailoga na maua e Aumua na pale ai i le Fa'atalanoaga o latou Folasaga i mataupu sa latou filifilia e avea ma manulauti o latou taumafaiga lea na fa'atinoina i le aso Tofi i le Fale Laumei. Na ia maua foi le fa'ailoga mo le Amio Lelei ma le Tausa'afia, ma le fa'ailoga mo le Ofu Taele. O isi fa'ailoga na maua e ni isi o tamaitai tauva.

I le tauvaga atoa, ua matua fa'afetaia lava le vasega o tausala lalelei na tauva i le latou taumafaiga e fa'afiafia le mamalu na auai e patipatia lea latou taumafaiga. Le vasega fo'i o Fa'amasino mo le latou galuega mae'ae'a, aua sa iloga lava ona fa'afiafiaina le to'atele i le fa'aiuga ua i ai nei o lea tauvaga.

Mataina le talenia fo'i o tausala na tauva aua sa matua iloga ona faigata le fa'amasinoina o vaega ta'itasi. I le tulaga o le fesili, sa iloga ona taumafai i latou e tali sa'o mai o latou lagona ma talitonuga lea vaega o le tauvaga.

O le fa'afetai na fa'ao'o mai e le MASI i lenei tausaga i le latou pa'aga i lenei tausaga, TMO Inc. ona o le lagolagosua i le fa'amoemoe, atoa ai ma kamupani sa latou fa'aulu ma lagolagoina taumafaiga a tausala uma na tauva, le pa'ia o aiga o tausala uma ma i latou na totogia ulufale mo le maimoaga o le tauvaaga.

O le fa'asologa o a latou taumafaiga i le po: tulaga 6: Miss Napa - Sharane Tofi Smith; tulaga 5: Feiloa'i Lusia Thompson na lagolagoina e lona aiga ma ana uo mamae; tulaga 4, Annie Teleasau Falefia Masoe sapaia e Miss U & I Fashion; tulaga 3 na maua e  Shalom Ruta Vasai-Moana lagolagoina e le Paradise Pizza mai.

Comment Here